Huyện tox siêz Ba Chẽ (Quảng Ninh) paz cxuôv por tsês cêr uô nênhx pôngz kaz phênhz pêx cxênhx txir nênhx thiêz pox niêv

          Lơưr pos Phạm Thị Thùy Trang, Chủ tịch Hội LHPN huyện Ba Chẽ, zos thax tsav qơư txov nhêv tiv zix nhoz tỉnh Quảng Ninh, qơư chêx chôngk ntâu tsôngv box mênhx cxưx tsơưs nênhs sik đros nhoz uô nênhx, hâux lưv “hlôngr yiêz siêz xar, tsưr ziv uô” paz gôngr phênhv cxuôv por tsês cêr uô nênhx pôngz kaz lok phênhz pêx cxênhx txir nênhx thiêz pox niêv hâur côngv thôngx nhoz ba Chẽ njiz ntâu phêv liv viv phênhv ntâu tsôngv box mênhx cxưx tsơưs nênhs nhoz no muôx phênhv sâu kis, yênhx tưv, pênhr xưv, jênhv pâuz kis, siêz xar lok txir nênhx thiêz pox niêv vax huôv siz luôs đros iz cxiê cêr uô nênhx pôngz kaz tsênhv muôx ntâu. Pos Phạm Thị Thùy Trang, Chủ tịch Hội LHPN huyện Ba Chẽ puz pâuz:“Nhiv no ntâu lênhx pox niêv thiêz mê nhuôk nxeik mênhx cxưx tsơưs nênhs sâuv thax tsav huyện Ba Chẽ njiz ntâu phêv liv hâur luz nênhx tsi tâu muôx qơư sơưr truôx tul. Qênhx shênhx siz zuôr nzor, ntâuk tsiv chuôz zis, seiz tâus txir nênhx, phênhz pêx pox niêv cux muôx hâur luz nênhx xênhz huôx niêx hnuz uô zênhr shar txos tênhx qơư nhoz uô nênhx thiêz tsôngv box li đas jos…Hâux lưv krêz uô tsưr ziv “hlôngr yiêz siêz xar, tsưr ziv uô” chiê gôngr phênhv cxuôv por tsês siêz xar phênhz pêx cxênhx txir nênhx thiêz pox niêv hâur chuôz zis thiêz côngv thôngx nhoz Ba Chẽ njiz trâus ntâu phêv liv”.

          Txix têx phêv liv co, Hội LHPN huyện Ba Chẽ tsênhv chêx chôngk car chêx phêv liv chiê yênhx trus hlôngr yiêz tsôngv box li jênhv pâuz. Iz hâur têx hâux lưv uô tsênhv tsênhz, co zos krêz uô têx tsưr ziv zov chênhr hlôngr yiêz lơưr saz: Yax mông đêz đar txos yênhx jêx jos, vênhv tôngv đêz đar txos yênhx ziv chuôz zis. Sik côngv muôz siêz tsơưr lươngv xênhz huôx chi hội, tuêv hội yax mông đros tsưr tsix hlôngr yiêz têx jiês xênhz huôx njiêz luv lok vax huôv txir nênhx pox niêv siz luôs. Hâux lưv xênhz huôx no uô lơưr tsưr ziv: tuêv tsưr tsix jiês thik lơưr njiêz luv, tsưr tsix têx huôx tôngv vênhx huôv vênhx ziv, thiv thao hâur têx chi hội; chuôz tsar uô hâux lưv lơưr yênhx paz lênhx nênhs ntơưv têx jiês xênhz huôx. Yênhx lix têx CLB lơưr hội viên li siêz xar, zoz qơưx. Têx jiês yax mông, xênhz huôx puôr lênhx hu tas nro têx gơưv niêv txir tuôx cxaz chuôz. Pos Phạm Thị Thùy Trang puz pâuz cxaz:“Thôngx cxix, pêz sik côngv paz pox niêv huôv tsar kinh têr, sir jos hla đhâu cêr pluôk truôx vênhs. Đrâuv hâux lưv phuôx huiz chinhz yênhx siz hluz, siz paz, phuôx tôngv têx phongz yaox paz pox niêv pluôk, phêv liv, muôz siêz pox niêv li vax huôv kinh têr. Tiv zix, pêz chêx chôngk muôz siêz pênhr xưv, txux chi, yênhx trus taz por fênhx zav cxênhx txir nênhx thiêz pox niêv hâur vênhv thix zaoz zux. Taz por fênhx zav nênhs hâur tâu sơưv têx jix vuv tsoz phưz đas jos xênhz zus nhuôk, tsưr ziv xênhz zus nhuôk hâur chuôz zis”.

