Shir phaz zos lênhx fôngx zưs đros đrêiv tsôngv box Poz Ziz faz Bắc

Niêx hnuz, Đeix nta suôz Việt Nam li tsaz yênhx luk Poz Ziz tưz lok six sưv đros zơưv Lò Văn Chai nhoz jok Ma Me, xã Chiềng Ve, huyện Mai Sơn, tỉnh Sơn La. Zơưv Chai pir Đeix xưk li têx đêx hâuk, zav nox hâur niêx hnuz! Txơưv hâux lưv ntâu, max uô têx liêx têz, taz sik chênhr Đeix zos six hơưv chiê hu zơưv pâuz muk liêx muk têz, lês uô têx hâux lưv uz no hâur yênhx hnuz.  Zơưv ndo lok six jông six hơưv tso nta suôz tsaz yênhx, têx jax sâu, xor xưv txos trâu têx suôz gâux, cưr cxiêx chor nênhs sênhr hâur Đeix. Zơưv Chai heik pâuz: Đeix têx tsaz yênhx tso nta suôz lok six jông, paz zơưv muôx nzir ntâu txux chi, pâuz uô trơưk têx tsưr ziv kriê lok sâuv tu zus tsiêx cxu, chos kôngz lôngk trơưk cheix, huv đros chuôz zis:“Txix 5 six 30 phênhz tas cik, 11 six tar su niêx hnuz, cur mnôngs Đeix li tsaz yênhx luk Poz Ziz. Cur mnôngs xor xưv hâur têz qơưk chiê pâuz mênhx têx uz no hâur yênhx hnuz. Thiêz cur lok six nhiêv mnôngs phênhv “nôngx mênhx zuôr tsuv pâuz” heik lol têx tsưr ziv txơưx huôv tsar cêr uô nox nhoz ntâu thax tsav qơư, phênhv “Tsôngv pêx xênhv jêx jok têx luk thav” chiê cơưv shâuv, uô trơưk hâur luz nênhx. Mnôngs têx suôz cưr cxiêx kriê uô nox uô hâuk, kriê têx tuz nhuôs cêr uô nênhx tsiv txiêx”.

Viv ziv hnuz ziv tso tâu nta suôz đêz đar trâu cxuô thax tsav qơư, phênhv ntâu tsôngv box Poz Ziz nhoz thax tsav Tây Bắc thiêz iz cxiê suôv qơư hâur hâur tas nro têz qơưk tưz tâu mnôngs Đeix nta suôz Việt Nam li tsaz yênhx luk Poz Ziz. Zơưv lò Văn Dọn nhoz jok Sai, xã Quai Càng, huyện Tuần Giáo, tỉnh Điện Biên heik pâuz: Mnôngs Đeix, zơưv ziv pâuz mênhx đuô lok Đảng, têz qơưk têx chei fuô kriê, txix ntơư zơưv uô trơưk thiêz heik chuôz zis, têx tuz nhuôs tsi uô cxâuv chei têz qơưk:“Cur tsi so mnôngs Đeix, tsaz yênhx tưs cux mnôngs hur si. Mnôngs têx phênhv “nênhs jông uô hâux lưv jông”, phênhv “Kriê tsưr ziv huôv tsar uô nox, tu zus tsiêx cxu”...., cur thiêz tsôngv box mnôngs tsi so chiê pâuz uô trơưk hâur luz nênhx niêx hnuz”.

Mnôngs Đeix tâu ntêr lok tưz yênhx ntâu lênhx tsôngv box heir nênhs Poz Ziz iz cêr cor cav, lar heik zos têx lênhx lâul nênhs. Chênhr viv li, iz chas têx luk kruôs nxiês txos, tsôngv box cux tsês ntâu six hơưv, hnuz nhôngk paz jông trâu tsaz yênhx chiê ziv hnuz ziv uô tâu huv sơưr đơưk siêz nhiêv mnôngs Đeix. Iz zav li ntơưv jok Cá, phường Chiềng An, TP Sơn La, câu lạc bộ mnôngs Đeix nhoz no tâu yênhx lix txix shông 2012, txos nhiv no muôx 33 lênhx nênhs tsi so cxaz chuôz. 3 luz hlik mak câu lạc bộ tsưr tsix xênhz huôx iz jiês, tsôngv box sik đros pheiz kênh thiêz xa têx luk heik txos trâu Đeix têx tsaz yênhx nta suôz, lar heik zos Đeix TNVN li tsaz yênhx nta suôz luk Poz Ziz. Zơưv Cầm Văn Tuân, Phưv seiz car “câu lạc bộ mnôngs Đeix” jok Cá heik pâuz:“Niêx hnuz pêz câu lạc bộ krêz loa hâur jok tso nta suôz tsaz yênhx luk Poz Ziz trâu sơưr đơưk mnôngs, txos nhiv no pêz cux uô đreiv li co, 3 luz hlik xênhz huôx iz jiês, seiz lax gôngr ziv chênhv trâu Đeix li tsaz yênhx tso têx xor xưv, tsaz yênhx jông huv đros lênhx nênhs nhiêv mnôngs Đeix. Trơưk li chor lâul nênhs hnuz nhôngs siêz heik, hâur tsaz yênhx tso cêr lov jêv mak tsuv tso ntâu mê njik têx jax đaz nênhs, jax pêv heik lok luz nênhx xênhz huôx niêx hnuz chiê choz kriê cêr uô nênhx jông, tsiv txiêx trâu chor tuz nhuôs”.

