Uô truôx jông ngaz tuk vêv xênhz zav nox trâu shux xênhz niêv txir zus mor nhoz tox siêz Yên Bái

Tsêr cơưv Phôv thôngz Mênhx cxưx niêv txir zus mor Cxênhx iz thiêz Cxênhx oz Túc Đán, huyện Trạm Tấu, tỉnh Yên Bái, shông cơưv no muôx 30 lớp đros xar muôx 1.000 lênhx shux xênhz nhoz 2 cấp cơưv, 100% shux xênhz nhoz hâur tsêr cơưv niêv txir zis mor, hâur co muôx 900 ntâu lênhx shux xênhz nox 3 pluôs iz hnuz ntơưv tsêr cơưv ntơưr.

Chiê chor shux xênhz muôx tâu pluôs nox tsơưr lươngv thiêz ngaz tuk, txix ciês thâuv hâur shôngk shông cơưv, tsêr cơưv tưz tso nhân viên tsơưr pưr muk cơưv shâuv nzir txux chi uô hâux lưv; tsưr tsix xêir tsov taz viv cungz têx zav nox uô tâu jông; phêiz côngz chor nênhs sêiz jor tsik so qênhz yuôx, hêik cov uô ntov jông vêv xênhz ngaz tuk zav nox. Hâur ntu uô, y têr tsik so tsês chiê iz kror têx zav nox siêr thiêz nhôngk chiê tâu njuôk shuôk. Cưk kriê Hoàng Thị Thúy Vân, nênhs sêiz car tsêr cơưv puz pâuz:“Uô ntêx thâuv zuôr cơưv shông cơưv yiêz tsêr cơưv kriz uô xêir tsov tas nro chor qơư cungz, đhâu co hêik Đảng ủy xar, têx qơư cik txos thiêz shux xênhz niêv txir tuôx đros xêir tsov iz cxiê qơư muôx txâuk cxuô kror thiêz uô tâu jông lok tsơưr lươngv, gri muôs têx zav nox. Tsêr cơưv cux choz jênhv vưv tsênhz mênhx trâu yênhx kror qơư, iz zav li qơư shux xênhz nox nhoz hâur tsêr cơưv, y têr mak muôx txơưx jênhv hâur qênhz yuôx, sêiz shuôk têx zav nox cov muôx txâuk tsơưr lươngv trâu chor nhuôs nox yênhx hnuz”.

Tsêr cơưv Nhuôs zâu Bông Sen, huyện Trạm Tấu muôx 5 qơư tsêr cơưv, no zos iz hâur chor tsêr cơưv tsênhv yuôr ntâu txov nhêv nhoz huyện txov nhêv tiv zix no. Shông cơưv 2023-2024, tsêr cơưv muôx 12 hov lớp đros muôx 400 ntâu lênhx nhuôs, phênhv ntâu zos tsôngv box Hmôngz têx tuz nhuôs. Hâur shông cơưv no tsuôk muôx 200 ntâu lênhx nhuôs nhoz ntơưv tsêr cơưv chênhr thiêz qơư tsêr cơưv Pá Khoang tâu nox pluôs su zos tsêr cơưv ntơưr uô, tsênhv yuôr zos tiv chor nhuôs niêv txir txov nhêv viv li chor nhuôs tsuv gra jâuz mor ntơưv tsêr tuôx chiê nox pluôs su ntơưv tsêr cơưv ntơưr.

Chor jâuz mor gra tuôx no cux muôx ntâu zav. Hluz chor nhuôs, cưk kriê ntơưr cux tsik so hêik shux xênhz niêv txir tsuv tsov cưv, moz siêz txos tsơưr lươngv jâuz mor nox trâu chor nhuôs, vêv xênhz cov hur si têx chuôz zênhx, uô têx jâuz mor cov siêr jông trâu chor nhuôs gra tuôx ntơưv tsêr lớp cơưv chiê nox. Cưk kriê Lê Thị Bích Lan, Nênhs sêiz car Tsêr cơưv Nhuôs zâu Bông Sen puz pâuz, đros chor qơư tsưr tsix uô jâuz mor nox, tsêr cơưv hêik cov uô truôx jông tex cui tenhv lok ngaz tuk vêv xênhz zav nox:“Đros chor nhuôs ntơưv têx tsêr cơưv nhoz têx jêx jok tsuv gra đros jâuz mor tuôx nox ntơưv tsêr cơưv, chiê paz muôx tâu jâuz mor sor trâu chor nhuôs nox, cưk kriê ntơưr tưz hêik chor nhuôs niêv txir muôz gra nzir mì tôm lok sik jâuz tuôx ntơưv tsêr cơưv, thâuv txos pluôs nox mak chor cưk kriê ntơưr uô nzir têx jâuz co cov sor trâu chor nhuôs nox”.

