Doanh nghiệp Lào Cai uô ntêx hlo tror huôv tsar kinh têr, sik côngv paz đhâu trâus ntux nas chuô đêx ngaz cuôr

          Đêx ngaz cuôr thiêz ar poz tiv coz chuô sôr 3 tưz uô ruôr hiêv ntâu txos tsêr mêir đêx tênhv Mường Hum thiêz Bản Sèo ntơưv Bát Cát, Lào Cai. Taz sik, tsuôk đhâu xar muôx iz hli sir jos, tsêr mêir Mường Hum tưz tror kho đuô tso tâu iz phênhv công suất, hêik tơưv tâu doanh nghiệp li sir jos hla đhâu têx phiv liv, truôx siêz hâur tuôr truôx jông ngaz tuk năng lươngv, paz gôngr côngv trâu sâu nhiêx txiêx têz qơưk. Zơưv Nguyễn Thanh Hải, Tổng Giám đốc Công ty Cổ phần Tsêr mêir đêx tênhv Mường Hum puz pâuz: “Pêz zuôr sir jos kho đuô cov tiêr tas hur si 2 tsêr mêir đêx tênhv Mường Hum thiêz Bản Sèo chiê gôngr côngv iz phênhv, kho đuô têx trâus ruôr hiêv, phiv liv, paz gôngr côngv trâu Lào Cai li huôv tsar cxuô”.

             Đhâu nganhx Công thương li nriêr pâuz, jiês lok nas chuô, đêx ngaz cuôr hâur hli 9 nhiv kruôr đhâu tưz uô phiv liv txos 26 hâur 130 côngz trinhx tsêr mêir đêx tênhv nhoz Lào Cai. Txos nhiv no, khov doanh nghiệp li sir jos, tưz muôx 15 tsêr mêir đêx tênhv tâu kho đuô thiêz tror tso tênhv.

            Tưz tsik zos chor tsêr mêir đêx tênhv trâus ruôr hiêv xưz, nganhx du lịch Lào Cai cux trâus ntux nas chuô ruôr hiêv txos ntâu, chor kruô trâus txo grêk tsơưs muôx 80% hâur hli 9. Iz chas kriz uô ntâu tsưr ziv paz, chor doanh nghiệp du lịch cux vav tiêk zuôr muôx sik côngv jông txix chinhr quyền hâur kho đuô têx cêr cxuô zav thiêz paz piêr pâuz, paz zôngx ziv trâu tsôngv kruô tror tuôx ndis shuôk, uô si ntơưv no. Zơưv Tô Bá Hiếu, Phưv Chủ tịch Hiệp hôiv Du lịch tỉnh Lào Cai puz pâuz: “Pêz vav njôngr, tiv zix zos tâu Ủy ban tỉnh sêiz shuôk txos iz cxiê tsênhv chêi paz huv đros trâu têx taz viv uô du lịch hêik taz, thiêz chor doanh nghiệp hêik cxuô trâus ntux nas chuô ruôr hiêv. Tsênhv tsênhz, kho đuô six hơưv kir txêik pênhr, txo grêk nhiêx liv kir txêik lok sik paz nhiêx liv trâu zênhx hangx; txo grêk nhiêx txiêx ntiêr ar, tsik sâu nhiêx sê phênhv sâu doanh nghiệp, nhiêx phí vêv xênhz tênhv qơư; sêiz shuôk cxaz nzir six hơưv thêv cxuô zav nhiêx sê”.

              Lơưr zơưv Nguyễn Huy Long, Chủ tịch Hiệp hôiv doanh nghiệp tỉnh Lào Cai, doanh nghiệp Lào cai li chax chês sik côngv siêz, sir jos iz jiês thiêz tâu khav tênhv hâur jiês trâus ntux nas chuô ruôr hiêv nhiv kruôr đhâu. Đâuv siz paz kho đuô têx trâus ruôr hiêv, chor doanh nghiệp Lào Cai tsênhv sir jos paz trâu côngv thôngx, muôx yênhx cxênhx jiês paz hax huv thiêz paz 30 tiv đêiv trâu pox nhuôs trâus đêx ngaz cuôr ruôr hiêv: “Tiv zix zos têx doanh nghiệp cxiv tsa thiêz hâur hâux lưv cungz têx chuôz lov cxiv tsa mak pêz cux tưz cơưv thiêz thôngx ziv tso tơưv phongz yaox cxiv uô tsêr tsik zuôr nhiêx txiêx chiê paz trâu chor ziv chuôz zis trâus ntus nas, đêx ngaz cuôr ruôr hiêv. Lơưr cur mak no zuôr zos têx kror lok six jông, tsênhv tsênhz, chiê muôx tâu têx tsiv gri lox paz trâu pox nhuôs”.

              Hêik pâuz ntơưv Ủy ban tỉnh Lào Cai li jiês cơưv tsik so hâur hlik hli 10 nhiv kruôr đhâu puz pov, coz chuô sôr pêz ruôr hiêv tưz uô trâu sâu nhiêx txiêx têz qơưk trâus txo grêk zuôr xar 900 tiv đêiv, xav tas nro têx nhiêx sê, nhiêx phí sâu txix doanh nghiệp.

