Mộc Châu sir jos chiê yênhx thị xar trâu shông 2025

Dưv anr ntu cêr chênhr hâur đrôngs Mộc Châu ntêr muôx 10 cêik cêr, piz txix ntơưv cêik cêr 183-txox cêr lox 6 (nhoz tiểu khu 70, thị trấn Nông trường Mộc Châu-txos trâu cêik cêr 192+800-txox cêr lox 6 (nhoz tiểu khu 12, thị trấn Mộc Châu). Ntu cêr no muk đhâu thax tsav 3 xar, zos: Xar Mường Sang, thị trấn Mộc Châu thiêz thị trấn Nông trường Mộc Châu; thax tsav kriz đar chiê uô cêr zos 35 héc ta ntâu, đros muôx nhos 600 ziv chuôz zis tsuv txar qơư nhoz thiêz muôz ar têz chiê uô cêr; hâur co muôx 150 ziv chuôz zis muôx tsêr nhoz thiêz ar nhoz sâuv chor ar uô cêr muk đhâu. Txos six hơưv no, huyện tưz nyêis yêv txar pêx xênhv chiê uô cêr tâu muôx 30 ntâu héc ta. Zơưv Nguyễn Xuân Trường, Bí thư Đảng ủy thị trấn Mộc Châu puz pâuz:“Hur si thị trấn têx ban, nganhx, đoanx thêv puôr lênhx sik đros yax kriê txos trâu chor ziv chuôz zis nhoz hâur qơư kriz uô cêr pâuz. Hêik cxuô mak tsuv cê yax kriê cê kriz uô ntov jông; zos chuôz zis tsik txar qơư nhoz mak thị trấn zuôr paz trâu chuôz zis txar qơư nhoz. Nhiv kruôr đhâu, thị trấn tror muk hêik chor ziv chuôz zis muôx 16 luz nza tsuv tâu nyêis yêv, txar qơư hâur jiês txar qơư tiv 2 no, mak tas nro chor ziv chuôz zis puôr lênhx thôngx ziv txar qơư hur si”.

Đrâuv dưv anr ntu cêr chênhr muk hâur đrôngs hêik co, nhiv no sâuv thax tsav Mộc Châu tsênhv kriz uô 10 dưv anr zov chênhr txơưr đuô, li: Dưv anr txar qơư nhoz trâu tiểu khu 70, thị trấn Nông trường Mộc Châu; dưv anr qơư tsar đrêk yêz thâux xa kruô thiêz qơư pêx xênhv nhoz iz ndis; cêr zoz thôngz txix txox cêr lox 6 đhâu Tiểu khu Vườn Đào, thị trấn Nông trường Mộc Châu, huyện Mộc Châu txos jok Thuông Cuông, xar Vân Hồ, huyện Vân Hồ… Chor dưv anr zov chênhr no muôx tas nro thax tsav ar tsuv sâu tsês zos 72 héc ta ntâu ar têz; cik txos 1.224 ziv chuôz zis thiêz 7 tsưr tsix tsênhv sêiz car sir zôngv ar. Txos six hơưv no tưz sâu tsês, choz zok plas ar tâu muôx 50 ntâu héc ta, tax tâu muôx nhos 70%. Zơưv Nguyễn Thế Nghĩa, Giám đốc Ban sêiz car dưv anr yưv pênhr cxiv tsa huyện Mộc Châu puz pâuz:“Côngz xưv muôz pênhr kriz uô tâu Ban sêiz car Dưv anr yưv pênhr cxiv tsa, cux li hâu nov huyện sir jos chox kriê. Pêz tưz cxiv tsa tsưr ziv uô tsênhv tsênhz txos yênhx dưv anr thiêz zuôr sir jos hêik, khưx phưx têx phiv liv chiê txix nhiv txos kaz shông muôz tâu  95% ntâu chor pênhr tâu choz, txo grêk tsơưs tiv zix chor pênhr nhiêx tâu yêv muk trâu shông tov kaz”.

Xav jênhv uô jông côngz xưv nyêis yêv, txar pêx xênhv zuôr paz uô tâu sêi thiêz truôx jông chor dưv anr, txix co zuôr paz muôz tâu têx pênhr nhiêx huv zos lơưr tsưr ziv, huyện Mộc Châu tưz njuôk xav jông chiê kriz uô tâu côngz xưv sâu ar lơưr Chêi ar têz shông 2024 li Cui tênhv; tsêx trung kriz uô ntơưv têx qơưk lax nyêis yêv chiê choz zok tâu qơư trâu têx taz viv kriz uô; Hâu nov Ủy ban huyện, hâu nov chor phongx, ban cik txos thiêz Hôiv đồng pâux nzir chor dưv anr bax kriz uô chor jiês sik thav, uô hâux lưv đros chor ziv chuôz zis, tiz nênhs tsênhv tsik tâu thôngx ziv đros tsưr ziv pâux nzir, nyêis yêv, txar qơư nhoz; muôz siêz txơưx jênhv trâu nênhs sơưr thơưx, nênhs sêiz car, sir jos kriz uô đơưk kho têx kror tsênhv yuôr ziv chênhv sik txơưr hâur kriz uô tsênhv chêi pâux nzir. Zơưv Lê Trọng Bình, Chủ tịch Ủy ban huyện Mộc Châu hêik pâuz:“Hâur ntu kriz uô, Mộc Châu cux xav jênhv tsêx trung tas pênhr jos chor canr bôv công chức, viên chức txix cấp huyện txos thax tsav qơư, muôx tas nro cxiv luôs chinhr triv đros uô chiê kriz uô tâu sêi hâux lưv nyêis yêv, txar qơư nhoz chiê uô têx dưv anr lơưr tsưr ziv kror tưs zôngx ziv uô uô ntêx, kror tưs phiv liv uô lơưr kaz, chiê nzor kriz uô thiêz uô tiêr tâu nzor chor côngz trinhx tưz tâu huyện thiêz tỉnh cuêz tênhv tsưr ziv yưv pênhr kriz uô”.

