Taz por shux xênhz nhoz thax tsav đêx ngaz Sơn La li hâux lưv tror tuôx cơưv ntơưr

          “Txơưv cur niêv tưz tâu tas siv nênhx taz sik cur cux xar tâu muk cơưv ntơưr chiê tov kaz no muôx hâux lưv uô truôx tul”

          Lâux A Hử, shux xênhz cơưv lớp 8, Tsêr cơưv Phổ thôngz mênhx cxưx bán trú cxênhx 2 Co Mạ, xã Co Mạ, huyện Thuận Châu, Sơn La li pheiz kênh cux zos tas nro 5 lênhx mê nhuôk muôx niêv trâus pôngz hâur jiês đêx cuôr yôngz lix xưv kaz hli 7 nhiv kruôr đhâu li têx siêz xar njôngr. Chuôz zis txov nhêv, tsuôk tos njôngr txos hâux lưv uô liêx uô têz, niêv tâu tas siv nênhx, chuôz zis ziv txov nhêv đuô, uô têx mê nhuôk no li hâux lưv muk cơưv ntơưr ziv njiz ntâu phêv liv đuô.

          Coz nas chuô số 2 cux uô qơư cơưv ntơưr Phiêng Nghè, Tsêr cơưv cxênhx 1 Chiềng Đen, niêv đrôngs Sơn La trâus đêx ngaz muôx nhos iz đraz hli. Têx hnuz zuôr txos shông cơưv yiêz, đêx qir xâuk tas, Ban giám hiệu tsêr cơưv tưz sik côngv đros chính quyênx tiv phaz đros shux xênhz li têx lênhx uô niêv uô txir thiêz tsôngv box khưx phưx têx trâus ruôr hiêv. Pos Đinh Thị Huệ, Phưv Hiệu trưởng tsêr cơưv cxênhx 1 Chiềng Đen, niêv đrôngs Sơn La puz pâuz:“Qơư cơưv ntơưr no muôx 2 lớp cơưv đros muôx zuôr xar 30 lênhx shux xênhz. Txơưv trâus ruôr hiêv hnhar đhâu jiês ntux nas, taz sik, tas nro cán bộ, cưk kriê, nhân viên tsêr cơưv tưz lok six sir jos chiê uô vêv xênhz tênhx qơư, taz por cơ sở cxuô zav trâu têx mê nhuôk shux xênhz tror tâu tuôx cơưv ntơưr trơưk Bộ zaoz zux li cui tênhv”.

          Ntơưv huyện tox siêz Bắc Yên- tiv phaz trâus zênhr shar ntâu hâur têx jiês ntux lok nas nhiv kruôr đhâu, zơưv Đào Văn Nguyên, Chủ tịch UB huyện puz pâuz: tiv phaz tưz chox kriê, huiz tôngv lưx lươngv “4 ntơưv qơư” seiz shuôk, qêz suô, kho đuô têx trâus puôk tsuôx tiv ntux nas nhoz tas nro têx tsêr cơưv ntơưr. Kho đuô tsêr nhoz trâu shux xênhz, qơư uô jâuz mor, thâuv tos shux xênhz tuôx cơưv ntơưr zuôr muôx qơư nox nhoz, qơư xênhz huôx taz por. Thôngx cxix, ciêr chênhr krêz uô HĐ, UB tỉnh li chủ trương lok yưv pênhr, kho đuô têx qơư cơưv ntơưr yax six trâus ntux nas uô ruôr hiêv:

          “Pêz tưz bax jông tsưr ziv taz por trâu tsêr cơưv ntơưr, iz zos phax tar txiêz nanv trâus saz txix têx njuôs xav muôx tox poz, taz por phax cuz, tiv zix zos thâuv muôx đêx ngaz, taz por zav nox hâur qơư uô jâuz mor bán trú, taz por phax moz thâuv muôx ntux nas…”

          Têx jiês ntux nas zov chênhr kaz hli 7 txos nhiv no tưz uô 30 ntâu qơư cơưv ntơưr nhoz tỉnh Sơn La trâus zênhr shar, ruôr hiêv tiv đêx ngaz, tox poz, têx cơ sở cxuô zav thiêz chuôz zênhx hâur tsêr cơưv trâus puôk tsuôx ntâu. Tas nro cxix luôk chính trị nhoz Sơn La tưz sik côngv, chuv tôngv muôx ntâu tsưr ziv sir jos cov shux xênhz tâu tror muk cơưv ntơưr trơưk six hơưv cui tênhv, taz por cưk kriê thiêz shux xênhz li txox siê thiêz chuôz zênhx chuôz tas. Thôngx cxix, huiz tôngv cxuô pênhr jos paz txưv lêx ntêr đros têx chuôz zis, têx mê nhuôk muôx chuôz zis trâus zênhr shar hnhar tiv ntux nas./.

                                                                                                               Lê Hạnh-Txâur Vax cxeik nhênhv

Hluôk nênhs uô nênhx jông txix têx hâux lưv uô muôx liv trâu sơưr đơưk

“Cur tuk txir tưz tâu chơưv paz tror lok đros chuôz zis nhoz uô nênhx. Cur chuôz zis tsik pâuz hêik li chak tsuôk pâuz uô tsâus ntâu txos bác sỹ Huyền thiêz chor hluôk nênhs li têx paz, lơưr tưz sir jos paz thiêz uô têx hâux lưv jông paz trâu yênhx lênhx nênhs moz”.