             Hêik ntơưv jiês cơưv, Phưv Chủ tịch ủy ban tỉnh Lào Cai-zơưv Hoàng Quốc Khánh ntâuk gri siêz chor doanh nghiệp li têx sir jos hla đhâu têx phiv liv, đros co hêik mênhx tiêk, tỉnh zuôr tror paz zôngx ziv thiêz jông tiv zix trâu chor doanh nghiệp-zos kror zov chênhr chiê paz gôngr côngv trâu tsưr ziv chuôz ndê muôx 7% hâur tas nro shông: “Zuôr muôx chor jiês hâu nov tỉnh uô hâux lưv đros têx doanh nghiệp njiz trâus têx phiv liv hâur hâux lưv uô nox, kinh doanh sâuv thax tsav. Tas nro chor jiês uô hâux lưv đros têx doanh nghiệp njiz phiv liv ntâu txos tsiv gri uô nox, cux li phênhv sâu nhiêx txiêx têz qơưk, chiê paz cxơưz cxiz chor doanh nghiệp chuôz cxaz tsiv gri uô nox, sir jos uô txơưx jênhv paz trâu côngv thôngx doanh nghiệp sâuv thax tsav sik đros huôv tsar, hla tâu đhâu ntu njiz ntâu cêr txov thiêz phiv liv no”./.

An Kiên-Lik Thox cxêik nhênhv

Têx hâux lưv uô tâu hâur 40 shông hlôngr yiêz: Sir jos hla trâu “Ntu hlôngr yiêz thiêz huôv tsar”

             Sơưr yênhx hax nhoz tok, muôx ntơưr thiêx tâu zuôr hax huv… co zos têx phiv liv muôx nhoz trơưr hâur chor nênhs uô nênhx đrav ntêx siêz tsik plox thâuv lơưr tror xar txos. Co zos “ntu cxuô zav tâu têz qơưk muôz”, zos pêz têz qơưk iz ntu lịch sử muôx ntâu txov. Ntu nênhx txov nhêv co xưk li tsik tâu hêik txos ntâu hâur ntu nênhx hlôngr yiêz nhiv no… taz sik cux tsênhv nhoz trơưr hâur ntâu cxênhx nênhs Việt Nam siêz tsik plox thiêz tâu lơưr tror thav txos thâuv muôz pir đros luz nênhx hâur ntu nhiv no: “Ntu nênhx thâuv ntơưr txov nhêv hênhr. Nox poz cưk, tas nro jok sơưr seiz ti vi. Thâuv ntêx xar cov tâu nox tsâu, hnar sor; nhiv no xar cov tâu nox kaz hnar jông”.

          “Ntu thâuv ntêx tsuv muôx ntơưr chiê zuôr hax huv, tsuv muk sơưr yênhx hax tok zuôr hax huv txov nhêv hênhr, taz sik txos nhiv no luz nênhx tưz hlôngr yiêz jông, xar zuôr zav tưs cux tâu, qơư muôs hax huv muôx nhoz cxuô qơư, luz nênhx cux vav mênhx đuô”.

           Đại hôiv Đảng jiês tiv 6 (hli 12 shông 1986) tso tơưv tsưr ziv hlôngr yiêz. Đảng tsưr ziv hlôngr yiêz piz uô txix hlôngr yiêz siêz xar  “uô ntêx zos hlôngr yiêz siêz xar lok kinh têr”, hlôngr đuô kinh têr trơưk ciêz đrôngs- Hâux lưv chuôs li zôngx ziv uô, taz sik kriz uô hlôngr yiêz txix shông 1986 thâuv têz qơưk tsênhv txov nhêv lok kinh têr-xar hôiv, thiêx li njiê pov tâu têx tsiv gri lox nhoz chor nênhs Cộng sản têx tsưr ziv siêz xar. GS.TS Mạch Quang Thắng, Học viện Chinhr triv Têz qơưk Hồ Chí Minh khav tênhv, no zos kror hlôngr yiêz lox hâur têx tsưr ziv lênhx tov. Chênhr hlôngr yiêz tưz kriz tơưv tâu pêx xênhv têx đas jos, uô trâu sơưr đơưk sir jos uô lox tôngv thiêz uô tâu cxuô zav xưk li nhiv no: “No zos kror ntâuk chiv lox lok Đảng têx hlôngr yiêz. Lok six zov chênhr, njiê ciês trâu cxuô luôs hâux lưv uô tsênhz mênhx txos trâu têx hlôngr yiêz siêz xar; co zos hlông yiêz kinh têr. Đảng pêz tưz uô huv đros”.

              Têx uô tâu hâur zuôr xar 40 shông hlôngr yiêz, đros xêir tsov tâu hâu cêr huôv tsar huv đros, txix iz têz qơưk kôngz nuv, pôngz kaz, yêiz pluôs, kinh têr tsik huôv tsar, GDP tsuôk tâu muôx 26,3 tiv đô la Mỹ hâur têx shông xuz thơưx hlôngr yiêz, Việt Nam tưz tơưv đhâu têx têz qơưk muôx phênhv sâu kik txix shông 2008; kinh têr tax tâu 430 tiv đô la Mỹ, sơưr tiv 35 hâur 40 nền kinh têr lox tiv zix ntiêx têz. Txix iz nền kinh têr tsik zuôr muôs, uô nox đros luôs oz chas têz qơưk, Việt Nam tưz yênhx têz qơưs sik đros côngv zuôr muôs ntâu hax huv tiv 22 sâuv ntiêx têz.

