Huôv tsar uô chiv kôngz ntux tsâus  nhoz đras liêx Than Uyên (Lai Châu)

Thâuv tas cik sơưr nzor, yar ntux nhiv kruôr tuôx pur đras cux zos six hơưv tsôngv pêx xênhv xã Mường Cang shir phaz lul muk uô liêx têz. Tix lâus Lò Văn Thanh, nhoz jok Phiêng Cẩm, xã Mường Cang, huyện Than Uyên (Lai Châu) heik pâuz: Khov muôx HTX sik côngv paz sâu zuôr têx xiv huv, viv li txix ciês iz đraz hli 10, hlêis sâu tas têx blêx liêx, tsôngv box sơưr đơưk tưz tsêz chos ciês chiv ntux tsâus chiê ndar cheix chiv. Chor kok zax zưv, điz, poz cưk...nhiv no tsênhv hloz lox lok six jông, muôx têx chuôz zis zuôr sâu tâu nju:

“Shông no Ủy ban xã tưz heik cov pêx xênhv sơưr đơưk chos têx kok zax zưv, jâuz tâuv huv đros. Cur chuôz zis mak cux tưz chos tâu iz ha ntâu kok zax zưv. Nhiv no têx kok tsênhv tuôx câuk jov jơưk thiêz lox jông”.

Trơưk li zơưv Đàm Vũ Anh, Phưv Chủ tịch Ủy ban xã Mường Than, huyện Than Uyên, zos xưk li chiv ntux tsâus shông uô ntêx, pêx xênhv hâur thax tsav xã phênhv ntâu têx liêx têz tso tsês khôngz tsi uô đaz tsi, lok sik chos iz kro mê njik têx jâuz tâuv, đok, kix xưz, mak shông no khov tâu yax kriê lok chiv kôngz ntux tsâus têx muôx liv thiêz jông, tsôngv pêx xênhv sơưr đơưk tưz sir jos chos têx jâuz tâuv uz no trâu, phênhv ntâu zos chos kok zax zưv.

“Chiv ntux tsâus shông no xã Mường Than tưz uô tâu 140 ha. Txos nhiv no, phênhv ntâu tsôngv pêx xênhv tưz tsêz chos têx kôngz chiv ntux tsâus, chor kôngz pêx xênhv uô puôr lênhx hloz lox jông. Phênhv ntâu sơưr đơưk chos jâuz krưr, txir lưk suôr, tâuz thiêz iz cxiê zav jâuz njuôz, jâuz cxưz.... Nhiv no hâur thax tsav xã, pêx xênhv cux tsênhv sik đros chos têx cuô txoz lơưr HĐND tỉnh Nghị quyết 13 thiêz tsênhv fuô uô tâu jông trơưk li heik co”.

Thôngz sâu hâur tas nro huyện, zơưv Đỗ Ngọc Tú, Giám đóc Tsênhv qơư dịch vụ kôngz nuv huyện Than Uyên heik pâuz, txos nhiv no, tas nro huyện tưz tsêz chos tâu 340 ntâu ha tsoz chos chiv ntux tsâus, phênhv ntâu nhoz chor xã Mường Cang, Mường Than, Mường Kim, Phúc Than, Hua Nà.... Phênhv ntâu têx liêx têz uô kôngz chiv ntux tsâus, lar heik zos kok zax zưv puôr lênhx chos trơưk tsưr ziv pêx xênhv thiêz doanh nghiệp, HTX hâur thax tsav sik đros uô, sik đros sâu zuôr.

Chiê taz por têx kôngz jông, sâu tâu nju, canr bôv ngênhx kôngz nuv huyện tsênhv sir jos đros hâu nov ntơưv qơư kriê pêx xênhv muk ndis seiz tsi so têx liêx têz; têx tsoz chos chiê qênhz pov nzor caz hmoz tho nox uô ruôr hiêv thiêz muôx tsưr ziv phax tuô zênhx max:

“Lok sâuv têx tsoz chos chiv ntux tsâus hâur thax tsav huyện Than Uyên, txos nhiv no tsênhv sir jos chos thiêz tu iz cxiê tsoz chos sik côngv uô, sik đros sâu zuôr li: Kok zax zưv, poz cưk.... Txos nhiv no phênhv ntâu chor liêx têz uô kôngz chiv ntux tsâus hâur huyện tưz tsêz chos tas thiêz tsênhv sox seiz, tu têx tsoz chos co. Hâur ntu fuô uô, tsênhv qơư thâuv tưs tưz hux jos đros cxuô xã, thị trấn yax kriê, heik pêx xênhv tsưr ziv tu, lar heik zos moz siêz txos luôs hâux lưv por hưv têx tsoz chos chiê hloz lox jông, sâu tâu nju trơưk tsưr ziv”.

Đras liêx Mường Than nhoz Than Uyên muôx 2 cxênhz ha uô kôngz, zos đras liêx lox sơưr tiv 3 Tây Bắc, uô kaz Mường Thanh, Mường Lò.

Txix cxuô cấp, hâu nov ntơưv qơư têx sir jos đros trâu tsôngv pêx xênhv moz siêz huôv tsar uô têx kôngz chiv ntux tsâus, vav chiê siêz shông no huyện Than Uyên zuôr sâu tâu kôngz nju, cxaz nzir phênhv sâu, cxiz huôv tsar kôngz nuv truôx./.