Shông cơưv 2023-2024, tas nro huyện Trạm Tấu muôx zuôr xar 12 cxênhz lênhx shux xênhz txix cxênhx Nhuôs zâu txos Cxênhx oz, hâur co muôx 6 cxênhz ntâu lênhx shux xênhz nhoz hâur tsêr cơưv niêv txir zus mor. Chiê uô tâu jông vêv xênhz ngaz tuk zav nox, Phòng Zoz zux huyện tưz chox kriê chor taz viv tsêr cơưv ntơưr qênhz shuôk jông chor zav nox thiêz uô zav nox, tsuv uô jông lơưr cui tênhv hâur choz zok têx zav nox, qênhz shuôk jông lơưr pêz thênhv zos: Uô ntêx thâuv zuôr uô jâuz mor, hâur ntu uô thiêz uô ntêx thâuv zuôr muôz trâu shux xênhz nox. Tsik zuôr têx zav nox txix chor taz viv muôx tsik txâuk ntâuz ntơưr lok vêv xênhz ngaz tuk zav nox. Thôngx cxix chox kriê têx taz viv hâur tsêr cơưv ntơưr uô têx zav nox lơưr chêix, lơưr ciêz, lơưr pluôs nox… chiê muôx txâuk tsơưr lươngv hâur pluôs nox. Zơưv Bùi Thanh Tùng, Phưv Trưởng Phòng Zoz zux huyện Trạm Tấu puz pâuz: “Txix ciês thâuv hâur shôngk shông cơưv Phongx Zoz zux tưz chox krie têx taz viv tsêr cơưv ntơưr tsuv tsov cưv txos tsơưr lươngv pluôs nox, uô jông vêv xênhz ngaz tuk zav nox; sir jos uô côngz xưv yax kriê, zoz zux lok ngaz tuk zav nox txos trâu chor canr bôv sêiz car, cưk kriê ntơưr, nhân viên thiêz shux xênhz hâur têx tsêr cơưv pâuz; sik côngv đros Tsênhv qơư Y têr huyện tsưr tsix kruôz kriê trâu zuôr xar 100 canr bôv sêiz car, cưk kriê ntơưr, nhân viên têx taz viv tsêr cơưv ntơưr txux chi lok vêv xênhz ngaz tuk zav nox”.

Shông cơưv 2023-2024, tas nro tỉnh Yên Bái muôx 442 tsêr cơưv nhuôs zâu thiêz zoz zux phôv thôngz đros muôx 7.100 ntâu lớp cơưv, 230 cxênhz ntâu lênhx shux xênhz. Hâur co, muôx 100 ntâu cxênhz lênhx shux xênhz nox txix 1 txos 3 pluôs iz hnuz hâur tsêr cơưv ntơưr, phênhv ntâu zos shux xênhz cxênhx nhuôs zâu, shux xênhz nhoz hâur tsêr cơưv niêv txir zus mor, shux xênhz nội trú./.

Trịnh Xuân-Lik Thox cxêik nhênhv

Điện Biên: Muôx 93% ntâu lênhx zuôr ntơưr BHYT

Ntênhs uô lơưr hnuz BHYT Việt Nam jiês no tâu tsưr tsix chiê yax kriê txos tsôngv pêx xênhv lok têx muôx liv tsênhv tsênhz thâuv cxaz chuôz BHXH, BHYT; lar heik BHXH txưv zênhv, BHYT ziv chuôz zis; sir jos uô jông hâux lưv yax mông, piêr kriê tsênhv chei BHXH, BHYT chiê jux juk uô tâu luôs hâux lưv tso tơưv tas nro tsôngv box cxaz chuôz BHXH, BHYT,yax kriê têx muôx liv thâuv sir zôngv căn cước công dân muôx chíp điện tử, đuôz thẻ BHYT sâuv VssID-BHXH sôr hâur seiz njuôk shuôs, kho moz.