          Đrâuv côngz xưv cxơưz tiês têx huôx tôngv zaoz zux, yax mông, Hội LHPN huyện Ba Chẽ tưz cxiv tsa 13 CLB pox niêv đros pháp luật, 13 chi hội uô jông cêr chei; tuôr truôx thiêz krêz đar jông 8 CLB tsoz phưz jông mê nhuôk, 7 CLB pưs txux lênhx niêv tsoz phưz đas jos xênhz zus thiêz uô lênhx niêv taz por, 8 trâur nuv “qơư jông njênhs njôngr” ntơưv côngv thôngx, uô hâux lưv phax tar ntâuk tsiv chuôz zis, ntâuk tsiv pox niêv sâuv thax tsav, 7 trâur nuv “ Cxiv tsa chuôz zis 5 tsi muôx 3 hur si”, 20 trâur nuv “ Qơư chi cax lus lok 3 hur si”.Tiv zix paz txưv pox niêv muôz siêz luz nênhx thiêz chinhz yênhx, Hội tưz vênhv tôngv, yênhx lix iz CLB “Vênhx ziv thiêz tuôr tsês tsôngs yo mênhx cxưx Cho Thanh Phán”, 8 CLB ntâuk poz, 60/66 CLB đhiê pax vuôs thiv thao thiêz no zos iz hâur têx CLB zaz zâuv chôngz pox niêv, ntâu lênhx nênhs cxaz chuôz, chox lok tsiv grê chinhz yênhx, đas jos trâu têx hội viên. Đrâuv co, pox niêv cxaz chuôz CLB đhiê pax vuôs thiv thao tsênhv tâu lơưr tul txir thôngx ziv. Đros siêz xar huv đros, tsi phênhz pêx pox niêv hâur cxuô tsưr ziv uô si thiv thao thiêz.

          Txix co tso pov, huyện Ba Chẽ lok six yênhx côngz hâur hâux lưv krêz uô têx huôx tôngv paz pox niêv, gôngr phênhv muôz siêz luz nênhx thiêz cxơưz tiês fênhx zav cxênhx txir nênhx thiêz pox niêv sâuv thax tsav. No zos trâur nuv jông chiê cơưv shâuv thiêz krêz uô đêz đar./.

                                                                                                             Vũ Miền-Txâur Vax cxeik nhênhv

Muôz chor vuôz tsuôz phêiz li chak cov tsik trâus xưv bluô?

Zuôr kriz uô têx tsưr ziv xưv bluô chiê paz trâu sơưr đơưk sir jos phêiz cxuô zav vuôz tsuôz

Lơưr Nghị định no, ziv chuôz zis, tiz nênhs tsik muôz phêiz têx zav vuôz tsuôz xênhz huôx thiêz tsik sir zôngv têx hnaz, qơư trâu têx vuôz tsuôz xênhz huôx lơưr cui tênhv zuôr trâus xưv bluô nhiêx txiêx 5 puô cxênhz đêiv  txos 1 triệu đêiv.

Nghị định cux cui tênhv têx phênhv xưv bluô tsênhz mênhx trâu têx kror chiê têx vuôz tsuôz muôx tưx lok sik uô têx tưx cxênhv trâu đrâuv tênhv qơư ar, đêx; uô cxâuv têx cui tênhv chox têx vuôz tsuôz lok trâu hâur têz qơưk Việt Nam; uô phiv liv txos hâux lưv sêiz car têz qơưk, qênhz yuôx, xưv bluô uô cxâuv hành chính lok por vêv tênhv qơư… Tsênhv tsênhz, xưv bluô nhiêx txix 100.000 đêiv txos 150.000 đêiv trâu têx uô cxâuv muôz chor vuôz tsuôz por tsês ntơưv têx qơưk tsik zos lơưr cui tênhv ntơưv qơư pêx xênhv nhoz, qơư zuôr muôs hax huv, dịch vuv lok sik qơư công côngv.