Khắc kiên-Riê Lâux cxeik, nhênhv

Shôngx Minh Quang uô bluô nux sâuv zuk luz têz qơưs

Xênhz shông 1998, lênhx hluôk nênhs Shôngx Minh Quang, nhoz jos Suôi Thầu, thị trấn Cốc Pài (Xín Mần, Hà Giang) tưz uô ntâu lênhx nênhs kruôk txos viv gruôs uô nox uô hâuk, zos iz lênhx nênhs gruôs cơưv shâuv car xar car uô, truôx siêz yưv pênhr huôv tsar chos ntông nox txir. Tix lâuk zos iz hâur têx lênhx hluôk nênhs uô ntêx nyuôk uô bluô nux sâuv zuk chuôz zis li vax chos.

Tâu xênhz zus thiêz hloz lox sâuv jos Suôi Thầu, iz luz jos tsênhv yuôr ntâu phêv liv nhoz thị trấn Cốc Pài, tix lâuk Quangnzor pov tâu niêv txir cux xưk li tsôngv box nhoz no li têx cêr txov nhêv, khưr uô yênhx shông taz sik cux tsi txâuk nox txâuk hnhar. Xar njôngr nriêr tâu tsưr ziv huôv tsar uô nox yiêz, hâur ntu muk cơưv ntơưv Học viện hành chính têz qơưk, tix lâuk tsês ntâu six hơưv nriêr pâuz lok hâux lưv hlôngr yiêz tsoz chos sâuv mênhv chêx ar kôngz nuv tso lok yar lengx tsi siêz. Đhâu nriêr pâuz, tix lâuk jênhv pov ar têz, qiv hơưv nhoz tiv phaz lok six huv đros chiê chos ntông nox txir.

Lơưr co, thâuv txos cheix so sor shông 2019 tix lâuk tror lok kuz têz qơưk đros chuôz zis hlôngr 3 hecta ar chos poz cưk, chos blêx chiê chos txir thênhx caz Vinh, txir lê thiêz txir khơưz, táo. Tâu nênhs cxênhz jê thôngx siêz sik côgnv uô, tix lâuk Quang qir tês uô. Shông 2021, thâuv cơưv tiêr đại học, tix lâuk Quang tror lok tsêr thiêz tsês tas nro six hơưv chiê tsoz phưz vax ntông nox txir.

          Pheiz kênh lok zuk li hâux lưv huôv tsar cêr uô nox, tix lâuk Quang heik: thâuv krêz uô cur li tsưr ziv, cur môngr jông tâu chuôz zis thôngx ziv uô thiêz zênhx tưz muôx ar têz. Qir thơưx, cur cux njiz ntâu phêv liv viv tsi tâu muôx chênhz zênhv chos thiêz tsoz phưz, muôx têx thâuv cux xar tso tsês. Taz sik khov muôx chuôz zis tôngv vênhx, paz cur truôx siêz đuô uô zuk li chor tsưr ziv, cur nriêr pâuz sâuv mạng lok tsưr ziv chos thiêz uô cxaz têx khoa học kỹ thuật thâuv tsoz phưz. Khov co, cur vax txir ntông hloz lox thiêz huôv tsar jông. Seiz vax txir ntông lox jux jus, cur lok six shir phaz đros zuk li cuiz tênhv no.

          Đros mênhv chêx 3 hecta, tix lâuk Quang tưz pheiz ar uô yênhx thax, iz thax chos iz zav tsoz chos txơưr. Tsưr ziv uô no taz por tsưr ziv chos, jông chiê zưs đêx, zuôv qir trơưk kỹ thuật viv iz zav tsoz chos nhiês muôx nhiês tsưr ziv tsoz phưz. Khov njuôs xav jông thiêz uô lơưr khoa học, tix lâuk Quang tưz chos tâu 700 tsoz txir khơưz, 500 tsoz txir juôx thiêz 300 tsoz txir thênhx caz Vinh. Đhâu 3 shông tsoz phưz, chuôz zis li vax ntông nox txir tưz tso lok phênhv sâu, tsi xav nhiêx zuôr qir thiêz tsoz phưz mak cux sâu tâu zuôr xar 150 tsov đeiv iz shông.        

          Heik lok tsưr ziv ntu tov kaz no, tix lâuk Quang zuôr tror krêz đar tsưr ziv chos ntông nox txir thiêz uô cxaz jix vuv krêz vax trâu tsôngv kruô ju lix tuôx ndis seiz thâuv tuôx txos Suôi Thầu. Thôngx cxix, yax mông, vênhv tôngv tsôngv box hlôngr yiêz tsoz chos sâuv mênhv chêx sâu tâu kis chiê chos ntông nox txir, muôz siêz phênhv sâu.

          Lơưr tix lâuk Nguyễn Văn Vinh, Bí thư đoàn hluôk nênhs thị trấn Cốc Pài: Đoàn viên Shôngx Minh Quang li tsưr ziv huôv tsar uô nox lok six huv đros thiêz qênhx shênhx nhoz tiv phaz, tix lâuk zos lênhx nênhs jông hâur phongz yaox hluôk nênhs huôv tsar uô nox. Tix lâuk li yênhx côngz tsi taz chuôz cxaz têx lênhx hluôk nênhs cơưv shâuv uô lơưr mak tsênhv krêz tơưv tsưr ziv yiêz hâur huôv tsar kinh têr sâuv zuk têz qơưk.

          Phênhv “Nôngx mênhx zuôr tsuv pâuz” hnuz no tsuôk muôx li no xưz. Phênhv no zos chiz coaz Đeix nta suôz VN thax tsav faz Bắc đros tsênhv qơư cxiz kôngz têz qơưk uô./.

Tsu Vưx-Txâur Vax cxeik nhênhv