Pox niêv Điện Biên uô ntêx nyuôs hâur huôv tsar kinh tế

            Khov Hội Liên hiệp pox niêv huyện Mường Ảng paz max, pos Trần Thị Nhất, nhoz jok 4, thị trấn Mường Ảng, huyện Mường Ảng, tỉnh Điện Biên tâu kêr txêik 100 tsov đeiv txix tsêr nhiêx tsênhv chei XH huyện. Đros thiêz tsưr ziv xar, tsuv uô ntêx nyuôs hâur huôv tsar uô nox, viv li 2 ha ntâu têz cà phê, pos Nhất tưz chos shơư 400 tsoz txir lưk pax, 100 tsoz txir thênhx caz thiêz tuôz thox trâu.

          Tsưr ziv uô no tsi tiêk muôx têx tsoz chos pur liêx têz, tsênhv paz huôv tsar uô tâu ntâu zav, txix ntơư muôx phênhv sâu tâu nzir. Khov sir jos khưr, gruôs huôv tsar uô nox, pos Nhất chuôz zis tưz sâu tâu 200 tsov đeiv hâur shông nhiv kruôr đhâu, paz cxơưz chuôz zis luz nênhx hlôngr yiêz. “Khov Hội liên hiệp pox niêv moz siêz, paz max, cur chuôz zis cux tâu kêr txeik tsêr nhiêx tsênhv chei pênhr huôv tsar uô nox. Chuôz zis  chos cà phê, thiêz chos shơư têx tsoz chos nox txir, tu zus nzir tsiêx cxu viv li chuôz zis luz nênhx cux truôx tuk đuô”.  

           Pos Trần Thị Nhất chuôz zis tsưr ziv huôv tsar uô nox co zos iz kro uô trâu sơưr đơưk seiz njiê pov njôngr pox niêv Điện Biên heik cxuô, tsôngv pox niêv vir ndâuk huyện Mường Ảng heik taz, tsênhv jux juk khav tinhv suôz bê, tsưr ziv huôv tsar kinh tế hâur thax tsav qơư.

          Xav tinhv huôv tsar kinh tế zos iz hâur têx zov chênhr, niêx shông cxuô cấp hội pox niêv nhoz Mường Ảng tưz cxơưz tiês phôngz yaox pox niêv siz paz huôv tsar uô nox uô hnar. Hâur co sir jos uô jông hâux lưv yax kriê, vênhv tôngv chor pox niêv, vir ndâuk hlôngr yiêz zuz nôngz tsoz chos, tsiêx tu zus, uô lơưr têx tsưr ziv uô nox yiêz...chiê gra siêz phênhv sâu tâu. Pos Nguyễn Thúy Hà, Chủ tịch Hội Liên hiệp pox niêv huyện Mường Ảng heik pâuz: Nthuôr uô đêz đar phôngz yaox pox niêv siz paz huôv tsar uô nox uô hnar tưz thiêz tsênhv paz 8 cxênhz ntâu lênhx pox niêv, vir ndâuk, xênhz huôx nhoz 118 chi hội luz nênhx ziv hnuz ziv hlôngr yiêz, tsâu sor đuô. Iz chas uô tâu jông têx luôs hâux lưv siz paz li: Sik đros txuôs nhiêx txiêx chiê paz trâu têx lênhx pox niêv vir ndâuk muôx luz nênhx txov nhêv huôv tsar uô nox, Hội Liên hiệp pox niêv huyện Mường Ảng tsênhv đros tsêr nhiêx tsênhv chei xã hội huyện tso 300 ntâu lênhx pox niêv vir ndâuk kêr txeik zuôr xar 90 tyv đeiv chiê huôv tsar uô nox. “Pêz sir jos uô jông hâux lưv cxơưz cxiz chor pox niêv vir ndâuk gra siêz txux chi tsưr ziv jênhv pâuz lok cxiv tsa têx cêr huôv tsar uô nox. Phênhv ntâu zos lok sâuv cxiv tsa têx lênhx uô ntêx nyuôs hâur cxuô luôs hâux lưv huôv tsar uô nox uô hnar, gra siêz txux chi trâu tsôngv pox niêv vir ndâuk cov sơưr đơưk huôv tsar uô nox tâu trơưk têk. Chiê uô tâu têx li heik co, pêz hux jos truôx đros cxuô cơ quan, ban, ngênhx cik txos chiê chor pox niêv tâu cơưv shâuv têx tsưr ziv cxiv tsa, seiz car, lês uô cxuô cêr nuv”.

           Hâur têx shông jê lok no, phôngz yaox pox niêv huôv tsar uô nox nhoz Điện Biên ziv hnuz ziv uô tâu truôx jông, lar heik zos lok sâuv huôv tsar kinh tế hâur thax tsav qơư. Đảng, têz qơưk, têx tsưr tsix xã hội chor tsaz yênhx, tsênhv chei cux cxơưz paz lok six ntâu trâu tsôngv pox niêv vir ndâuk cêr huôv tsar uô nox uô hnar. Pos Đỗ Thị Thu Thủy, Chủ tịch Hội Liên hiệp pox niêv tỉnh Điện Biên heik pâuz: Hội Liên hiệp pox niêv tỉnh Điện Biên tưz fuô uô ntâu tsaz yênhx paz max chor pox niêv vir ndâuk tâu kêr txeik pênhr, lar heik zos hux jos đros Tsêr nhiêx Tsênhv chei xã hội chiê uô tâu jông tsaz yênhx paz têx lênhx pox niêv vir ndâuk kêr txeik pênhr nhiêx huôv tsar uô nox.