Chiê uô tâu trơưk li lênhx nênhs nhiêv mnôngs Đeix tsưr ziv, siêz xar, tsaz yênhx tâu tso nta suôz têx xor xưv, cêr lov jêv, jax sâu, jax pêv heik lok luz nênhx hâur yênhx hnuz. Iz chas tso nta suôz têx xor xưv, jax sâu, njuôk ntux yar ntux nas, têx mông muôx nhoz cxuô qơư hâur têz qơưk thiêz sâuv ntiêx têz...., tsênhv uô nzir iz cxiê tsaz yênhx txơưr đuô cik txos tsôngv box sơưr đơưk luz nênhx xênhz huôx, txix hnuz tiv 2 txos hnuz tiv 7 tâu tso nta suôz têx têx tsưr ziv kriê lok cêr uô nênhx, huôv tsar uô nox uô hâuk, buôk ti sơưr đơưk têx luk thor cêr lov jêv, tso cưr cxiêx trơưk siêz nhiêv..... Qir txix hâur shôngk shông 2014, têx tsaz yênhx tâu tso sâuv mạng xã hội hâur hệ nta suôz mênhx cxưx VOV4. Co zos iz kro uô jông, huv đros trâu ntu têz qơưk hlôngr yiêz nhiv no, hu zâuv tsôngv box cxuô heir nênhs têx lênhx nênhs nhiêv mnôngs Đeix sưv jê đros tsaz yênhx, tsôngv box muôx têx xar mnôngs tsaz yênhx thâuv tưs, luz six hơưv tưs lok tâu hur si. Zơưv Tòng Đức Anh, Phưv Tsar phongx Luk heir nênhs tsơưs, seiz car tsaz yênhx luk Poz Ziz heik pâuz: “Pêz chor uô tsaz yênhx thâuv tưs tưz moz siêz txos uô jông luôs hâux lưv yax xa mông, hlôngr yiêz têx tsaz yênhx huv đros lênhx nênhs nhiêv mnôngs Đeix siêz xar, thiêz pêz tsi so muk yênhx jêx jok, xã, 2 chas thax tsav chiê sâu têx xor xưv hâur thax tsav qơư, xa tsôngv box têx luk heik tso hâur tsaz yênhx. Tsi tas li, chor xor xưv lok pêz cux yax xa têx mông zov chênhr, huv đros tsôngv box sơưr đơưk. Iz chas ntơư, cux sir jos hlôngr yiêz, uô jông têx tsaz yênhx huv đros lênhx nênhs nhiêv mnôngs Đeix tsưr ziv li: Tso suôz gâux, cưr cxiêx trơưk siêz nhiêv, piêr kriê trâu sơưr đơưk pâuz txos ntâu lênhx nênhs huôv tsar uô nox uô hâuk coz”.

Xav kror đruôz đraz iz shông, tưz muôx zuôr xar 312 tsaz yênhx xor xưv cxuô zav đros trâu ntâu tsaz yênhx nriêr pâuz lok cxuô heir nênhs têx txux chi vênhx huôv jông, tsaz yênhx tso cêr lov jêv luk Poz Ziz tưz tâu tsiv uô, tso nta suôz sâuv Đeix nta suôz Việt Nam. Ntâu shông đhâu, lar heik zos hâur 10 tơưv shông tror lok no, tsaz yênhx tưz sir jos cxaz chuôz têx jiês sik tưr thik Liên hoan nta suôz tas nro têz qơưk, giải pov tsir T.Ư, ntơưv qơư....

Tsaz yênhx luk Poz Ziz shir phaz tâu zos Đeix nta suôz Việt Nam iz hâur 13 tsaz yênhx heir nênhs tsơưs, zos tsôngv box Poz Ziz tox siêz faz Bắc lênhx fôngx zưs sưv jông hâur niêx hnuz./.   

                                                                                                                  Lường Hạnh-Riê Lâux cxeik, nhênhv

Cxuô hêir nênhs VN têx vênhx huôv jông

Trươk li hêir nênhs Cho chax chêk đhiê sâuv blêiv tơưk, zos iz vênhx huôv tsiv grê muôx liv lox trâu hêir nênhs co luz nênhx thiêz tâu kriz uô chiê thor đaz xênhz têz, xênhz qơư, car đêx car ar por hưv chuôz zis, xênhv nênhs, jêx jos tsik muôx moz gênhk, muôx luz nênhx tsâu sor.

