Tsôngv box jos Nủ tưz muôx tsêr yiêz nhoz

33 ziv chuôz zis tâu têz qơưs paz uô tsêr nhoz yiêz tưz txar lok nhoz tsêr yiêz, lênhx tưs cux lok six jông siêz thâuv lok nhoz hâur luz tsêr yiêz. Zơưv Hoàng Ngọc Vinh, tsôngv box hâur jos pheiz kênh: “Cxuô lênhx nênhs nhoz no, lênhx tưs cux pov lok six shir phaz, uô tsâus Đảng, têz qơưk tsov cưv paz tsôngv box muôx tsêr yiêz nhoz. Cux zuôr sir jos huôv tsar kinh têr truôx tul luz nênhx trâu hâur ntu zuôr txos”.

          Iz luz tsêr tsar lơưx nhoz qơư yiêz jos Nủ đar 100 yiv ndis, muôx kror chuz tov tos tsêr….saz đrâuv muôx vax chos jâuz, chos pax thiêz ntông nox txir… Đros tsôngv box Làng Nủ, luz tsêr yiêz nhiv no zos đas jos lox chiê lơưr ndar txos luz nênhx tov kaz no. Chính quyênx tiv phaz tưz huiz tôngv cán bộ, công chức thiêz tsôngv box têx jêx jos nhoz buôk co tuôx paz pox nhuôk cxiv tsa, qêz suô tsêr nhoz, tsêr cơưv ntơưr, tsêr vênhx huôv txos paz cxiv uô vax jâuz, gôngr phênhv jông tiv zix chiê tsôngv box txar tuôx nhoz qơư nhoz yiêz. Pos Hoàng Thị Dâu pheiz kênh: “Xar njôngr muôx tâu luz tsêr nhoz, têx lênhx nênhs tưz tâu tas siv nênhx mak cux tâu tas siv nênhx lơưv, têx lênhx nênhs tsênhv nhoz uô nênhx mak zuôr ho sir jos truôx siêz ngaz tul luz nênhx”

          Lơưr zơưv Hoàng Quốc Bảo, Bí thư huyện ủy Bảo yên, đrâuv lưx lươngv Binh đoàn 12- Bộ côx phax, ntu no huyện cux huiz tôngv cxaz iz lưx lươngv lox tuôx paz chiê uô côngz xưv cxiv tsa qơư nhoz yiêz Làng Nủ: “Muôx nhos 500 lênhx zos dân quân tự vệ, cưk kriê ntơưr, đoàn viên hluôk nênhs, qênhz jôngr… tâu huiz tôngv tuôx chiê chêx chôngk uô têx hâux lưv lơưr kaz ciês”.

          Dự án qơư nhoz yiêz thax tsav jos Nủ, xã Phúc Khánh, huyện Bảo Yên, tỉnh Lào Cai uô tiêr paz thax tsav qơư no tâu hlôngr yiêz jông đhâu jiês trâus ntux nas uô ruôr hiêv. Đeiv fiêx qơư nhoz yiêz jos Nủ tâu cxok ntơưv ndâux cêr muk hâur jos, têx tsêr cơưv- tsêr vênhx huôv tâu cxiv uô ciês hâur đruôz đraz jos… shux xênhz shir phaz uô si hâur tsêr cơưv thiêz tsêr vênhx huôv. Đeiv qix têz qơưk đros bê ntơưr “Ndar txos luz nênhx shir phaz” tâu uô txix 6 cxênhz tsoz pax trâu ntơưv cêr yuôv đruôz đraz jos qơư qơư nhoz yiêz…

          UB tỉnh Lào Cai thôngz xor mong cxaz, đrâuv thax tsav qơư nhoz yiêz Làng Nủ, côngz xưv uô ntơưv têx qơư Nậm Tông, Kho Vàng (puôr lênhx nhoz huyện Bắc Hà) cux ciêr chênhr tâu uô tiêr chiê choz trâu tsôngv box lok nhoz uô nênhx./.

An Kiên-Txâur Vax cxeik nhênhv

Sơn La sir jos phax tar no thiêz yeiz trâu tsiêx cxu

Xã Nậm Lạnh, huyện Sốp Cộp, tỉnh Sơn La hâur têx hnuz no tas cik sơưr nzor thiêz thâuv hmo no njiv. Zơưv mòng Văn Sinh tưz muôz ntâuz tax xor thêir qơư cơư tsiêx cxu ntov jông, trâur tơưk trâu chuôz zis paz buô muôx 10 tơưv tus ntơư ntê; iz chas co, nzaz nzơưv têx kuôr blêx, đrox kruôr chiê muôz trâu buô pư, taz por sor si: “Thâuv ntêx mak muôz shôngz ntông lok xor thêir, uô guôx cơư tsiêx cxu, nhiv no tưz cxiv uô qơư khor truôx, txos têx hnuz no njiv li no tsuôk muôz ntâuz tax xor thêir iz ndis thiêz bax tsês jâuz krâur chiê tsiêx cxu tâu nox hâur chor hnuz no njiv, tsưx phưv têx tsiêx cxu tsi trâus uô ruôr hiêv xưz”.

