Chor nênhs uô pov chir huyện sir jos xa têx xor mông txos trâu pêx xênhv

Txix têis cik sơưr nzor, lênhx nênhs sâu pov chir Cao Huyền Trang, Tsênhv qơư yax mông-Vênhx huôv huyện Mai Sơn, tỉnh Sơn La tưz gra têx mêir cơư đuô, cxêik đuô, mêir cơư luk chiê muk trâu têx xar nhoz đêz, tox siêz hâur huyện chiê sâu xor xưv. Nhiv kruôr uô hâux lưv tâu 5 shông, taz sik Trang tsik so tâu sơưr đơưk pâuz txos zos lênhx nênhs sir jos uô hâux lưv, sir jos muk trâu cxuô thax tsav qơư chiê sâu têx xor xưv jông, tsiv gri hêik txos têx kror muôx yưv tsênhv tsênhz hâur tsôngv pêx xênhv sơưr đơưk luz nênhx. Trang hêik:“Uô hâux lưv hâur ntu sik tsav txênhz nhoz cxuô zav pov chir ziv hnuz ziv hênhr li nhiv no, chor nênhs sâu xor xưv li pêz tsuv sir jos thiêx zuôr uô tâu têx hâux lưv zok muôz. Muôx têx thâuv cux pov cxuô luôs hâux lưv uô no lok six hnhar, taz sik đros moz siêz, sir jos thiêz nhiêv kror hâux lưv uô no, cur tsik so sir jos muk trâu cxuô luz xar, thax tsav qơư chiê sâu tâu têx jax xor xưv, cơư tâu têx đuôz hêik txos cxuô  zav muôx yưv hâur luz nênhx”.

Tôv yax mông Tsênhv qơư Yax mông-Vênhx huôv huyện Mai Sơn muôx 22 lênhx canr bôv, viên chức. hâur co muôx 4 lênhx nênhs sâu xor xưv, 1 lênhx nênhs fuô luk, 2 lênhx kỹ thuật viên. Nênhs sâu xor xưv Hà Hoàng Lâm puz pâuz, Mai Sơn muôx thax tsav đar, thax tsav trâus cêv kuôk, zos thax tsav zov chênhr huôv tsar kôngz nuv tỉnh Sơn La muôx lok six ntâu xor xưv, viv li muk uô hâux lưv cux njiz tsik tsơưs têx phiv liv. Taz sik, sơưr đơưk cux tsik so sir jos cơưv shâuv cov zuk muôx txâuk tsưr ziv uô hâux lưv cov ziv hnuz ziv truôx jông đuô:“Cur zos iz lênhx uô ntâu zav pov chir hâur ntu công nghệ sôr tsênhv hlôngr yiêz huôv tsar ntâu, txơưv tiêk hâur ntu uô hâux lưv zuk cux tsik tâu cơưv ntâu lok cxuô zav, taz sik cux tâu têx fôngx zưs, chor nênhs đros uô hâux lưv paz max, zuk cux tsik so sir jos cơưv shâuv chiê muôx nzir txux chi, tsưr ziv uô hâux lưv cov zuk uô tâu hâux lưv jông đuô”.

Txix hâur shôngk shông txos nhiv no, Tsênhv qơư Yax mông-Vênhx huôv Mai Sơn tưz tso yênhx puô tsaz yênhx nta suôz txix luk tsoz tsiz thiêz luk mênhx cxưx Thái phưx vưv trâu chor nênhs nhiêv mnôngs sâuv thax tsav. Đros co, iz hli, Tsênhv qơư cux uô chor tsaz yênhx nta đuôz tso trâu sâuv Đaix nta suôz nta đuôz tỉnh Sơn La. Chor tsaz yênhx tâu Tsênhv qơư uô tâu ntâuk gri tiêk muôx tsơưs lươngv siêz, paz muôx ntâu xor mông jông, ndar six hơưv, tâu pêx xênhv nhiêv sêiz. Zơưv Nguyễn Mạnh Thắng nhoz tiểu khu 9, thị trấn Hát Lót, huyện Mai Sơn, tỉnh Sơn La puz pâuz:“Đros zos tiểu khu tsar, thôngz đhâu têx xor mông, pêz cux pâuz tâu thiêz txix co pêz cux yax kriê txos trâu pêx xênhv pâuz txos Đảng, Têz qơưk têx cêr chêi thiêz hêik pêx xênhv uô trơưk têx cêr chêi co; tiv zix zos uô jông côngz xưv bâux xêir thiêz phax tar caz moz hâur ntu đhâu”.

Đros sir jos nriêr pâuz têx xor mông, muôx txơưx jênhv siêz hâur uô hâux lưv, chor nênhs sâu xor xưv nhoz Tsênhv qơư Yax mông-Vênhx huôv huyện Mai Sơn tsik so uô ntêx nyuôk hâur hêik pâuz têx xor xưv muôx yưv sâuv thax tsav; chôngz lênhx nênhs tưz zos yênhx chor nênhs paz sâu xor xưv xa trâu chor pov chir, đaix nhoz trung ương thiêz tỉnh. Zơưv Phạm Văn Thắng, Phưv Giám đốc Tsênhv qơư Yax mông-Vênhx huôv Mai Sơn puz pâuz:“Ban sêiz car Tsênhv qơư tsik so sêiz lax, xar tơưv têx tsưr ziv paz trâu cxuô lênhx nênhs hâur qơư uô hâux lưv cov uô tâu jông têx côngz xưv choz zok, tiv zix zos muk uô hâux lưv trâu têx qơư nhoz đêz, tox siêz chiê muôx tâu têx xor xưv hêik txos cxuô thax tsav qơư co sêi tiv zix thiêz jông tiv zix”.

