Chor nênhs paz uô tâu jông Dưv anr 8 nhoz Sóc Trăng

Khov muôx dưv anr 8 mak niêv tix Châu Thị Ngọc Điệp nhoz jok Đại Nghĩa Thắng, xar Đại Tâm tâu cxaz chuôz ntâu tsaz yênhx yax mông ntơưv thax tsav qơư. Txix co, niêv tix yax kriê trâu chor ziv chuôz zis iz ndis pâuz thiêz sir jos uô côngz xưv por vêv, tsoz phưz trâu chor pox niêv thiêz nhuôv zâu:“Zuk cxaz chuôz trâu dưv anr 8 mak cux muk yax kriê trâu pox nhuôs pâuz thiêz cux tsik tâu ntâuk tsiv têx mê nhuôv li thâuv ntêx, por vêv trâu pox niêv thiêz nhuôv zâu ntơưv zuk thax tsav qơư”.

Dưv anr 8 tâu kriz uô ntơưv 3 jêx jok txov nhêv tiv zix nhoz huyện Mỹ Xuyên. Co zos jok Đại Nghĩa Thắng, xar Đại Tâm; jok Sóc Bưng, xar Thạnh Phú thiêz jok Phú Giao, xar Thạnh Qưới đros muôx ntâu huôx tôngv tsênhv tsênhz tâu kriz uô. Niêv tix Dương Thị Mỹ Nhiên, Chi hôiv trưởng Pox niêv jok Phú Giao, xar Thạnh Qưới, huyện Mỹ Xuyên, tỉnh Sóc Trăng hêik pâuz:“Ntu zuôr txos, Chi hôi pox niêv jok Phú Giao, xar Thạnh Qưới zuôr sik côngv đros hôiv thênhv siêz thiêz cxuô cấp cxuô nganhx muôx vax huôv, kriz uô tâu jông têx jênhv vưv nhoz dưv anr 8. No zos iz hâur têx tsênhv chêi lox, zov chênhr cik txos pox niêv thiêz nhuôv zâu, ndar txos uô cov pox niêv txir nênhx muôx vax huôv siz luôs thiêz sir jos đơưk kho cov tâu jông iz cxiê kror vênhv thix cik txos pox niêv thiêz nhuôv zâu thax tsav tsôngv box mênhx cxưx tsơưs nênhs”.

Ntu đhâu, Hôiv Liên hiệp pox niêv huyện Mỹ Xuyên tsêx trung trâu 3 tsênhv njiêz chênhr. Co zos yax kriê, hêik sơưr đơưk hlôngr yiêz đuô siêz xar, tsưr ziv uô, paz txo grêk tsơưs pox niêv txir nênhx vax huôv tsik siz luôs hâur chuôz zis thiêz côngv thôngx, têx phongx cxưx vênhx huôv pôngz kaz thiêz iz cxiê vênhv thix sêi đrơưv trâu pox niêv thiêz nhuôv zâu; cxiv tsa thiêz kriz uô đêz đar têx tsưr ziv hlôngr yiêz siêz xar, tsưr ziv uô, paz gra siêz đuô vax huôv lok kinh têr trâu pox niêv; paz sir jos uô pox niêv txir nênhx muôx vax huôv siz luôs thiêz đơưk kho têx vênhv thix trâu pox niêv thiêz nhuôv zâu; paz trâu pox niêv thiêz nhuôv zâu muôx luk hêik thiêz tâu cxaz chuôz trâu têx huôx tôngv huôv tsar kinh têr xar hôiv hâur côngv thôngx, sêiz kaz thiêz hêik tơưv zuk siêz xar, paz trâu pox niêv tâu cxaz chuôz lox tôngv trâu hâur cxiv luôs chinhr triv. Pos Trần Hồng Ni, Chủ tịch Hôiv Liên hiệp pox niêv huyện Mỹ Xuyên, tỉnh Sóc Trăng puz pâuz:“Chiê uô tâu jông dưv anr 8, Hôiv Liên hiệp pox niêv huyện Mỹ Xuyên chuôz cxaz uô côngz xưv yax mông, cxiv tsa têx tsưr ziv huv đros qênhx shênhx tsênhv tsênhz ntơưv thax tsav qơư thiêz đơưk kho cov tâu jông pox niêv txir nênhx vax huôv siz luôs hâur ntâu kror hâux lưv trâu pox niêv thiêz nhuôv nxêik nhoz thax tsav mênhx cxưx tsơưs nênhs, tso tsês têx phongx cxưx pôngz kaz, paz trâu huôv tsar cxuô ntơưv thax tsav qơư”.