Co zos pos Phạm Thị Nam, nênhs moz Phạm Đức Hòa, nhoz tôv 6, phường Chiềng Lề, thành phố Sơn La, tỉnh Sơn La tuk pox niêv li phêiz kênh. Zơưv Hòa trâus moz plaz cêv hnhar, tâu chox tuôx tsêr kho moz thâuv tưz trâus lôngx, tsuv tâu cxaz nyar ciês taz sik tsêr kho moz ho tsik muôx chor nyar chiê cxaz trâu zơưv Hòa. Đros chuôz zis, kror muôx chor đảng viên hluôk, bác sỹ Nguyễn Khánh Huyền, Bí thư Đoàn Tsêr kho moz Y dược cổ truyền tỉnh Sơn La đros chor nênhs uô ntêx hlo paz nyar sêi tưz paz trâu zơưv tâu chơưv jông kror moz.

Txos nhiv no Nguyễn Khánh Huyền tưz tso nyar siêz jông muôx 55 jiês đros siêz xar “Iz tênhr nyar tso muk, paz trâu iz lênhx nênhs tror tâu uô nênhx nhoz”. Txơưv thâuv tưs zos nênhs moz xar muôx tâu nyar cxaz, lok sik muôx phongz yaox “Tso nyar siêz jông” ntơưv thax tsav qơư mak Huyền thiêz chor nênhs uô ntêx hlo ho tuôx chiê tso nyar, cxaz nyar, chơưv paz chor nênhs moz. Huyền puz pâuz: Huyền cxaz chuôz chor huôx tôngv viv côngv thôngx, hâur co muôx tso nyar siêz jông txix thâuv tsênhv zos shux xênhz cơưv đại học. Tov kaz no, lok uô côngz xưv ntơưv tsêr kho moz, zos Bí thư Đoàn hluôk nênhs, Huyền hax zav muôx nzir ntâu kror chiê sir jos uô chor hâux lưv siêz jông, tso nyar chơưv paz trâu chor nênhs moz:“Thâuv pâuz tiêk zuk chor nyar tso tâu tưz tâu muôx paz trâu chor nênhs moz hâur khoa chơưv paz, lok sik paz trâu chor nênhs trâus moz trưx phax, cur lok six shir phaz hênhr”.

Tâu cxaz chuôz lớp cơưv muôx bê “Lớp cơưv shir phaz-Happy class” zos cưk kriê Hoàng Thủy Ngân, đảng viên hluôk, Chủ tịch Hôiv Liên Hiệp Hluôk nênhs Tsêr cơưv Cxênhx oz thiêz Cxênhx pêz Nguyễn Du, thành phố Sơn La sêiz car, Quàng Thị Quỳnh, kuz shux xênhz lớp 12 hâur tsêr cơưv, đros chôngz lênhx nhuôs txơưr đuô tưz la tâu đhâu têx phiv liv, chiê sir jos cơưv ntơưr:“Cur lok six uô tsâuk ntâu txos cưk kriê Nguyên thiêz tsêr cơưv ntơưr tưz sir jos paz trâu pêz hla đhâu têx phiv liv, sir jos cơưv ntơưr cov jông đuô. Cur zuôr sir jos cơưv uô hâux lưv chiê paz tâu trâu zuk luz nênhx thiêz paz tâu trâu chuôz zis”.

Đros trâu uô truôx jông lớp cơưv shir phaz, ntâu shông đhâu, cưk kriê Hoàng Thủy Nguyên đros chor hluôk nênhs uô ntêx hlo tưz sik côngv đros chor câu lạc bôv uô ntêx hlo, chor nênhs siêz jông paz muôx yênhx tiv đêiv chiê kriz uô têx hâux lưv siêz jông viv côngv thôngx paz trâu cxuô zav nênhs sik txơưr. Chor tsaz yênhx “Lâux câuz cuô đik tsik tas nhiêx txiêx”, “Yo sor chêix ntux no”, “Krưr nduôr txâuv puôz, krưr cêr siz hluz”, “Uô si tsiêz Trung thu”, “Ntux yiêz txos tox siêz”, “Đros chor nhuôs tuôx tsêr cơưv ntơưr”… tưz paz trâu chôngz lênhx shux xênhz muôx luz nênhx txov nhêv sâuv thax tsav tỉnh Sơn La muôx nzir cxuô kror chiê cơưv ntơưr, sir jos hâur luz nênhx:“Tsênhv tsênhz đhâu yênhx jiês huôx tôngv co, cur pov lok six shir phaz. Txix têx hâux lưv uô siêz jông co, txix têx hâux lưv uô zâu co, tưz muôx lok six chôngz lênhx nhuôs, lok six ntâu chuôz zis, lok six ntâu nênhs lâul tưz muôx tâu luz nênhx jông đuô, shir phaz đuô”.

Bác sỹ hluôk Nguyễn Khánh Huyền thiêz cưk kriê ntơưr Hoàng Thủy Nguyên tsuôk zos oz hâur lok six chôngz lênhx nênhs sơưr thơưx chor đoanx hluôk nênhs sir jos uô luz nênhx jông, uô ntêx hlo viv côngv thôngx nhoz tox siêz Sơn La.

Đros lơưr, uô nênhx jông zos tâu gôngr côngv zuk đas jos, uô tâu ntâu kror hâux lưv jông, muôx liv trâu Đảng, chinhr quyền, trâu xar hôiv xưk li hlo Hôx tưz hêik tsês “Tsik cxơưx txos cêr txov, phiv liv, kror tưs phiv liv mak muôx hluôk nênhs, kror hâux lưv tưs lax uô muôx hluôk nênhs, njiz cêr txov, phiv liv tsuv zos nênhs uô ntêx hlo, thâuv tâu sơưv mak zos nênhs sơưv lơưr kaz cxuô lênhx nênhs”./.

                                                                                          Bích Thủy-Tòng Anh-Lik Thox cxêik nhênhv