Hêik têx xor mông trâu ntơưr pov tsir: Tsuv zos 2 tos

Xã Văn Phú, TP Yên Bái, tỉnh Yên Bái zos iz hâur têx thax tsav zov chênhr lok công nghiệp, muôx 30 ntâu tsêr meir thiêz 2 cxênhz lênhx công nhân uô têx hâux lưv li: Tsông, jov poz jêz; cơư ntông, uô txiês; tsiv uô têx zak zưr…. Iz chas tâu sơưv têx jông, muôx liv txix tsưr ziv uô nuv lơưr têz qơưk hlôngr yiêz nhiv no, Văn Phú cux muôx kênh jiês muôx têx cuz nxor lok ar têz, tênhx qơư. Txơưv co cux zos têx hâux lưv zov chênhr tsuv đơưk tu zênhx max, taz sik zos nov hâu ntơưv qơư tsi seiz hloz txos pov tsir li pưs txux mak cux zôngx ziv muôx yưv têx tsi jông, uô trâu sơưr đơưk heik li uz li no txos. Zơưv Nguyễn Anh Quyền, Chủ tịch Uỷ ban xã Văn Phú, TP Yên Bái heik pâuz:“Txar jav têx tsi jông, xor mông tsi muôx tsênhz, lar heik zos chiê tsưx phưv tâu ntơưv qơư li cêr huôv tsar cxuô, hâur ntu nhiv kruôr đhâu, thâuv tưs muôx yưv têx tsi jông, ntơưv qơư tưz zênhx max heik trâu cxuô phongx, ban lês car uô đreiv, đơưk tu têx nuv co hâur TP pâuz, đhâu ntơư muôz xor mông tsênhz mênhx txos trâu chor tuz sâu xor xưv, chiê ntơưr pov tsir, đeix sâu, xa têx mông huv đros”.

Trơưk li zơưv Dương đức Huy, Tsar Ban Tuyên giáo Tỉnh uỷ Lào Cai, thâuv ntêx, ntâu nov hâu ntơưv qơư tsi yuô xar heik, muôz têx mông uz no, muôx kênh jiês tưz xar têz chor tuz sâu xor xưv têx luk nus. Taz sik xav đhâu txix thâuv muôz tsênhv njiêz “Huôv tsar pov tsir” tso hâur Nghị quyết Đại hội thiêz uô lơưr ntâu faz tsưr ziv, tưz tsi tâu muôx iz đraz six cxiv, têx muôz xor mông trâu ntơưr pov tsir nhoz Lào Cai tưz hlôngr yiêz lok six ntâu. Muôx têx pov, ntơưr pov tsir tsênhv paz lok six ntâu trâu chor canr bôv cơưv shâuv cêr uô nênhx, txux chi uô hâux lưv, tsưr ziv xar:“Cux zos iz tus nênhs li ntơư xưz, taz sik thâuv tâu bax txâuk têx txux chi tsưr ziv, tâu choz hâux lưv tsênhv tsênhz thiêz tâu cxơưz cxiz mak lơưr zuôr hlôngr yiêz, txix ntơư uô tiêr tâu jông đuô têx luôs hâux lưv zok muôz. Pêz cxiz hur tiz si têx lênhx hâu nov, lênhx nênhs paz uô hâux lưv trâu lơưr sir jos chuôz njiz, muôz têx xor mông trâu ntơưr pov tsir cov cxix cxuô, zênhx max, tsênhz mênhx; hâux lưv uô co thâuv tưs cux tsuv uô ntêx hlo, muôx têx uô ntêx hur si tsôngv pêx xênhv li têx pov thiêz pâuz tâu chiê sơưr đơưk pov tsênhz, pâuz thôngz”.

Taz sik, tsênhz tiês cux tsênhv yuôr ntâu thax tsav, taz viv tsi tâu bax tsưr ziv hux jos đros ntơưr pov tsir; tsênhv yuôr têx li “têx hloz thênhv siêz mak sir jos taz têx thax tsav qơư tsi yuô moz siêz txos”; uô lơưr đrux ntov têx cui tinhv lok heik thiêz muôz têx xor mông uz no. Taz sik zos uô li co muôx kênh jiês têx hâux lưv uô tsi tiêr ziv uô ruôr hiêv lox đuô. Zơưv Trần văn Sáu, Phưv Giám đốc Sở thôngz xor mông tỉnh Lai Châu heik pâuz:“Pêz cux xar cov hâu nov cxuô ngênhx thiêz têx thax tsav qơư uô jông trơưk têx cui tinhv thiêz kriê lok sâuv muôz têx xor mông trâu ntơưr pov tsir, viv tsuôk uô li co thiêx uô tâu têx luôs hâux lưv trơưk siêz xar. Lok sâuv sở cux zuôr tsưr tsix cơưv shâuv thiêz kriê cxaz têx txux chi tsưr ziv yuôr trâul; lơưr tsưr ziv shông no cux zuôr muôx iz lớp, pêz zuôr hu Cục pov tsir đros têx lênhx cưk kriê tuôx kriê têx tsênhv njiêz no”.