Hêir nênhs Cho chax chêk đhiê sâuv blêiv tơưk hâur đrav ntêx tsuôk zos kriz uô trâu hli xiêz hâur niêx shông; taz sik nhiv no, ntênhk hội co tưz tâu côngv thôngx hêir nênhs Cho nhoz  thax tsav Tân Phượng, huyện Lục Yên, tỉnh Yên Bái chox lok kriz uô hâur têx hnuz kriz ntênhk hội chiê tuôr tsês hêir nênhs Cho têx txux chi, vênhx huôv jông cxôngx nzor cov muôx đros đrêiv hâur luz nênhx tsik chiê pôngz plox thiêz hêik kriê hêir nênhs Cho têx txux chi, vênhx huôv jông trâu tsôngv kruô sđ pâuz txos.

Kriz uô ntêx zos tus txir nênhz tsuv txi côngv đros pox côngz, zơưv côngz thiêz txi côngv trâu ntơưv iz saz chuz tơưk chas lox. Chor nênhs đros đhiê sâuv blêiv tơưk, zos têx lênhx tuz hluôk lox hloz tiêr nênhx đros trâu têx txir nênhz hu đaz xênhz têz xênhz qơư, đaz car đêx car ar tuôx thiêx đhiê tâu trâu sâuv blêiv tơưk. Uô ntêx thâuv zuôr đhiê trâu sâuv blêiv tơưk, têx lênhx nênhs co tsuv muk nzuôr chêr trâu têx đêx hur thiêz hlơưr shaz trâu pox côngz zơưv côngz, mnôngs cưk nênhz ntuôk txi côngv.

Đhâu txir nênhz txi côngv tas, têx lênhx đros txir côngv tưz kho đruôk tôngx cxêz tôngx uô zos đrêiv lênhx txir nênhz hêik kriê chiê siz zâuv muk đhiê đhâu blêiv tơưk, cxơưz cxiz tâu chôngz lênhx kruô tuôx sêiz shuôk. Zơưv Triệu Văn Khiền – iz lênhx txir nênhz nhoz xã Thông Nguyên, huyện Hoàng Su Phì, tỉnh Hà Giang shir phaz lul hêik pâuz:(Uô tsuv tsênhz tiês 100% li shông yiêz, tsuv muôx kêiz, chơưr chiê txi côngv pox côngz zơưv côngz, ndo txiês njis txos pox côngz zơưv côngz por hưv trâu chor nênhs đros đhiê sâuv blêiv tơưk chiê tsôngv kruô tuôx sêiz)

          Hâur thax tsav qơư kriz uô hêir nênhs Cho ntênhk hội đhiê sâuv blêiv tơưk, tưz lov jêv lul, muôx chôngz lênhx kruô tuôx sêiz shuôk thiêz pâuz txos hêir nênhs co têx txux chi, vênhx huôv jông cxôngx nzor. Pos Phạm Thị Hạnh, iz lênhx nhoz đrôngl Bắc Ninh, zos jiês xuz thơưx tuôx sêiz pov hêir nênhs Cho ntênhk hội đhiê sâuv blêiv tơưk ntơưv huyện Lục Yên shir phaz lul hêik pâuz: (Tsênhz tiês, cur kror muôs sêiz pov njôngr hêir nênhs Cho chax chêk, ntênhk đhiê sâuv blêv tơưk, muôx chôngz lênhx kruô tuôx sêiz. Sêiz pov têx lênhx đhiê sâuv blêiv tơưk, zos muôx tsênhz tiês thiêz ntơư zos hêir nênhs Cho iz txux chi, vênhx huôv jông cxôngx nzor tsênhv nhoz đrêiv hâur cur đruôz siêz tsik plox)

            Đhâu đhiê sâuv blêiv tơưk, chor nênhs đros txi côngv uô ntênhk hội co, tưz tâu lênhx txir nênhz hêik kriê nthuôr uô cêr lov jêv, đhiê pax vuôs, sênhr chêr cxôngx nzor trâu ntơưv qơư txi côngv pox côngz zơưv côngz thiêz trâu chơưrthor pox côngz zơưv côngz por hưv tsôngv px sđ khưr sâu tâu ntâu kôngz lôngk, tsik muôx moz gênhk, muôx luz nênhx tsâu sor.

          Ntênhk đhiê sâuv blêiv tơưk, zos hêir nênhs Cho iz txux chi, vênhx huôv jông cxôngx nzor muôx đros đrêiv hêir nênhs co đhâu ntâu tiêv lok txos trâu nhiv no tsênhv tuôr tâu truôx đros đrêiv hâur luz nênhx thiêz co cux zos iz vênhx huôv, txux chi cxơuz cxiz côngv thôngx sđ muôx cêr côngv siêz jông, siz chos cxiv kho jêx jos hlôngr yiêz jông jav, ziv hnuz ziv muôx luz nênhx tsâu sor./.

                                                                                                    Tsu cxêik nhênhv-Thừa Xuân, CQTT Tây Bắc