Txix shông Du lịch Têz qơưk 2024 zuôr paz trâu Điện Biên huôv tsar jông

             Nhạc nền điệu xòe thương nhau…

           Txix hâur shông shông txos nhiv no, xar muôx 20 xor xưv lox zâu hêik lok Shông Du lịch Têz qơưk tưz paz trâu Điện Biên cxơưz cxiz tâu tsôngv kruô tuôx sêiz shuôk, ndis uô si.

           Iz chas piêr pâuz lok iz tsênhv qơư du lịch nhoz thax tsav Tây Bắc hâur ntu tov ntêx no, muôx đros 3 zav du lịch zos vênhx huôv-lịch sử-jôngr ntông lơưr tỉnh tsưr ziv kriz đar huôv tsar tưz tâu thủ tướng Chinhr phuv cir, nganhx kinh têr tâu xav jênhv zos nganhx chênhr nhoz Điện Biên cux tsênhv yuôr ntâu phiv liv. Cux tsênhv zos iz luôs hâux lưv tsuv tâu njuôk xav truôx thâuv muôx chôngz kruô tuôx trâu Điện Biên, taz sik hâur hnuz nhôngs nhoz so tsuôk iz oz hnuz, chor kruô tsuôk tuôx chôngz iz cxiê ntu hâur shông, phuôx huiz tsik tâu tâu hâur 4 chêix.

            Lơưr zơưv Nguyễn Minh Phú, Giám đốc Sở Vênhx huôv, Thể thao thiêz Du lịch tỉnh Điện Biên, tsênhv yuôr lok six ntâu hâux lưv tsuv uô taz sik Điện Biên xav jênhv zuôr tsêx trung trâu iz cxiê kror hâux lưv lox li cxiv kho, huôv tsar vax tsêr cxuô zav; gra siêz đuô têx pênhr jos thiêz cxiv tsa têx zav du lịch jông. Điện Biên cux tưz muôx iz Nghị quyết chuyên đề lok tuôr tsês chiê, phuôx huiz vênhx huôv mênhx cxưx đros trâu huôv tsar kinh têr-xar hôiv: “Nhiv no pêz tsênhv kriz uô tsênhz mênhx lok hâux lưv tuôr tsês chiê, kho đuô têx qơư di tích lịch sử qơư ntâuk tros châuz Điện Biên Phủ, njuôk xav zuôr uô tiêr hâur shông 2024. Khov lơưr tsưr ziv uô co, tror hu zâuv, tsêx trung pênhr jos chiê tuôr tsês, kho đuô thiêz phuôx huiz têx tsiv gri no chiê uô trâu têx co yiêz, jông đuô, paz muôx nzir ntâu thôngz xor mông lok zênhx liv no txos trâu têx fôngx zưs thiêz tsôngv kruô pâuz txos”.

            Lơưr PGS.TS Trần Đình Thiên, kuz Viện trưởng Viện Kinh têr Việt Nam, đhâu ntâuk zênhx tros châuz “nto bê thôngz ntiêx têz”, Điện Biên zos thax tsav qơư nto bê thôngz tas nro sâuv ntiêx têz, tsik zos hâur têz qơưk xưz. Zos thax tsav qơư muôx ntâu kror  jông, zos luz tỉnh buôs ti đros Trung Quốc thiêz Lào. Taz sik kror phiv liv trâu thax tsav qơư zos pluôs thiêz nhoz kuôk đêz. Hmôngr jông Điện Biên cux tưz muôx qơư tsar đrêk yêz za nhiv kruôr tâu kho đuô, tsuv tror sir jos phuôx huiz, đros trâu thax tsav qơư tsuv sir jos hlôngr yiêz đuô têx tsưr ziv uô chiê muôx tâu têx kror txơưr, tơưv đhâu têx tsưr ziv xar grêiv thiêz tsuv uô cov huv đros trâu hâur thax tsav thiêz ntiêx têz. PGS.TS Trần Đình Thiên hêik mênhx: “Ciês qơư tsar đrêk yêz za zos iz kror jông, iz jiês yêz za thâux xa kruô zos pâuz uô mak zuôr paz sâu tâu liv ntâu hênhr, txix qơư tsar đrêk yêz za zuôr paz uô ntâu kror txơưr. Zos nhiv kruôr muôx 2-3 jiês za mak tsuv uô cov muôx za nzir, hok za 2-3 jiês xưz mak tsơưs hênhr, thiêz tsuôk txuôk đros trâu iz cxiê kror qơư xưz mak hax zav tsik tâu. Tiv oz zos tsuv uô cov tâu iz cxiê dưv anr zov chênhr chiê paz hlôngr yiêz jông đuô. Thành phố tsik jông, tuôx txos njiê pov tsik jông jav mak luôs cux tsik xar tuôx lơưv. Lok sik xưk li tuôx trâu ntơưv no mak têx tsêr trâu kruô nhoz so tsênhv muôx tsơưs hênhr”.

