Pox niêv jux juk muôx vax huôv siz luôs, viv muôx tổ yax kriê côngv thôngx

Txix hâur shôngk shông txos nhiv no, Hội Liên hiệp pox niêv tỉnh Phú Yên hux jos đros cxuô cấp hội sir jos yax kriê, tsưr tsix ntâu hâux lưv chiê fuô uô tâu jông dưv anr 8-pox niêv txir nênhx vax huôv siz luôs thiêz đơưk têx phiv liv trâu pox niêv, nhuôs zâu thax tsav tsôngv box heir nênhs tsơưs. Hội Liên hiệp pox niêv tỉnh Phú Yên tưz tsưr tsix yênhx lix 63 tổ yax kriê côngv thôngx. Iz tổ muôx 10 lênhx nênhs zos: Bí thư chi bộ, Tsar jok, Chi hội tsar pox niêv, Tsar ban côngz xưv mặt trận thiêz têx đoanx thêv hâur thax tsav qơư.

Niêx hli, tổ yax kriê côngv thôngx tsơưs tsơưs muôx iz jiês uô luôs hâux lưv heik sâuv, xeir fuô uô tsưr ziv kriê huv đros yênhx lênhx nênhs cxaz chuôz. Tổ yax kriê côngv thôngx tsi so muk yênhx chuôz zis pêx xênhv chiê qênhz shuôs thiêz mnôngs pêx xênhv heik lok lơưr tsưr ziv, siêz xar. Đhâu ntơư, muôz uô cê đros tsênhv njiêz yax kriê, đơưk pêx xênhv têx phiv liv hâur cxuô jiês cơưv jêx jok. Iz chas têx luôs hâux lưv li: Vênhv tôngv, kriê tsôngv niêv txir lax pêx xênhv huôv tsar uô nox, tổ yax kriê côngv thôngx tsênhv moz siêz txos chor nhuôs zâu, tsi chiê trâus ntâuk tsiv, siz zuôr nzor; heik sơưr đơưk tso tsês têx cêr nênhx pôngz kaz, tsi huv đros; kriê tsôngv niêv txir cưr tix nênhx tsa thâuv muôx moz gênhk tsuv muk chuôs cưk yuôx chiê tâu seiz njuôk shuôs, kho moz huv đros. Hồ Ngọc Kim Linh nhoz xã Sơn Hội, huyện Sơn Hòa heik pâuz:

“Cur xar cxaz chuôz tổ yax kriê no chiê pâuz ntâu đuô lok cêr uô nênhx jông thiêz txar jav têx uô cxâuv chei têz qơưk. Uô luôs hâux lưv no zuôr paz jông trâu luz nênhx thiêz zuôr uô zuk pâuz ntâu đuô  lok cxuô tsar zav, kror tưs zos, kror tưs uô cxâuv chei”.

Trơưk li pos Hà Thị Thìn, Chủ tịch Liên hiệp pox niêv xã Ea Trol, huyện Sông Hinh, hâur têx sir jos phax tir thêir siz zuôr nzor heik taz, phax tar ntâuk tsiv nhuôs zâu heik cxuô, Hội Liên hiệp pox niêv xã đros cxuô ban, ngênhx, đoanx thêv xã tưz muk txos cxuô jêx jok chiê yax kriê tsi so hâur yênhx hli trâu sơưr đơưk:

“Đhâu thâuv txeik tâu T.Ư cux li tỉnh, huyện têx ntâuz ntơưr, Hội pox niêv cux tưz cxiv tsa tsưr ziv. Đhâu ntơư fuô kriê txos trâu chor jok nhoz hâur dưv anr 8, zuôr yax kriê yênhx jêx jok cux li yênhx lix fuô uô têx hâux lưv lok pox niêv txir nênhx vax huôv siz luôs, tsi siz zuôr nzor, tsi ntâuk tsiv, tsi yeiz pluôs…. đros trâu 3 hur jông zos, tênhx qơư hur si, vax tsêr đu lus. 3 luz hlik iz jiês lok sik thâuv tưs cơưv hội pox niêv mak pêz yax kriê ciês têx hâux lưv heik sâuv đros”.

Pos Nguyễn Thị Phương Liên, Phưv Chủ tịch Hội Liên hiệp pox niêv tỉnh Phú Yên heik pâuz, hâur ntu đhâu, Hội Liên hiệp pox niêv tỉnh Phú Yên tưz hux jos đros Sở Lox tôngv Saz pênhz thiêz xã hội tỉnh tsưr tsix iz lớp cơưv cxaz têx txux chi tsưr ziv lês uô hâux lưv trâu canr bôv hội cấp huyện, xã lok đơưk têx phiv liv cik txos ntâuk tsiv pox niêv, nhuôs zâu thax tsav tsôngv box heir nênhs tsơưs thiêz tox siêz.

Hội Liên hiệp pox niêv tỉnh Phú Yên cux chox kriê cxuô cấp hội pox niêv hâur thax tsav nthuôr đar têx trâur nuv, tsưr ziv jông  chiê fuô uô trơưk hâur cxuô luôs hâux lưv zok muôz.

“Đros thiêz tsưr ziv txos shông 2025, zuôr yênhx lix cov tâu 63 tổ lês uô têx hâux lưv li heik sâuv, mak nhiv no tưz yênhx lix tâu 45 tổ, muôx 430 lênhx nênhs cxaz  chuôz. Têx tổ co tưz tâu Hội pox niêv kriê cxaz têx tsưr ziv lok yax kriê trâu sơưr đơưk, têx lênhx đros uô hâux lưv uô cê”.

