Cxiv tsa têx lênhx uô ntêx nyuôs truôx jông nhoz thax tsav tox siêz

Hâur iz đraz hli 4 no, Tsar ban Tuyên giáo Huyện ủy Mù Cang Đào Thị Thu Thủy, Ủy viên Ban Thường vụ tâu choz zok hâux lưv seiz car xã Hồ Bốn, taz sik ho tror lok xênhz huôx trâu chi bộ đros chor đảng viên jok Trống Gầu Bua. Ntơưv no, ntâu ziv chênhv tưz tâu Đào Thị Thu Thủy heik uô tsênhz mênhx. Iz chas ntơư, ntâuk grê siêz luôs hâux lưv bax trâu jiês xênhz huôx,  đôngx chir bí thư chi bộ li hâux lưv chox car, chor đảng viên têx lul heik, ntâuk grê têx hâux lưv uô tâu thiêz tsi tâu trơưk cui tinhv xênhz huôx, đôngx chir Đào Thị Thu Thủy cux heik mênhx txos têx luôs hâux lưv hâur cxuô jiês xênhz huôx; pir li Bí thư chi bộ tsưr ziv chox car tsi yuô tâu trơưk li siêz xar, tsi tâu choz zok hâux lưv trâu phưv bí thư; tsưr ziv kriê uô iz cxiê luôs hâux lưv, têx lul heik tsi tâu huv đros chi bộ; lar heik zos chi bộ têx hâux lưv uô tsi tâu tsi tiêr, njiz phiv liv hâur hâux lưv cxiv tsa Đảng…. Tsar ban Tuyên giáo Huyện ủy Mù Cang Chải Đào Thị Thu Thủy heik: “Hâux lưv cxaz chuôz xênhz huôx chi bộ ntơưv jok tâu reik đros uô lơưr tsưr ziv “hnuz kaz ciêz đros tsôngv pêx xênhv uô têx nuv uz no”. Co zos iz hlik tsês tsơưs tsơưs 2 hnuz tiv 7 lok sik hnuz ciêz chiê muk trâu têx jêx jok đros tsôngv pêx xênhv đơưk têx phiv liv, cuz nxor uz no ntơưv qơư, cux zos six hơưv chiê pâuz tâu tsôngv niêv txir lax pêx xênhv sơưr đơưk têx tsưr ziv, siêz xar, paz pêx xênhv hlôngr yiêz tsưr ziv huôv tsar uô nox, cxuz cêr yeiz pluôs thiêz gra siêz luz nênhx xênhz huôx trâu pêx xênhv”.

Nhiv no, Ban thường vụ Huyện ủy Mù Cang Chải tưz choz zok hur tiz si têx lênhx tsar phưv cxuô ban, ngênhx, ủy viên Ban chấp hành Đảng bộ huyện sox seiz, đros paz têx jêx jok. Thâuv muk hâur jok, têx lênhx li heik sâuv, tsuv fuô kriê lok Đảng têx chỉ thị, nghị quyết, têz qơưk têx chei txos trâu cấp ủy ntơưv qơư, đảng viên thiêz tsôngv pêx xênhv pâuz. Paz max cấp ủy chi bộ jok tso tơưv têx tsaz yênhx, nghị quyết chiê chox car uô cxuô luôs hâux lưv huôv tsar kinh tế-xã hội, lar heik zos hâux lưv cxuz cêr yeiz pluôs, cxiv tsa jêxjok yiêz, sik tưr nhiêv têz qơưk, cxiv tsa jêx jok, qơư nhoz truôx njês…. Iz chas ntơư, mnôngs chor đảng viên, tsôngv niêv txir lax pêx xênhv têx lul heik, tsưr ziv siêz xar chiê zênhx max đros đơưk têx tsi jông, phiv liv ntơưv qơư.

Iz chas co, Huyện ủy Mù Cang Chải tsênhv tsưr tsix trâu têx lênhx Bí thư chi bộ đros cơưv hâux lưv cxiv tsa Đảng. Thôngz đhâu têx jiês cơưv li heik no, Đảng bộ huyện ntâuk grê tâu chor chi bộ li têx hâux lưv uô tâu thiêz tsi tâu cux iz zav li pâuz tâu têx phiv liv chiê tso tơưv tsưr ziv khưx phưx. Bí thư chi bộ Sáng Nhà, xã Mồ Dề, Cu Xênhv Thox heik pâuz: Đros cơưv giao ban, têx bí thư chi bộ pâuz tâu cxix cxuô, tsênhz mênhx têx tsưr ziv, tsênhv chei chiê lok fuô kriê uô trơưk hâur thax tsav qơư: “Zos Bí thư chi bộ, thâuv muk cơưv giao ban lok mak cur heik trâu têx lênhx đảng viên kriê, chox tsôngv niêv txir lax pêx xênhv huôv tsar uô nox, hu zâuv têx lênhx đảng viên pox niêv thiêz chor đảng viên hluôk chiê đros cxiv tsa Đảng”.

Zơưv Nông Việt Yên, Bí thư Huyện ủy Mù Cang Chải, tỉnh Yên Bái heik pâuz: Đros trâu hâux lưv tror tso canr bôv, đảng viên muk paz têx chi bộ jok, huyện tsưr tsix têx lớp cơưv cxaz txux chi, gra siêz tsưr ziv uô hâux lưv trâu chor canr bôv cấp ủy ntơưv qơư. Iz chas ntơư, zuôr cxiz uô têx jiês xênhz tsi so reik đros hâux lưv tsênhv tsênhz li: Txo grêk cêr pluôs, cxiv tsa jêx jok yiêz, hlôngr yiêz têx zuz nôngz tsoz chos….đros trâu cơưv shâuv, uô trơưk Lâul Hôx cêr uô nênhx jông, cxiv tsa chi bộ truôx jông, uô tâu cxuô luôs hâux lưv zok muôz: “Nhiv no huyện cux muôx đảng viên fâu ntơưr têk đros têx tsênhv njiêz lok six tsênhz mênhx chiê paz đảng viên uô trơưk, zôngx ziv pâuz, zôngx ziv ndo tâu thiêz uô lơưr, đros trâu têx li heik co, pêz tror sir jos chox kriê uô jông têx jiês xênhz huôx huv đros yênhx jêx jok”.

Đảng bộ huyện Mù Cang Chải nhiv no muôx 32 tsưr tsix cơ sở đảng nhoz hâur Đảng bộ huyện, zuôr xar 3 cxênhz lênhx đảng viên. Nhiv no, 100% cấp ủy cxuô cấp uô đreiv luôs hâux lưv iz hlik xênhz huôx iz jiês; chor chi bộ nhoz hâur đảng bộ cơ sở iz shông xênhz huôx 12 jiês tax 90%; chor chi bộ xênhz huôx tsi so iz shông 4 jiês tax 70%. Shông 2021 đhâu, muôx zuôr xar 19% tsưr tsix đảng thiêz chi bộ cơ sở uô tiêr tâu jông cxuô luôs hâuxlưv zok muôz./.

(Đinh Tuấn-Riê Lâux cxeik, nhênhv)