Đhâu ntu kriz uô dưv anr 8, pox niêv ntơưv Sóc Trăng li vax huôv lok cơưv ntơưr, uô hâux lưv, tsoz phưz đas jos tưz hlôngr yiêz ntâu; tiv zix zos chor pox niêv nhoz đêz, tox siêz, thax tsav tsôngv box mênhx cxưx tsơưs nênhs. Pox niêv li pưk txux, qơư sơưr ziv hnuz ziv tâu hlôngr yiêz thiêz khav tênhv nhoz trâu ntâu kror hâur luz nênhx xar hôiv thiêz chuôz zis. Pox niêv li vax huôv ziv hnuz ziv tâu gra siêz đuô. Lơưr nriêr pâuz xav txos kaz tsêiz no, tas nro tỉnh muôx 109 xar, phường, thị trấn kriz uô tsưr ziv phax, tar ntâuk tsiv hâur chuôz zis đros xar muôx 180 Câu lạc bôv, zuôr xar 650 kror tsưr ziv uô phax, tar ntâuk tsiv hâur chuôz zis, 800 ntâu qơư njênhs njôngr nhoz côngv thôngx, zuôr xar 950 sôr tênhv trâu sơưr đơưk hu tênhv tuôx hêik pâuz./.

                                                                                                VOVĐBSCL-Lik Thox cxêik nhênhv

                                                   Tsưr ziv tu zus tsiêx cxu lox, zâu đhâu jiês ntux nas uô ruôr hiêv

*Yưr lir tênhx qơư tu zus

1.Sâu tsês thiêz yưr lir têx tsiêx cxu, keiz ok trâus tuôs lơưr cán bộ thú y li heik kriê.

2.Uô côngz xưv vêv xênhz, qêz suô guôx cơư, chôngx tu zus, cxix luôk tso đêx, chuôz zênhx tso đêx.

3.Tsuôk yuôx tuô caz moz iz ndis guôx cơư thiêz thax tsav tu zus 2 jiês iz ciêz; mfông môngr jêz siz lok sik têx yuôx tuô caz moz tas nro cêr muk lok, trôngx vas, yêz thiêz chuôz zênhx cxuô zav.

4.Kho đuô guôx cơư, chôngx keiz tu zus, cxix luôk tso đêx trâus puôk tsuôx.

5.Khơưz thôngz cxix luôk tso đêx, luôx têx đrox, qơư tso qir, chuôz zênhx phưx vưv tu zus.

6.Mfông môngr jêz siz lok sik tsuôk yuôx tuô caz moz tas nro plas guôx, chôngx keiz, cêr muk lok, trôngx vas thiêz chuôz zênhx …

Nhạc cắt

*Chuôz tsar tsoz phưz paz tsiêx cxu lox, zâu

          No zos iz hâur têx tsưr ziv coaz tsôngv, muôz siêz đas jos trâu tsiêx cxu, keiz ok đhâu jiês ntux nas, txu grês qênhx shênhx moz huôv xênhz lơưr têx tsưr ziv đrav kaz:

1.Cungz zav nox, đêx hâuk taz por tsơưr lươngv thiêz huv đros tsiêx cxu, keiz ok li hnuz nhôngs.

2.Cxaz nzir vitamin, premix khoáng B- complex, yuôx thox plaz…trâu paz tsiêx cxu, keiz ok cov chuôz cxaz đas jos phax tar moz.

3.Krêz uô hâux lưv cxax yuôx phax moz cxix cxuô trâu tsiêx cxu, keiz ok lơưr chiz coaz thú y li hei kriê.

4.Cxaz nzir chế phẩm sinh học trâu hâur zav nox, đêx hâuk thiêz puô qơư trâu tsiêx cxu.

5.Qênhz yuôx jông hâux lưv por coar zav nox đhâu jiês ntux nas, zos  krâur trâus tuôx pưv tsuv muôz por tsês, tsi puz tsiêx cxu, keiz ok nox.

6.Uô jông hâux lưv seiz car, tsoz phưz tsiêx cxu, keiz ok, tsi tso muk têx qơư trâus kiês nênhs, qênhz yuôx hâur niêx hnuz chiê pov nzor têx moz yưv, zos tsiêx cxu, keiz ok tsi nox hâuk, gênhs gênhs mak tsuv cêv kuôk cơư trâu iz qơư txơưr.

*Côngz xưv tror huôv tsar tu zus

Tsuôk tror huôv tsar tu zus tsiêx cxu, keiz ok thâuv bax cxix cxuô têx li đrav kaz:

          - Thâuv guôx cơư, chôngx keiz tưz tâu kho đuô, zôngv ntâuz tax their iz ndis guôx cơư, chuôz zênhx tu zus muôx cxix cxuô, thax tsav tu zus tax ploz tsênhr chiê tror huôv tsar tu zus cov taz por vêv xênhz.

          - Xeir nôngz tsiêx cxu, keiz ok muôx hâur pâus tsênhz mênhx, tâu cungz txix têx qơư tu zus taz por, muôx ntơưr qênhz yuôx moz, cxax yuôx phax moz lơưr cui tênhv.

          - Taz por cungz zav nox, đêx hâuk, têx chuôz zênhx puô hâur guôx cov jông.

          - Côngz xưv vêv xênhz thú y: Bax yuôx vắc xin, yuôx thú y, yuôx vi sinh…đrâuv co tsuv bax cuô yuôx tsuôk tuô caz moz iz ndis guôx cơư thiêz thax tsav tu zus./.

                                                                                                     Thanh Thủy-Txâur Vax cxeik nhênhv