Ntơưv tỉnh Điện Biên, hâux lưv huôv tsar nênhs cxaz chuôz BHXH, BHYT, lar heik zos BHXH txưv zênhv, BHYT ziv chuôz zis tưz uô tâu truôx jông. Xav txos hli 6/2023, tas nro chor nênhs cxaz chuôz BHXH, BHYT, bảo hiểm trâul pôngz hâux lưv uô hâur thax tsav tỉnh Điện Biên zos 617 cxênhz ntâu lênhx, tsar ndê zuôr xar 8 cxênhz lênhx nênhs pir li shông 2022. Hâur co, têx lênhx cxaz chuôz BHXH zos 50 cxênhz ntâu lênhx, tax tâu 16% ntâu pir li chor nênhs lox tôngv; 604 cxênhz ntâu lênhx nênhs cxaz chuôz BHYT, tax tâu 93% ntâu jênh sôr; chor nênhs cxaz chuôz bảo hiểm trâul pôngz hâux lưv uô zos zuôr xar 30 cxênhz lênhx, tax xar muôx 10% têx lênhx nênhs nhoz hnuz nhôngs lox tôngv.

Đhâu hlo ntênhs phuôx tôngv, têx lênhx nênhs uô luôs hâux lưv yax kriê zuôr muk yênhx paz trâu têx ciêz, ziv chuôz zis uô lax luôv, chuôz zis pêx xênhv, jêx jok chiê yax mông, vênhv tôngv pêx xênhv cxaz chuôz BHXH txưv zênhv, BHYT ziv chuôz zis.

Co zos jiês yax kriê zov chênhr hâur shông 2023 uô lơưr hnuz BHYT Việt Nam xiêz 01/7, đros trâu têx sir jos yax kriê, vênhv tôngv; txix ntơư fuô kriê tâu têx tsênhv chei BHXH, BHYT txos trâu tsôngv niêv txir lax pêx xênhv hâur thax tsav tỉnh. Đros trâu cơ quan BHXH thiêz tsưr tsix dịch vụ sâu li sir jos, njênhs njôngr têx taz viv zuôr uô tâu jông hâux lưv tso tơưv lok hu zâuv sơưr đơưk cxaz chuôz BHXH txưv zênhv, BHYT chuôz zis thiêz uô tiêr cxuô luôs hâux lưv zok muôz hâur shông 2023, paz uô tâu tas nro ngênhx têx hâux lưv cxuô, chiê taz por truôx tuk xã hội hâur thax tsav tỉnh.

Cux hâur 6 luz hlik hâur shôngk shông, luôs hâux lưv đơưk tu, muôz têx nhiêx BHXH, BHYT trâu têx lênhx pêx xênhv tâu sơưv thâuv tưs tưz uô tâu jông zos đreiv li chei têz qơưk cui tinhv. 

Tsênhv tsênhz, hâur 6 luz hlik tưz muôz tâu 760 tyv đeiv ntâu; muôz nhiêx hli so lâul, nhiêx BHXH trâu zuôr xar 15 cxênhz lênhx nênhs; 700 ntâu lênhx tâu muôz nhiêx bảo hiểm trâul pôngz hâux lưv uô; muôz têx nhiêx paz trâul muôx moz gênhk, xênhz zus nhuôs, tsoz phưz đas jos trâu 1.800 ntâu lênhx nênhs. Sir jos uô hlôngr yiêz têx ntâuz ntơưr hành chính, uô trơưk têx tsưr ziv yiêz hâur lês uô cxuô luôs hâux lưv chiê jux juk qênhz shuôs tâu nhiêx txiêx seiz njuôk shuôs, kho moz BHYT, đhâu ntơư paz truôx tuk luz nênhx trâu nênhs lox tôngv hâur thax tsav./.

                                                                            Thu Thùy-Riê Lâux cxeik, nhênhv