Txix ntux txơưr txar, no njiv phiv liv, chor canr bôv cxiz kôngz xã Mường Lạn, huyện Sốp Cộp tưz muk yênhx jêx jok, chuôz zis yax kriê sơưr đơưk phax tar no thiêz yeiz, moz ơưk trâu têx tsiêx cxu; kriê tsôngv pêx xênhv xor thêir ntov qơư tu zus, vêv xênhz hur si têx guôx cov kruôr krơưr, đu lus chiê tsiêx cxu tsi yuô trâus muôx moz.

Zơưv Lường Văn Thi, Phưv Chủ tịch Ủy ban xã Mường Lạn, huyện Sốp Cộp heik: 7 cxênhz ntâu tus nhux tưv zos chor chuôz zis tu zus hâur xã li têx zav muôx grik, chênhr zos li heik co, luôs hâux lưv phax tar no thiêz yeiz, moz ơưk trâu tsiêx cxu thâuv tưs tưz tâu Ủy ban xã đros trâu tsôngv pêx xênhv moz siêz txos, lar heik zos hâur têx hnuz no njiv li no: “Ủy ban tưz tso tơưv ntâuz ntơưr chox kriê cxuô jêx jok, cux li têx lênhx nhoz hâur Ban chox kriê heik pêx xênhv krêz seiz têx mông đhâu sâuv mạng xã hội, đhâu ntơưr pov tsir, đeix, tivi lok yax kriê sơưr đơưk phax tar no thiêz yeiz; tsênhv tsênhz li: Xor thêir qơư cơư tsiêx cxu cov ntov chuô txiêk thiêx tsi yâu, bax tsês jâuz tâux, kuôr blêx, flâuz cưk...chiê tâu puz tsiêx hâur têx hnuz no njiv”.

Tas nro tỉnh Sơn La nhiv no muôx 8 tsov ntâu tus tsiêx cxu tâu uô thiêz xor thêir qơư tu zus. Txix njuôk xav zuôr no njiv ntêr hnuz, ngênhx Kôngz nuv Sơn La tưz tso tơưv tsưr ziv thiêz hux jos đros cxuô thax tsav qơư fuô kriê tsôngv pêx xênhv phax tar no thiêz yeiz, moz ơưk trâu tsiêx tu zus; hâur co sir jos uô jông hâux lưv yax kriê, heik pêx xênhv uô qơư cơư tsiêx cxu, muôz nzir têx yuôx, jâuz krâur muôx tsơưr pưr puz tsiêx cxu, tsi tâu tso nhux tưv muk nox jâuz hâur chor hnuz no njiv...chiê txo grêk tsơưs têx trâus ruôr hiêv tiv no njiv uô. Zơưv Nguyễn Ngọc Toàn, Giám đốc Chi cục tu zus, kho moz tsiêx cxu thiêz shuôz njêl tỉnh Sơn La heik pâuz: “Đhâu luôs hâux lưv chox kriê thiêz phax tar no trâu tsiêx tu zus, pêz muôx têx ntâuk grê, tsôngv pêx xênhv tox siêz cux gra siêz tsưr ziv jênhv pâuz, ntâu chuôz zis pêx xênhv tưz bax khơưk tsês têx jâuz tâux, kuôr blêx, flâuz cưk chiê nhux tưv tâu nox hâur têx hnuz no njiv, xor thêir qơư cơư tsiêx cxu cov ntov chuô txiêk tsi yâu thiêz fuô uô luôs hâux lưv cxax yuôx phax phôngz moz ơưk trâu tsiêx tu zus”.

Trơưk li njuôk xav, têx hnuz zuôr txos, Sơn La zuôr tror no njiv, thax tsav tox siêz lok nas yâur, lok tê uô ruôr hiêv, tsi jông txos tsiêx cxu đas jos. Cxuô taz viv muôx vax huôv heik cxuô ziv chuôz zis tu zus tsuv chênhr phax, sir jos uô cxuô faz tsưr ziv phax tar no thiêz yeiz, moz ơưk trâu tsiêx tu zus, paz txo grêk tsơưs têx trâus ruôr hiêv, truôx tuk phênhv sâu tâu trâu lênhx nênhs huôv tsar tu zus./.

Trấn Long-Riê Lâux cxeik, nhênhv