             Tiv zix, hâur qênhx shênhx txov nhêv, sir jos hla đhâu têx phiv liv, txix Đại hôiv 13 txos nhiv no, kinh têr Việt Nam tưz chuôz ndê siêz thiêz truôx tuk tus grê zuôr muôs. Shông 2023, tas nro phênhv sâu muôs tơưv saz đrâuv têz qơưk tâu zuôr xar 700 tiv đô la Mỹ; cxơưz cxiz yưv pênhr txix saz đrâuv têz qơưk tâu muôx 23 tiv đô la Mỹ, zos kror siêz tiv zix txix thâuv ntêx txos nhiv no; đros co, zos yênhx qơư chi cax lok truôx tuk, kho đuô thiêz huôv tsar kinh têr hâur qênhx shênhx têz qơưk thiêz ntiêx têz njiz ntâu kror phiv liv, txơưr txar. Sêiz car Ủy ban Kinh têr Côx hôiv Vũ Hồng Thanh puz pâuz: “Kinh têr têz qơưk nhiv no uô tâu truôx jông. Nux gri côngz, nux gri Chinhr phuv, nux gri saz đrâuv têz qơưk nhoz phênhv tâu Côx hôiv njuôk xav. Nhiêx txiêx pôngz gri tâu phax tar truôx. Pêz têz qơưk li qơư sơưr sâuv ntiêx têz tâu hlôngr yiêz uô jông”.

               Taz sik, ntu hlôngr yiêz, hôiv nhập thiêz huôv tsar cux tsênhv njiz tsik tsơưs têx phiv liv, hâur co muôx têx phiv liv li: “Tơưv tsik đhâu phênhv sâu trungz fênhx”, nhiêx hli uô lox tôngv kik, tsơưr lươngv lox tôngv kik…  tsênhv tsuv tror tâu sir jos hlôngr yiêz siêz xar lok huôv tsar huv đros trâu qênhx shênhx tsênhv tsênhz nhoz Việt Nam. Chiê uô tâu tsưr ziv txos shông 2045, pêz têz qơưk zos têz qơưk huôv tsar, hla trâu ntu huôv tsar yiêz-ntu tas nro mênhx cxưx sir jos hlôngr yiêz thiêz sir jos uô cov têz qơưk huôv tsar, tsuv muôx tas nro mênhx cxưx li têx sir jos thiêz truôx siêz đros uô. Tsưr ziv lênhx tov txos shông 2045 tso tơưv têx jênhv vưv, hâux lưv uô lok six lox trâu Đảng li six cxiv khóa 14, xưk Tổng Bí thư, Chủ tịch têz qơưk Tô Lâm li khav tênhv ntơưv suôv câuv jiês cơưv tiv 10, Ban Chấp hành Trung ương Đảng khóa 13 tâu kriz cơưv hâur iz đraz hli 9 nhiv kruôr đhâu: “Đros cxuô zav uô tâu đhâu 40 shông hlôngr yiêz, đros muôx tas nro Đảng, tas nro pêx xênhv thiêz tas nro tuz lênhv sir jos, thôngx ziv, uô tâu ntâu luôs hâux lưv muôx liv jông; zos muôx Đảng chox car, pêz tưz muôx tâu têx truôx khor thiêz văn kiện Đại hôiv 14 tsuv tso tơưv thiêz kriz uô chiê cxơưz cxiz huôv tsar uô cov tâu truôx cxuô luôs hâux lưv tso tơưv, zos tas nro têx pênhr jos hâur têz qơưk, cxơưz cxiz tâu têx pênhr jos saz đrâuv têz qơưk, muôz têx pênhr jos muôx hâur têz qơưk, têx pênhr jos txix lênhx nênhs uô kror chênhr, khoa học-công nghệ thiêz hlôngr yiêz xar tơưv zos kror chiê paz trâu têz qơưk hla trâu ntu yiêz, px Việt Nam muôx luz nênhx vav mênhx thiêz Huôv tsar”.

             Đros têx uô tâu hâur 40 shông hlôngr yiêz, ziv uô trâu pêx xênhv njênhs njôngr Đảng. Txix têx njênhs njôngr co, pêx xênhv tas nro têz qơưk thôngx siêz, côngv đas tsưr ziv thôngx ziv uô truôx jông cxuô luôs hâux lưv tso tơưv, txix chinhr triv, kinh têr, vênhx huôv, xar hôiv txos ngaz tuk côx phax, zos qơư truôx khor, têz qơưk hla trâu ntu yiêz-pêx xênhv muôx luz nênhx vav mênhx thiêz huôv tsar./.

Lại Hoa-VOV1-Lik thox cxêik nhênhv