Lơưr zơưv Trần Vũ Tuấn, Phưv tsar phongx pov tsir Điện tử-pov tsir Sơn La, hâux lưv sâu xor xưv tsuv lok sir jos cơưv shâuv, muôz, sâu têx xor mông. Têx lênhx uô ntơưr pov tsir, tuz sâu xor xưv tsuv tsi so cơưv shâuv, nthuôr đar tsưr ziv, phaz nzưr uô hâux lưv sâu xor xưv, sir jos shâuv heik, nhênhv têx ntơưr, chuôs njiz luôs lưv tus, xar tsưr ziv uô nuv thiêz muôz, sâu tâu têx xor mông muôx tsênhz, huv đros….. Thiêz lar heik zos thâuv tưs cux sir jos moz siêz lês uô hâux lưv sâu xor xưv, yax xa têx mông, cêr huôv tsar uô nox jông txos trâu tsôngv lax pêx xênhv:“Lênhx uô ntơưr pov tsir heik cxuô thiêz têx tuz sâu xor xưv uô hâux lưv viv Đảng, têz qơưk li pêz heik taz, thâuv tưs cux tsuv muôx tsưr ziv tsênhv tsênhz, uô trơưk cui tinhv, côngz fênhx, huv đros; thâuv tưs tưz muôz tập thêv seiz hloz, pêx xênhv zos uô ntêx hlo. Uô tâu li co li uô tâu hâux lưv sâu xor xưv, buôk ti tâu têx xor mông yiêz zôngx ziv trơưk siêz xar”.

Tsênhz tiês tso pov, têx heik lol Tây Bắc zos ntơưr pov tsir pâuz krêz sâu, zok nriêr, muôz tâu têx mông jông, tsênhv tsênhz muôx têx zuôr sâu, heik tâu lol huv pêx xênhv siêz, sik tưr sâu tâu jông hâur têx jiês thik. Taz sik đros thiêz pov tsir, xor mông chênhr zos kror jông, lênhx uô ntơưr pov tsir, tuz sâu xor xưv tưs zos moz siêz, sir jos trâu luôs hâux lưv zok muôz, uô lơưr jông têx cui tinhv mak mul txos thax tsav, suôv qơư tưs cux tâu tsôngv pêx xênhv nhiêv txos, shir phaz lus txeik tok, muôz têx mông jông, tsênhz mênhx chiê sâu, yax xa txos trâu sơưr đơưk đros mnôngs, đros pâuz./.

(VOVTB-Riê Lâux cxeik, nhênhv)

Têx lênhx sâu  xor xưv hâur thax tsav tox siêz

          Hâur 20 shông đhâu, hêir nênhs Tày, Nùng nhoz tỉnh Bắc kạn thiêz ntâu tỉnh thax tsav Việt Bắc tưz pâuz txos hêir nênhs tày lênhx nxêik Hoàng Uý. Cê uô hâux lưv sâu xor xưv, cê cxêik cxuô jax sâu đros trâu têx xor xưv thiêz uô hâux lưv fuô luk; Hoàng Uý, tưz đros cxuô lênhx sâu xor xưv hâur qơư uô hâux lưv cxiv uô tâu yênhx cxênhz tsaz yênhx luk Tày, Nùng tâu tso trâu tsaz yênhx Đêix tỉnh Bắc kạn. Uô ntâu zav hâux lưv, taz sik têx chuôz zênhx huôv tsar uô tsik muôx txâuk, taz sik viv hâux lưv têz qơưs “Hoàng Uý” thâuv tưs cux uô ntêx nyuôk muk sâu xor xưv trâu cxuô  luz jêx jos, xã nhoz thax tsav tox siêz, đêz đrôngl:“Iz chas cxiv kho cxuô jax sâu, xor xưv thiêz cxêik uô  zuk hêir nênhs luk đros trâu uô hâux lưv fuô luk hâur cơ quan; hur si cxuô njiêz luk puôr lênhx hêik txos tsôngv pêx xênhv luz nênhx nhoz cxuô thax tsav tox siêz đêz đrôngl. Iz cxiê thax tsav jêx jos tox siêz, tsuv muk oz pêz hnuz thiêx txos chiê sâu cxuô xor xưv tso trâu sđ pâuz txos”