             PGS.TS Trần Đình Thiên hêik tiêk, Điện Biên cux tsuv muôx tsưr ziv chiê zaz zâuv chor nênhs muôx txux chi thiêz txơưx njê lok uô hâux lưv. Co cux zos kror paz ciês trâu thax tsav qơư sir jos tsav txênhz tâu hlôngr trâu muôz siz pir xưk li nhiv no.

          Lơưr zơưv Nguyễn Trùng Khánh, Cục trưởng Cục Du lịch Têz qơưk Việt Nam, hâur 7 kror tsưr ziv hêik mênhx hâur Nghị quyết 82 paz trâu huôv tsar sêi du lịch Việt Nam truôx đrênhk, Điện Biên tsuôk tsuv sir jos uô trơưk thiêz uô jông đros cxuô kror ntơưv zuk thax tsav qơư xưz cux zuôr paz uô tâu jông: “Tsuv sir jos piêr pâuz lok du lịch chiê sơưr đơưk pâuz tâu txos cxuô kror liv muôx nhoz Điện Biên thiêz tiv zix zos hâur jiês chiv nhênhv 70 shông ntâu zênhx tros châuz ntơưv Điện Biên Phủ zuôr tâu tuôx sêiz shuôk, ndis uô si thiêz txix co zuôr paz pâuz txos tsiv gri lok têx vênhx huôv, lok têx chiv xênhz thiêz lênhx nênhs Điện Biên jông đuô, paz trâu Điện Biên zos yênhx iz kror qơư jông tuôx ndis shuôk, uô si hâur ntu zuôr txos”.

             Nền nhạc điệu xòe thương nhau

          Đhâu ntênhk hôiv Pax lâus li yênhx côngz, Jiês so ntênhk 30/4-1/5 thiêz chiv nhênhv 70 shông ntâuk zênhx Điện Biên Phủ, tỉnh li tsưr ziv txêik tok muôx 1,3 triệu lênhx kruô hâur shông 2024 đros zos tỉnh tsưr tsix Shông Du lịch têz qơưk zuôr uô tâu trơưk li tsưr ziv tso tơưv. Ndax shông no, nhiv kruôr đhâu Điện Biên cux tưz tsưr tsix iz jiês cơưv hu chôngz lênhx nênhs nhênhz chơưv, nênhs khoa học tuôx paz sêiz lax txos huôv tsar du lịch ntơưv thax tsav qơư./.

An Kiên-Lê Hạnh-Lik Thox cxêik nhênhv

Sơn La sir jos uô luôs hâux lưv tsưx phưv truôx tuk zoz thôngz trâu shux xênhz hâur ntu hlôngr yiêz nhiv no

            Sir jos yax kriê, qênhz yuôx, heik uô lơưr jông Đảng, têz qơưk têx chei lok truôx tuk zoz thôngz trâu chor nhuôs shux xênhz.