Nghị quyết Đại hôiv Đảng bộ huyện Mộc Châu jiês tiv 22, ntu 2020-2025 tso tơưv tsưr ziv: “Tsêx trung huôv tsar cêr vax tsêr cxuô zav hâur đrôngs; viễn thông; du lịch; huôv tsar kôngz nuv sir zôngv công nghệ siêz; sir jos cov huyện uô tiêr tâu têx luôs hâux lưv zos huyện jêx jok yiêz; zos yênhx thị xar trâu shông 2025, sir jos cov zos đrôngs huôv tsar nhoz thax tsav Trung du thiêz tox siêz Bắc Bôv trâu shông 2030”.

Chênhr viv li, hâur shông 2024, đros sir jos uô, Mộc Châu tưz thiêz tsênhv sir jos siêz tiv zix chiê huôv tsar têx cêr vax tsêr cxuô zav cov cxix cxuô, zaz zâuv yưv pênhr, sir jos zos yênhx thị xar trâu shông 2025 li tsưr ziv tưz tso tơưv./.

                                                                                                      Tuyết Lan, Thu Thùy-Lik Thox cxêik nhênhv

Cui tinhv lok hlôngr yiêz tênhv hur trâu ngênhx zoz thôngz cêr ar

Nhênhz chơưv, kho đuô, cxaz nzir cxix luôs têx ntâuz ntơưr chei têz qơưk, xuz thơưx zos têx chei chuyên ngênhx, hâur co uô têx tsênhv njiêz, cui tinhv thiêz chos luk cik txos hlôngr yiêz tênhv hur, txo grêk tsơưs têx kiêk nênhs, vuôz tsuôz;

-Nhênhz chơưv, cxiv tsa, kho đuô, uô tiêr têx cui tinhv, kriê kỹ thuật...cik txos tsiv uô, hlôngr yiêz, zuôr muôs trâu saz đrâuv, seiz car têx yêz, chuôz zênhx zoz thôngz sir zôngv tênhv, têx tênhv hur.

-Cxiv tsa thiêz tso tơưv chei, cui tinhv chiê cxơưz cxiz, paz max, muôz jông six hơưv trâu doanh nghiệp gra siêz têx nhiêx txiêx, tsưr ziv kỹ thuật chiê yưv pênhr uô têx côngz trênhx, yêz, chuôz zênhx, huôv tsar pênhr jos tâu trơưk li hlôngr yiêz sir zôngv tênhv hur, txo grêk tsơưs têx kiêk nênhs, vuôz tsuôz.....

-Nhênhz chơưv, cxiv kho, cxaz nzir têz qơưk têx tsưr ziv, lok kỹ thuật chuyên ngênhx zoz thôngz thiêz tsưr ziv cik txos taz por yưv pênhr uô, cxiv tsa, kho đuô, sir zôngv têx côngz trênhx zoz thôngz huv đros trâu yưv pênhr uô, têx yêz muk lol, chuôz zênhx zoz thôngz sir zôngv tênhv, tênhv tênhz hur, txo grêk tsơưs têx vuôz tsuôz, kiêk nênhs.

Huôv tsar têx côngz trênhx zoz thôngz hur hâur ngênhx zoz thôngz mak ntơưv Thủ tướng Chính phủ Quyết định 876, Mục I, shông 2022 cui tinhv tsênhz mênhx li đrav kaz:

Tsov cưv uô tiêr 5 cxênhz cêik cêr ar muk chênhr; phênhv ntâu uô tiêr têx cêr muk chênhr trâu cxuô thax tsav, txuôk đros têx qơư tsav fuox gox ntiêx têz, yar yêz za ntiêx têz.

+Njuôk hov thiêz cxiv tsa: Cxix luôs sav tênhv, qơư côngz tênhv tênhz hur sâuv têx cêr muk lol chênhr, krêz đar uô têx cêr ar muk lol sâuv tas nro têz qơưk; qơư sav tênhv trâu chor yêz muk lol sâuv cêr ar ntơưv têx qơư tsav fuôx gox, qơư yêz za, qơư đrêk yêz......

+Cxiv tsa, uô đuô hur si têx qơư đrêk yêz trơưk cui tinhv.

Cui tinhv lok uô jông luôs hâux lưv sir zôngv tênhv hur, txo grêk tsơưs têx kiêk nênhs, vuôz tsuôz trơưk li Thủ tướng Chính phủ Quyết định heik sâuv:

Uô lơưr sir zôngv têx tênhv, trox yêz trâu yêz muk lol sâuv cêr ar trơưk cui tinhv chiê txo grêk tsơưs sir zôngv tênhv, trox yêz thiêz têx kiêk nênhs, vuôz tsuôz; cui tinhv sir zôngv tênhv tênhz, têx trox uz no trâu meir, chuôz zênhx yêz, fuôx gox muk lol hâur thax tsav thiêz sâuv đêx hiêr.....

Tsưr tsix yêz lox huv đros trâu cêr huôv tsar têx yêz; cxơưz cxiz hlôngr yiêz fax thâux têx hax huv txix cêr ar hlôngr muk cêr hlâu, cêr đêx.

Li ntơư, jux juk gra siêz têx yêz thâux xa kruô muk lol ntơưv têx ciêz đrôngs; cxơưz cxiz sơưr đơưk hlôngr pâur cheix chor yêz kruô, tsi thôngx li nhiv no nhiêk cheix nhiêk têx yêz muk lol./.

                                                                                                      Hồng Việt-Riê Lâux cxeik, nhênhv