          Txơưv muôx 11 lênhx cán bộ sâu xor xưv, taz sik phôngx mênhx cxưx Đêix xa đuôz tỉnh Bắc kạn, cxiv uô 3 tsaz yênhx hâur iz hnuz. Ntơư zos tsaz yênhx luk Tày-Nùng; Tsaz yênhx luk Hmôngz; Tsaz yênhx luk Cho; ntơư zos muôx tsaz yênhx nta suôz; tsaz yênhx xa đuôz. Chiê muôx cxuô jax sâu, xor xưv hêik lok huôv tsar cêr uô nox, hêik lok cxuô hêir nênhs têx txux chi, vênhx huôv jông txuôk đros têx lênhx nênhs gruôs uô tâu hâux lưv jông chiê tso trâu tsôngv px sđ pâuz txos; chor sâu xor xưv nhoz phôngx mênhx cxưx Đêix tỉnh Bắc kạn, tsuv sir tas đas jos tsưr ziv uô truôx cxuô luôs hâux lưv zok muôz. Zơưv Vương Cầu tsaz yênhx luk Hmôngz phêiz kênh: “Hâur iz tsaz yênhx, pêz tso ntâu jax sâu hêik lok huôv tsar cêr uô nox txo grêk cêr yêiz pluôs; lênhx nênhs gruôs uô tâu hâux lưv  jông…thiêz pêz tsik so gra siêz tsưr ziv txux chi cxiv sâu cov tsaz yênhx ziv hnuz ziv huv đros tsôngv px sđ luz nênhx nox nhoz muk lok hâur niêx hnuz”

          Xa Yên Thổ tsênhv yuôr ntâu phiv liv thiêz zos thax tsav qơư nhoz đêz tiv iz hâur tỉnh Cao Bằng; taz sik têx suôv qơư hêik co tưz sưv jê đros Ban Ánh Nguyệt chor sâu xor xưv. Uô hâux lưv hâur phôngx luk mênhx cxưx Đêix tỉnh  Cao Bằng, Ban Ánh Nguyệt lênhx sâu xor xưv cux tsênhv ndo njôngr txos cxuô jiês muk trâu cxuô luz jêx jos nhoz thax tsav tox siêz đêz đrôngl, txươv ntux yar ntux nas tsuv muk cov txos thiêx sâu tâu cxuô jax sâu, xor xưv huv đros tsôngv px sđ luz nênhx hâur niêx hnuz. Ban Ánh Nguyệt zos hêir nênhs Nùng, niêv thiêz txir xênhz zus, hloz lox trâu tỉnh Cao Bằng cux xav tâu tiêk: Zos sâu cov tâu cxuô jax sâu, xor xưv huv đros tsôngv px, zuk tsuv muk trâu cxuô luz jêx jos nhoz thax tsav tox siêz, đêz đrôngl, muôx hêir nênhs tsơưs huôv tsar cêr uô nênhx nhoz thiêz yênhx puô jax sâu tưz hêik txos tsôngv px hâur thax tsav têx cêr khưr huôv tsar cêr uô nox; lênhx nênhs gruôs uô tâu hâux lưv jông, hêik lok cxuô hêir nênhs li Hmôngz, Tày-Nùng, Cho, Lô Lô…têx txux chi, vênhx huôv jông:“Sâu hêik lok cxuô hêir nênhs tsơưs cux zôngx ziv; taz sik cux tsik zôngx ziv li zuk xar. Viv tsôngv px hêir nênhs tsơưs, thâuv tưz hêik ntơư cux muôx tsênhz tiês; taz sik muôx kênh jiês lơưr cux tsik đros zuk phêiz kênh hêik lok lơưr cxuô luôs hâux lưv uô hâur luz nênhx niêx hnuz.

          Zos iz lênhx sâu xor xưv, zuk tsuv pâuz nus, pâuz đros lơưr thav cov huv đros, cux li nus lok hêir nênhs co têx cêr đaz cêr kruô, txux chi, vênhx huôv jông cxôngx nzor. Txix ntơư thiêx paz tâu trâu zuk sâu tâu cxuô jax sâu huv đros”

          Sêiz pov chor sâu xor xưv muk uô hâux lưv trâu cxuô luz jêx jos, xã nhoz thax tsav ntus đriv, tox siêz đêz đrôngl cux njiz ntâu têx phiv liv; taz sik chor sâu xor xưv phôngx mênhx cxưx nhoz Đêix cxuô tỉnh tox siêz faz Bắc, cux truôx siêz bo, sir tas đas jos, tsưr ziv muk đhâu têx phiv liv, sâu tâu ntâu jax sâu, xor xưv tsiv grê chiê xa trâu tsôngv px cxuô hêir nênhs sđ pâuz txos./.

                                                   Tsu cxêik nhênhv-VOV Đông Bắc