Tuêv yax mông côngv thôngx nhoz xã Lũng Phìn luôs hâux lưv uô tso tsês tâu têx cêr nênhx pôngz kaz

Tsôngv box Hmôngz nhoz tox siêz Tây Bắc txix thâuv ntêx tưz muôx phongz qơưx co zos nênhs tuôs mak tsi jưv xaz, chiê muôz tus nênhs tuôs co tso trâu sâuv tus nênhs đêi lok sik txơưz trâu đruôz đraz phas tsêr. No zos iz phongz qơưx pôngz kaz, tsi taz uô tsi huv vêv xênhz mak tsênhv uô lênhx nênhs tuôs co đaz tuôs hênhr.

Xênhv Hmôngz Thox nhoz jos Suối Chín Ván, xã Lũng Phìn, huyện Đồng Văn, tỉnh Hà Giang ntâu shông lok no tưz uô ntêx nyuôk hlôngr yiêz phongz qơưx uô đaz uô kruô, nênhs tuôs tưz jưv xaz. No zos iz kro hlôngr yiêz jông hâur hâux lưv por vêv đas jos côngv thôngx, tso tsês tâu têx cêr nênhx pôngz kaz. Zơưv Thox Mí Sò, nhoz jos Suối Chín Ván puz pâuz:“Thâuv ntêx lênhx nênhs bluô nux thiêx muôz lênhx nênhs tuôs jưv trâu hâur xaz, chor chuôz zis pluôs cux tsik jưv xaz; taz sik nhiv no pêz Hmôngz puôr lênhx jưv xaz hur si”.

Hâux lưv hlôngr yiêz no zos chêx cuk chính quyênx tiv phaz sik côngv đros yax kriê tso tsês têx cêr nênhx pôngz kaz, muôx luz nênhx vav mênhx. Niêv lâuk Hoàng Thị Xiêm, Chủ tịch Hội pox niêv xã Lũng Phìn puz pâuz:“Xênhv nênhs Thox nhoz jos Suối Chín Ván nhiv no nênhs tuôs mak tưz jưv xaz. Yuôr têx xênhv nênhs txơưr txơưv tưz tâu yax mông lok six ntâu taz sik tsênhv tsi tâu uô trơưk, nhiv no têx tuêv yax cov sđ tso tsês tâu têx cêr nênhx pôngz kaz”

          Txix pênhr jos hâur dự án 8, Tsaz yênhx têz qơưk li qơư tsov txos lok huôv tsar kinh têr xã hội thax tsav tsôngv box mênhx cxưx tsơưs nênhs thiêz tox siêz zos Hội liên hiệp pox niêv xã tưz yênhx lix têx tuêv yax mông côngv thôngx nhoz tas nro têx jêx jos; txix co tưz gôngr phênhv muôz siêz tsôngv box li jênhv pâuz thiêz tsưr ziv uô. Zơưv Thox Và, Phưv bí thư Đảng ủy xã Lũng Phìn heik:“Đros Hội pox niêv mak hâux lưv yax mông nhiv no sâuv thax tsav xã cux tsênhv uô lơưr Ban chấp hành Đảng bộ tỉnh Hà Giang li Nghị quyết 27, Hội pox niêv cux uô trơưk thiêz muôx pưs txux coaz tsôngv hâur tso tsês têx cêr uô nênhx pôngz kaz”.

          Tror lok txos jos Suối Chín Ván, tas nro jêx jos nhiv no muôx 6 xênhv nênhs zos xênhv Thox, xênhv Shôngx, xênhv Lik, xênhv Vax, xênhv Muôk, xênhv Zax. Hâux lưv yax kriê tsôngv px hêir nênhs tsơưs hlôngr yiêz luz nênhx, tso tsês têx cêr nênhx pôngz kaz, zos tas nro đảng bộ thiêz chính quyênx ntơưv qơư sir jos uô thôngz đhâu ntâu jiês khiêz phêv chiê vênhv tôngv côngv thôngx sđ thôngx ziv uô trơưk.

          Hâux lưv no tso pov tsênhz mênhx chính quyênx tiv phaz li têx sir jos truôx siêz uô hâur hâux lưv cxuôv por tsês cêr uô nênhx pôngz kaz, chox têx hlôngr yiêz jông txos tsôngv box  mênhx cxưx tsơưs nênhs. Thôngx cxix, cux tso pov tsôngv box xênhv nênhs Thox li siêz xar cơưv shâuv, sâu jênhv têx hlôngr yiêz jông. Zơưv Thox Và puz pâuz cxaz:“Yax kriê, zuk uô lơưr xưz. Lơur cur mak nênhs tuôs tsuv jưv xaz thiêx jông, huv đros luz nênhx vav mênhx nhiv no. Xênhv Thox zois thâuv muôx iz lênhx nênhnss tưs tâu tas siv nênhx puôr lênhx jưv xaz. Muôx iz cxiê xênhv nênhs txơưr mak tsi tâu uô lơưr”

          Đros xênhv Thox Mí nhoz jos Suối Chín Ván, tas nro cxuô xênhv nênhs, cxuô chuôz zis puôr lênhx tso tsês tâu têx cêr nênhx pôngz kaz, sik đros hlôngr yiêz cêr uô nênhx vav mênhx, zos hâux lưv tsênhv tsênhz tso pov đas jos hâur cêr sik côngv siêz thiêz chinhz yênhx côngv thôngx thiêz zos iz luôs hâux lưv tsiv grê trâu têx sir jos  txơưr uô trơưk thiêz hlôngr yiêz, muôx luz nênhx vav mênhx./.

                                                                             Hoàng Thái-Txâur Vax cxeik nhênhv