Xưv bluô txix 150.000 đêiv txos 250.000 đêiv trâu têx uô cxâuv (li tơưv trôngx) tsik huv zos têx qơư cui tênhv ntơưv qơư pêx xênhv nhoz, qơư zuôr muôs, dịch vuv lok sik qơư công côngv.

Xưv bluô 500.000 đêiv txos 1 triệu đêiv trâu têx uô cxâuv li muôz têx vuôz tsuôz, têx zav trâu đêx tsik zos têx qơư cui tênhv ntơưv qơư pêx xênhv nhoz, qơư zuôr muôs, dịch vuv lok sik qơư công côngv.

 Bluô txix 1 triệu đêiv txos 2 triệu đêiv trâu têx kror uô cxâuv muôz têx vuôz tsuôz por tsês ntơưv têx ntus cêr, hâur cêr lok sik por trâu hâur têx qơưk tso đêx ntưk muk hâur têx đrôngs; tso têx cuô đêx tsik hur tsik huv zos cui tênhv; muôz têx vuôz tsuôz nhựa por tsês hâur têx pak đêx, cưx đêx, cưx ha, đêx hiêr….

Hâux lưv xưv bluô no tâu uô trơưk txix hnuz 1/1/2025.

Uô li chak cov tsik trâus xưv bluô?

Chêi por vêv tênhv qơư shông 2020 tưz cui tênhv, phêiz têx vuôz tsuôz xênhz huôx zos kror hâux lưv tsuv tâu sơưr đơưk thiêz chor chuôz zis sir jos uô. Têx vuôz tsuôz xênhz huôx txix chor ziv chuôz zis, tiz nênhs zuôr tâu muôz phêiz lơưr tsưr ziv đrav kaz: Têx vuôz tsuôz zuôr tror sir zôngv, uô đuô tâu; Têx vuôz tsuôz hâur zav nox; Têx vuôz tsuôz xênhz huôx txơưr đuô.

Đros chor ziv chuôz zis, tiz nênhs nhoz têx đrôngs tsuv muôz têx vuôz tsuôz xênhz huôx phêiz ntiv tsês trâu hâur têx hnaz, qơư sik txơưr lơưr yênhx zav thiêz choz zok trâu chor tsưr tsix, tiz nênhs muôx vax huôv xưv lik; chor vuôz tsuôz hâur zav nox zuôr tâu sir zôngv uô qir zuôv hữu cơ, uô zav nox trâu tu zus…

Đros chor ziv chuôz zis, tiz nênhs nhoz têx jêx jok đhâu thâuv muôz phêiz têx vuôz tsuôz mak tsuv uô lơưr sêiz car li: Cxơưz cxiz sir zôngv têx vuôz tsuôz zav nox uô qir zuôv hữu cơ, uô zav nox trâu tu zus. Têx vuôz tsuô zuôr tror sir zôngv, uô đuô tâu mak choz zok trâu tsưr tsix, tiz nênhs tror sir zôngv, uô đuô; lok sik muôx qơư sâu tsês, thâux xa têx vuôz tsuôz xênhz huôx. Têx vuôz tsuôz hâur zav nox zos tsik tâu tror sir zôngv uô zav nox trâu tu zus lok sik uô qir zuôv hữu cơ tsuv tâu choz zok trâu chor qơư zuôr sâu tsês, thâux xa tâu têx vuôz tsuôz xênhz huôx. Têx vuôz tsuôz xênhz huôx txơưr tsuv tâu ntiv tsês trâu hâur têx hnaz, têx têik lơưr cui tênhv thiêz choz zok trâu têx qơư sêiz tsês, thâux xa têx vuôz tsuôz xênhz huôx../.

                                                                                    Bích Thủy-Lik Thox cxêik nhênhv