Têx yênhx tưv pênhr xưv cxaz chuôz zaoz thôngz taz por

          Hnuz tưs, xênhv nênhs mênhx cxưx Zơ Râm nhoz xã Tà Bhing-huyện Nam Giang- tỉnh Quảng Nam tsưr tsix xênhz huôx. Hnuz no, tsar xênhv nênhs Zơ Râm tsênhv zâuv cxaz lưx lươngv cảnh sát zaoz thôngz cxaz chuôz. Ntơưv no, Thiếu tá Phan Văn Quang- Tuêv tsar tuêv cảnh sát zaoz thôngz Công an huyện Nam Giang thôngz xor mông sei txos pox nhuôs qênhx shênhx taz por zaoz thôngz têx hnuz đhâu. Thôngx cxix tso têx đuôz shav lok têx txuz txiêz nanv, têx lênhx nênhs muk tsi trơưk cui tênhv, tsi ntông mov por vêv tâu hâu thâuv cxaz chuôz zaoz thôngz trâu sđ seiz. Lâuk jos Zơ Râm Năng pheiz kênh: “Luz hli tưs thâuv xênhz huôx xênhv nênhs, pêz puôr lênhx chox têx njiêz luv yax mông Chei zaoz thôngz cêr ar chiê kriê trâu tuz nhuôk”. Chiê thôngz xor mông lok chei taz por zaoz thôngz txos pox nhuôk sei tiv zix, Tuêv cảnh sát zaoz thôngz Công an huyện Nam Giang tưz khov txos têx xênhv nênhs chiv chir coar lik thiêz zuôr xar 50 lênhx lâuk jos, tsar jos, têx lênhx txir ndâux txir luk nhoz yênhx jêx jos chiê yax mông muôz siêz jênhv pâuz uô trơưk chei taz por zaoz thôngz trâu tsôngv box. Tsi taz yax mông txos têx jêx jos, yênhx lênhx tsôngv box, Tuêv cảnh sát zaoz thôngz Công an huyện tsênhv sik côngv đros têx tsêr cơưv ntơưr tsưr tsix yax mông txos têx mê nhuôk shux xênhz cxênhx 1, cxênhx 2, cxênhz 3....Thiếu tá Phan Văn Quang thix ziv:

          “Thix ziv têx chiz coaz ban nganhx sik đros yax mông trâu têx mê nhuôk shux xênhz nhoz tox siêz no uô jông hâux lưv cxaz chuôz zaoz thôngz”.

          Zos ntơưv tsênhv qơư thành phố, thị trấn- qơư yax six muôx lưx lươngv muôx txơưx jênhv seiz jor, qênhz yuôx chuôk li tsi muôx qênhx shênhx chor mê nhuôk tsi tâu hloz tiêr nênhs muk yêz meir, sâuv têx cêr nhoz iz cxiê xã tox siêz tsênhv muôx têx mê nhuôk zâu txix 11-12 shông, muôx têx lênhx tsênhv zâu thâux sâuv yêz 2-3 lênhx muk chênhr...Ntơưv Lào Cai, hâur têx mê nhuôk đros niêv thiêz txir cheix yêz meir, tsênhv muôx têx mê nhuôk tsi tâu nto 10 shông, muôx txos 70-80% hâur co tsi ntông mov por vêv tâuz hâu. Niêv lâuk Shôngx Thị Cơưv, tsôngv box xã Sín Chéng, huyện Si Ma Cai, tỉnh Lào Cai puz pâuz:

          “Đros thiêz cur, cur pov lok six huv đros thiêz tsôngv box mênhx cxưx nhoz no, viv nhoz no pêz tsi tâu pâuz ntâu lok chei zaoz thôngz”.

          Nhiv kruôr đhâu, Thủ tướng chính phuv tưz tso tơưv cuiz tênhv thôngz đhâu tsaz yênhx phax tar txiêz nanv trâus saz trâu mê nhuôk ntu 2021-2030. Tsov lơưr cuiz tênhv no, nhiv no, Bộ zaoz thôngz vênhv teiv tsênhv cxiv tsa tsưr ziv phax tar txiêz nanv trâu mê nhuôk zâu. Tsưr ziv tâu krêz uô ntơưv tas nro têx thax tsav, hâur co muôx tex tỉnh tox siêz, heik txos ntâu vênhv thix li: côngz xưv yax mông đros mê nhuôk, shux xênhz taz por zaoz thôngz thâuv muk cơưv ntơưr thiêz cxaz chuôz zaoz thôngz heik cxuô, vênhv thix ntông mov por vêv tâuz hâu, têx vênhv thix muôx lênhx txos taz por yêz thâux shux xênhz (li yêz thâux mê nhuôk shux xênhz, yêz gox đêx...) vênhv thix taz por thax tsav tsêr cơưv nhoz niêv đrôngs txos tox siêz.

          Chiê taz por trâu mê nhuôk tox siêz heik taz thiêz tsôngv box heik cxuô thâuv cxaz chuôz zaoz thôngz, đrâuv tsưr ziv hlôngr yiêz cơ sở cxuô zav, tsưr ziv coaz tsôngv tiv zix zos yax mông, zaoz zux. Zơưv Phạm Đăng Bốn, Phưv Chủ tịch Hội nôngx mênhx tỉnh Lào Cai puz pâuz:

          “Chêx chôngk lok hâux lưv yax mông trâu cán bộ, txix cán bộ yax mông txos hội viên nôngx mênhx li chas cov jênhv pâuz jông tiv zix lok taz por zaoz thôngz, tiv zix nhiv kruôr jê ntơưv no pêz yax mông lok chỉ thị 100, têx chế tài yưr lir, uô li chas chiê txu grês tsơưs pox nhuôs nôngx mênhx li têx uô cxâuv chei taz por zaoz thôngz”./.

(VOV4-Txâur Vax cxeik nhênhv)