Yênhx lênhx nênhs sâu xor xưv, uô hâux lưv nhoz Tsênhv qơư Yax mông-Vênhx huôv Mai Sơn tsik so tso siêz đros têx hâux lưv uô tâu co. Lơưr cux tsênhv yênhx hnuz sir jos chiê muôx tâu têx xor mông jông muôx liv xa trâu pêx xênhv sêiz thiêz mnôngs, uô tâu jông hâux lưv zos qơư txuôk txix Đảng đros pêx xênhv, paz trâu kinh têr-xar hôiv hâur thax tsav qơư huôv tsar./.

(Trấn Long-Lik Thox cxêik nhênhv)

NÔNGX MÊNHX ZUÔR TSUV PÂUZ

Tix lâus Xì Xênhv Lik: Lênhx pêx xênhv huôv tsar uô nox uô hâuk coz

Tix lâus Xì Xênhv Lik nhoz jok Tả Là Than, phường Tân Phong, TP Lai Châu, tỉnh Lai Châu sir jos huôv tsar kinh tế chuôz zis, uô bluô nux, zos tsov iêr chi cax trâu ntâu chuôz zis pêx xênhv cơưv shâuv, uô trơưk

Tix lâus Xì Xênhv Lik nhoz jok Tả Làn Than (phường Tân Phong, TP Lai Châu, tỉnh Lai Châu) heik pâuz: Thâuv ntêx, phênhv ntâu uô poz cưk, taz sik tiv têx poz cưk tsi tâu gri viv li chuôz zis tưz hlôngr tsưr ziv tu zus tsiêx cxu chiê  huôv tsar kinh tế. Nhiv no, Xì Xênhv Lik chuôz zis muôx 7 cxênhz xưv phaz ar liêx têz, phênhv ntâu zos chos poz cưk, iz shông uô 2 chiv, sâu tâu 4 tênhr ntâu poz cưk. Iz chas ntơư, tix lâus Xì chuôz zis tsênhv zus nzir têx keiz buô thiêz chiê phưx vưv pluôk nox hâur niêx hnuz thiêz muôs, cxaz nzir phênhv sâu tâu trâu chuôz zis.

Shông 2020, thâuv moz Covid-19 huôv xênhz, tix lâus Xì 2 niêv txir tsi yuô muôx hâux lưv uô, viv li phênhv sâu tâu txix thâuv co cux txo grêk tsơưs. Seiz pov têx nuv uô nhiv no njiz ntâu phiv liv, tsi trơưk li siêz xar, tix lâus Xì tror lok huôv tsar uô nox  lơưr saz tu zus tsiêx cxu. Seiz iz cxiê ziv chuôz zis pêx xênhv hâur jok tu zus nênhk sha mê nhuôv uô tâu trơưk tsưr ziv, muôx phênhv sâu siêz viv li tix lâus tưz zok nriêr zuôr nôngz nênhk thiêz qir huôv tsar tu zus txix hâur shôngk shông 2021. Txix 2 tus nênhk xuz thơưx tưz sha mê nhuôv, vav muôx 3 tus thiêz tix lâus seiz pov tu zus nênhk tsi yuô khưr, nênhk phênhv ntâu zos nox jâuz tâux, têx blôngx poz cưk xưz. Thiêz lar heik, nênhk tsi yuô trâul muôx moz, hloz lox jông, iz shông sha iz jas mê nhuôv. Pov tâu têx jông li co, hâur shôngk shông 2022, tix lâus chuôz zis tưz quyết tinhv zuôr nzir 7 tus nênhk lol zus thiêz, nhiv no chor nênhk tưz vav muôx 10 tus. Xav kror đruôz đraz iz tus nênhk muôx 6 hli, muôs hâur ciêz đrôngs tâu nhos 13 tsov đeiv, hâur ntu zuôr txos zos muôx pênhr, tix lâus zuôr tror huôv tsar zus têx nênhk co cov vav ntâu jux juk tuôx.

Iz chas tu zus nênhk, tix lâus Xì chuôz zis tsênhv zus nzir buô sha mê nhuôv. Hâur chuôz zis qơư tu zus thâuv tưs tưz muôx đreiv 2 tus niêv buô, 10-20 tus buô grêix thiêz yênhx châuv tus nhuôv buô. Iz shôngk, muôs 2 jiês muôx nhos 2 tênhr ntâu buô, sâu tâu 100 ntâu tsov đeiv nhiêx, tix lâus Xì heik pâuz nzir. Khov sir jos khưr, moz siêz tu jông têx tsiêx cxu, shông 2018 tix lâus Xì 2 niêv txir tưz cxiv uô tâu iz luz tsêr 2 yôngx, tâu ntâu chuôz zis hâur jok kruôs nziês txos.

Tsi tiêk uô nox uô hâuk coz, tix lâus Xì Xênhv Lik tsênhv sir jos yax kriê, heik tsôngv niêv txir cưr tix nênhx tsa hâur jok sik tưr uô nox uô hnar, huôv tsar kinh tế chuôz zis; sir jos uô lơưr phôngz yaox cxiv tsa jêx jok vênhx huôv, phường huôv tsar truôx jông; uô trơưk đreiv Đảng, têz qơưk têx chei fuô kriê; cxuô cấp hội li têx chỉ thị, nghị quyết.

Phênhv “Nôngx mênhx zuôr tsuv pâuz” hnuz no tsuôk muôx li no xưz. Phênhv no zos Đeix nta suôz Việt Nam nhoz iz suôv faz Tây Bắc đros Tsênhv qơư cxiz kôngz têz qơưk uô./.

                          (Lầu Chia –Riê Lâux cxeik, nhênhv)