            Xav hur si têx pênhr nhiêx sơưr đơưk kêr txeik uô nox zos Hội Liên hiệp pox niêv tỉnh seiz car xav txos nhiv no zos 1.220 tyv đeiv ntâu, chor tổ cxaz chuôz xa nhiêx txuôs tsês zos 526 tổ, tax 100%, tâu muôx 19 tyv đeiv ntâu nhiêx. Thôngz đhâu têx hâux lưv uô li heik sâuv, paz chor pox niêv vir ndâuk muôx pênhr uô nox, huôv tsar kinh tế, pox niêv txir nênhx muôx vax huôv siz luôs, sik đros tsưx phưv, cxiv tsa tsưr tsix Hội ziv hnuz ziv truôx jông. Pos Đỗ Thị Thu Thủy, Chủ tịch Hội Liên hiệp pox niêv tỉnh Điện Biên heik: “Txix têx luôs hâux lưv uô tâu tso pov, phôngz yaox sik tưr “cxiv tsa pox niêv Việt Nam hâur ntu hlôngr yiêz tưz tâu fuô uô jông nhoz cxuô thax tsav txix T.Ư txos ntơưv qơư, hu zâuv chôngz lênhx ntâu tus canr bôv hội viên pox niêv cxaz chuôz. Txix ntơư, cxơưz cxuô cấp hội sik tưr uô hâux lưv jông, huôv tsar uô nox uô hnar, hlôngr yiêz chor canr bôv hội viên pox niêv nhoz cxuô cấp hâur tas nro tỉnh tsưr ziv, siêz xar. Têx lênhx pox niêv vir ndâuk ziv hnuz ziv truôx siêz huôv tsar uô nox, sir jos hla đhâu phiv liv, cêr txov hâur luz nênhx, lar heik zos pox niêv nhoz tox siêz đêz đrôngs, txov nhêv”./.

Vũ Lợi-Riê Lâux cxeik, nhênhv

Cui tênhv lok vêv xênhz ngaz tuk zav nox hâur tsêr cơưv ntơưr

             Thôngz tư 46/2010/TT-BYT Quy chuẩn kỹ thuật têz qơưk lok vêv xênhz phax tar moz siz cik hâur têx qơư zoz zux nhoz cxiv luôs zoz zux têz qơưk thiêz Thông tư liên tịch sôr 13/2016/TTLT-BYT-BGDĐT cui tênhv li đrav kaz:

            Tsêr cơưv ntơưr muôx tsêr uô jâuz mor nox nội trú, niêv txir zus mor mak tsuv tax tâu cxuô kror lơưr cui tênhv lok ngaz tuk vêv xênhz zav nox hâur tsêr cơưv ntơưr li đrav kaz:

            - Tsêr uô jâuz mor nox, căn tin tsuv lax nziês, txâuk pov cêr; kror trêi tsuv muôx nxêix thêir nak, zôngr, caz uz no. Trôngx  tos, chuôz zênhx tsuv tâu txix têx zav zôngx ziv nzuôr. Muôx txâuk têx chuôz zênhx phưx vưv trâu uô vêv xênhz thiêz zôngx ziv trâu tuô lov caz moz.

            - Chuôz zênhx trâu têx zav nox thiêz nox hâuk tsuv tâu uô cov zôngx ziv nzuôr, uô vêv xênhz thiêz tsik lo tâu têx zav muôx tưx. Muôx chuôz zênhx tsês chiê têx zav nox. Muôx cxiv luôs cungz đêr hur thiêz qơư nzuôr têk txix xaz phongx thiêz cuô yuôx nzuôr têk. Muôx chuôz zênhx phêiz, sâu tsês thiêz thâux xa têx vuôz tsuôz, zav nox sênhv; chor chuôz zênhx trâu têx vuôz tsuôz tsuv tâu uô khor truôx, muôx hâu vor thiêz zôngx ziv trâu hâux lưv uô vêv xênhz.

            - Tsuv muôx hux thôngx đros qơư cungz têx hax huv zav nox ngaz tuk, uô cxix cxuô têx tsưr ziv qênhz yuôx, njuôk shuôk pêz thênhv thiêz njuôk shuôk têx zav nox hâur 24 six hơưv. Uô truôx jông vêv xênhz ngaz tuk zav nox lok vax tsêr cxuô zav, têx chuôz zênhx thiêz tsưr ziv uô têx zav nox trơưk cui tênhv.

             - Nênhs uô hâux lưv ntơưv tsêr uô jâuz mor nox hâur tsêr cơưv ntơưr tsuv muôx jông đas jos lơưr cui tênhv ntơưv Bôv trưởng Bôv Y têr li Thông tư sôr 15/2012/TT-BYT cui tênhv lok cxuô kror paz ngaz tuk zav nox ntơưv têx qơưk uô, zuôr muôs zav nox. Nhân viên phưx vưv tsuv tâu njuôk shuôk đas jos tsik so tsơưs tiv zix iz shông iz jiês…

Nhạc cắt

            Uô truôx jông ngaz tuk vêv xênhz zav nox hâur tsêr cơưv ntơưr  lok six zov chênhr, chiê paz trâu chor shux xênhz muôx đas jos jông, huôv tsar tas nro lok têx txux chi thiêz đas jos viv li tsêr cơưv ntơưr tsuv uô truôx jông lơưr têx cui tênhv lok ngaz tuk zav nox./.

Hồng Việt-Lik Thox cxêik nhênhv