Luôs hâux lưv fuô uô dưv anr 8 zos iz kro zôngx ziv chiê Hội Liên hiệp pox niêv cxuô cấp thiêz cxuô ngênhx cik txos, hâu nov ntơưv qơư cxiz uô jông hâux lưv txoz cxơưx trâu têx lênhx pox niêv thiêz nhuôs zâu heir nênhs tsơưs đros cxuô lênhx cxuô tus muôx vax huôv siz luôs, paz cxiv tsa tỉnh Phú Yên huôv tsar truôx./.

VOV4-Riê Lâux cxeik, nhênhv

Muôx phênhv sâu tâu truôx txix chos cxuô zav tsoz chos ntông nox txir thiêz tu zus kêiz đuz grêis 

Huôv tsar kinh têr ziv chuôz zis txix chos kôngz lôngk thiêz tu zus kêiz đuz grêis thiêz tsưr ziv no tsênhv zos iz kror uô huv đros, paz muôx tâu kinh têr paz trâu ntâu ziv chuôz zis nhoz xar Chiềng Tương, huyện Yên Châu, tỉnh Sơn La li luz nênhx. Iz zav li tix lâus Phàng Lao Ư, nhoz jok Pa Kha1 li tsưr ziv uô kinh têr txix chos ntông nox txir sâuv ar têz tox nxaz, đros trâu tu zus kêiz tso vax zos iz hâur chor ziv chuôz zis sir jos chiê huôv tsar kinh têr, muôx tâu phênhv sâu truôx tuk.

Tix lâus Phàng Láo Ư li tsưr ziv uô kinh têr nhoz kuôk đêz jok xar muôx 7 cêik cêr, nhiêv tiv zix zos vax txir chuôz thox liêz txi txir lok six ndư tsênhv txos trâu six hơưv sâu đêx, tix lâus Ư tsênhv đros chuôz zis đêx têx txir chuôz thox chiê muôs trâu chor nênhs uô lax luôv.

Đhâu thav đros tix lâus Ư, tâu pâuz, jok Pa Kha 1 muôx 1.104 ziv chuôz zis, 5.435 lênhx nênhs, 100% zos tsôngv box Hmôngz uô nênhx nhoz. Shông 2016, tix lâus Ư cơưv tiêr Đại học Công Đoàn, đhâu thâuv tơưv tsêr cơưv, tix lâus uô hâux lưv đrav Hà Nội xar muôx 3 shông, txos shông 2019, tix lâus cuêz tênhv tror lok ntơưv zuk qơư nhoz chiê huôv tsar uô nox.

Pov tâu têx kror liv txix chor ntông nox txir, tix lâus tưz hlôngr 5 héc ta ar têz chos poz cưk, chos blêx têz chiê chos txir chuôz thox liêz, txir khơưz đuz thiêz txir đuôx. Đros co, sir jos cxaz chuôz ntâu lớp kriê kỹ thuật tu têx txir ntông zos xar tsưr txix, nriêr pâuz txix têx tsưr ziv chos ntông nox txir uô tâu jông lok sir zôngv trâu tu zuk chuôz zis chor txir ntông. Đhâu 5 shông sir jos khưr uô nox, nhiv no chuôz zis 250 ntâu tsoz txir chuôz thox tưz sâu tâu muôx 4,5 tấn ntâu iz shông, gri muôs txix 14.000-20.000 đêiv iz cir, paz sâu tâu muôx 80-90 tsov đêiv. Hok txir khơưz đuz thiêz txir chuôz thox, njuôk xav zuôr txi txir thiêz sâu tâu trâu shông zuôr txos no.

Tưz tsik zos chos ntông nox txir xưz, tix lâus Ư tsênhv yưv pênhr chiê uô tsưr ziv tu zus chor kêiz đuz grêis tso hâur vax, zus muôx 150 ntâu tuk, gri muôs mak khov lơưr yênhx ntu txix 170.000-190.000 đêiv iz cir. Sir zôngv kêiz chor qir, đhâu thâuv tưz xưv lik tas, tix lâus Ư zôngv chiê zuôv trâu chor tsoz chos, paz cxênhx txuôs tâu nhiêx txiêx zuôr têx qir zuôv, paz trâu chor tsoz chos huôv tsar jông đuô. Tix lâus Ư hêik pâuz: Tsưr ziv uô kinh têr tổng hợp xuz thơưx tưz paz muôx tâu phênhv sâu truôx trâu ziv chuôz zis đros sâu tâu muôx nhos 150 tsov đêiv iz shông. Ntu zuôr txos, tix lâus zuôr kriz đar nzir thax tsav chos, sir zôngv khoa học kỹ thuật lok trâu tu têx tsoz chos thiêz tu zus chor tsiêx cxu, paz gra siêz tsơưr lươngv chor tsoz chos, tsiêx tu zus, paz muôx nzir hâux lưv uô trâu iz cxiê lênhx nênhs ntơưv thax tsav qơư.

Tix lâus Phàng Láo Ư, zos lênhx nênhs uô tâu nox jông thiêz uô ntêx hlo hâur uô nox nhoz chor hluôk nênhs tox siêz ntus điv tsênhv yuôr ntâu txov nhêv, car xar, car uô. Têx uô tâu txix ziv chuôz zis li tsưr ziv uô kinh têr tưz zos yênhx qơư chix cax, uô nox jông trâu chor hluôk nênhs hâur xar cơưv shâuv, sir zôngv chiê uô trơưk huôv tsar kinh têr ziv chuôz zis, paz gra siêz phênhv sâu, sir jos uô bluô nux ciês ntơưv zuk thax tsav qơư nhoz.

 Phênhv Nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Đaix nta suôz Việt Nam nhoz thax tsav faz Bắc kriz uô. Muôx Tsênhv qơư cxơưz cxiz uô kôngz têz qơưk côngv đros uô./.

Lầu Chia-Lik Thox cxêik nhênhv