            Xav tinhv tsênhz mênhx têx cơ quan lês uô hâux lưv têz qơưk li txơưx jênhv lok zoz zux, têx qơư zoz zux hâur taz por truôx tuk zoz thôngz trâu shux xênhz, fuô kriê truôx tuk zoz thôngz trâu shux xênhz zos iz hâur têx tsưr ziv ntâuk grê cxuô cơ quan lês uô hâux lưv têz qơưk lol zoz zux, têx qơư zoz zux, canr bôv, cưk kriê, nhân viên sik tưr uô nuv jông hâur niêx shông thiêz ntâuk grê shux xênhz cêr cơưv txux, têx hâux lưv uô hâur shông cơưv.

          Sir jos uô jông hâux lưv yax mông, fuô kriê têx chei têz qơưk lol truôx tuk zoz thôngz trâu shux xênhz

          Uô truôx jông cxix luôs chính trị têx hâux lưv, lar heik zos chor tsưr tsix đoanx thêv, chính trị li pưs txux, chuôz zis-tsêr cơưv ntơưr-xã hội sik hux jos truôx yax kriê têx chei têz qơưk lol truôx tuk zoz thôngz trâu shux xênhz, jux juk cxiv tsa vênhx huôv zoz thôngz hâur tsêr cơưv.

          Sir jos uô hâux lưv seiz car, hux jos nhoz tsêr cơưv thiêz chuôz zis lok yax mông, piêr kriê chei têz qơưk, seiz car shux xênhz uô trơưk chei têz qơưk têx cui tinhv lok truôx tuk zoz thôngz

          Fuô uô luôs hâux lưv cxiv tsa tsưr ziv, tsaz yênhx lok truôx tuk zoz thôngz trâu shux xênhz hâur têx qơư zoz zux, hâur co xav tinhv tsênhz mênhx shux xênhz têx uô cxâuv, tso tơưv tsưr ziv chiê chox kriê khưx phưx, tsi chiê muôx yưv têx tsi jông, uô cxâuv ntâu. Tsêr cơưv thiêz chuôz zis sik hux jos paz seiz car têx nhuôs shux xênhz. Fuô kriê uô jông hâux lưv cir ntơưr chos luk đros shux xênhz li niêv txir hâur uô lơưr têx cui tinhv lok truôx tuk zoz thôngz huv đros.

         Sir jos qênhz yuôx, qênhz shuôs, sei đrơưv qênhz pov thiêz xưv bluô têx uô cxâuv lok truôx tuk zoz thôngz trâu shux xênhz

         Qênhz yuôx, xưv bluô shux xênhz têx uô cxâuv thâuv cheix yêz muk lol tâus cêr, tiv zix zos têx shux xênhz uô yêz siz yar siz tsông tâus cêr; chor shux uô cxâuv chei cheix yêz muk lol tâus cêr, tsuv heik trâu tsêr cơưv pâuz chiê muôx tsưr ziv xưv bluô thiêz choz kriê huv đros; xưv lik txos qơư têx lênhx uô niêv uô txir tok, xa mê nhuôv uô cxâuv chei cheix yêz muk lol tâus cêr nhoz cxuô txox cêr jê iz ndis thax tsav tsêr cơưv. Qênhz shuôs têx qơư tso yêz jê tsêr cơưv.

         Sir jos qênhz shuôs, uô tiêr têx qơư đrêk yêz, thênhv yêz hâur thax tsav tsêr cơưv, chiê truôx tuk zoz thôngz

        Muôz têx nhiêx txiêx ntơưv qơư thiêz hu zâuv têx pênhr nhiêx txơưr đuô huv đros chiê cxiv kho têx côngz trênhx zoz thôngz, uô tiêr qơư đrêk yêz, tso yêz ntơưv têx thax tsav muôx tsêr cơưv.

         Chủ tịch Ủy ban tỉnh Sơn La choz luôs hâux lưv no trâu Công an tỉnh seiz car, hux jos đros Ban truôx tuk zoz thôngz tỉnh, Sở Zoz thôngz sox seiz, fuô kriê, qênhz yuôx, heik têx cơ quan, taz viv tsưr tsix fuô uô trơưk li heik sâuv. Thiêz heik Ủy ban tỉnh, Bộ Công an pâuz lơưr cui tinhv hâur niêx shông./.

Bích Thủy-Riê Lâux cxeik, nhênhv