Sir jos cxơưz têx xiv huv kôngz nuv Sơn La muôs hâur ciêz đrôngs

Xav txix thâuv yênhx lix lok hli 8/2016, đhâu 8 shông uô hâux lưv, txix 80 ha txir lưv tsiz sôngz xuz thơưx, txos nhiv no HTX Phương Nam tưz huôv tsar muôx 300 ntâu ha, yênhx thax tsav chos đreiv txir lưv tsiz sôngz hâur huyện Yên Châu, tỉnh Sơn La. Sir jos cơưv shâuv, vênhv tôngv têx lênhx nênhs hâur HTX uô lơưr jông tsưr ziv tsoz phưz, sâu đê, chênhr zos HTX no hâux lưv uô chênhr, txix ntơư chiê muôs tâu gri têx xiv huv. Tix lâus Nguyễn Văn Thủy, uô hâux lưv hâur HTX heik:

“Đhâu thâuv txiêr yiz tas têx chês, pêz tsi khơưk suô tso trâu iz kro cov têx hâur pâuk ntông nkra mak pêz chiê nưk nhoz nưk hâur hâur pâuk chiê ar nông thiêz lưx uô qir chiê cov têx ar nxênhr. Tov kaz no txi txir thiêx lox siz luôs, jông gâux đuô”.

Nhiv no HTX Phương Nam tsênhv uô lơưr VietGAP lok sâuv tu têx tsoz chos nox txir li: Txiêr yiz chês, trâu qir, sir zôngv yuôx tsuôs tuô caz hmoz trơưk li heik kriê, sir zôngv têx qir, caz uz no muôx liv chiê por hưv tsoz chos.... Lar heik chiê txo grêk tsơưs nênhs tu, seiz shuôs têx tsoz chos, HTX tưz sir zôngv yêz za tsi zuôr nênhs tsar chiê tsuôs yuôx tuô têx caz hmoz tho nox uô ruôr hiêv tsoz chos. 15 ha ntâu txir lưv tsiz sôngz cux tưz tâu đhok meir cxeik đuôz chiê seiz kaz phưx vưv luôs hâux lưv pâuz tsênhz qơư tsiv uô, taz por muôs tâu têx xiv huv trâu chor ciêz đrôngs lox. Zơưv Cù Quốc Minh, uô hâux lưv hâur HTX Phương Nam heik pâuz:

“Thâuv ntêx tsuôs yuôx tsuv tas ntâu côngz đas jos thiêz tsuôs thôngz xưz viv li iz hnuz tsuôk tsuôs tâu 1-1,5 ha. Taz sik sir zôngv yêz za tsi zuôr nênhs star li no tsuôs mak iz hnuz cur muôx têx tsuôs tâu txix 5-7ha”.

Đros trâu luôs hâux lưv fuô uô ntâu faz tsưr ziv khoa học kỹ thuật yiêz tưz paz HTX Phương Nam muôx phênhv sâu tâu niêx shông txos nhiv no tsar ndê 40 tyv đeiv ntâu. Lar heik hli 10 nhiv kruôr đhâu, taz viv tưz tâu côngk nhav zos thax tsav hâur huyện Yên Châu, tỉnh Sơn La chos txir lưv tsiz sôngz uô lơưr jông tsưr ziv yiêz. Zơưv Trần Như Kiên, Giám đốc HTX heik pâuz:

“Thâuv ntêx mak tiêk zos huôv tsar uô kôngz nuv taz sik nhiv no pêz hlôngr yiêz tsi huôv tsar uô kôngz lơưv, co zos uô kinh tế kôngz nuv, pêz tsuv hlôngr yiêz tsưr ziv, siêz xar chiê uô li chas muôx tâu têx xiv huv jông, muôs tâu gri”.

Pêx xênhv gra siêz tsưr ziv jênhv pâuz, siêz xar lok huôv tsar uô kôngz, txix ntơư gra siêz tsơưr lươngv, muôs tâu têx kôngz hâur ciêz đrôngs. Co zos hâux lưv zov chênhr, tỉnh Sơn La tsênhv zuôr fuô uô chiê yênhx lix thiêz huôv tsar iz ngênhx kôngz nuv truôx jông sik đros 2 chas thax tsav siz tưr huôv tsar uô nox, paz cxiv tsa Sơn La yênhx tỉnh huôv tsar jông thiêz sei, truôx lơưr Nghị quyết Đại hội Đảng bộ tỉnh Sơn La jiês tiv 15 tưz tso tơưv./.

Nguyễn Thị Thủy-Riê Lâux cxeik, nhênhv

Têx lênhx nôngx mênhx bluô nux nhoz Quỳnh Nhai

          Sâuv thax tsav pas đêx niêv đêx Đas nhoz huyện Quỳnh Nhai, muôx têx nôngx mênhx sei đrơưv, sir jos huôv tsar cêr uô nox txix chos ntông nox txir sâuv ar nxaz côngv đros tu zus chiê uô bluô nux, sik côngv đas jos đros pox nhuôk cxiv tsa nôngx cxênhz yiêz. Tiv zix xưk li tix lâuk Dia Xênhv Thox nhoz jos Phiêng Ban, xã Mường Giàng, huyện Quỳnh Nhai, tỉnh Sơn La.

        Lok txos jos Phiêng Ban, jos tox siêz nhoz xã Mường Giàng, đros têx coz nas uô trâu qiv hơưv lax khiêv đuô hâur cheix ntux sor, ziv uô trâu pox nhuôk nhoz no li yênhx puôk hecta tsoz chos njuôz jông đuô. Tix lâuk Dia Xênhv Thox, Tsar Ban côngz xưv mặt trận jos Phiêng Ban, zos iz lênhx hluôk nênhs sei đrơưv, cơưv tiêr Đại học Luật, tix lâuk tưz muôx 6 shông uô Phưv Chủ tịch Hội nôngx mênhx xã, nhiv no zos iz lênhx nênhs bluô nux nhoz thax tsav ar têz nxaz no. Tos pêz tuôx seiz shuôk, tix lâuk Dia chox pêz muk seiz vax chos cà phê- trâur nuv kinh têr jông nhoz jos tox siêz no.

          Thâuv uô côngz xưv nhoz Hội nôngx mênhx xã, tix lâuk jênhv pov zuk têz qơưk tsênhv yuôr ntâu phêv liv, jos mak muôx ntâu ar têz, tsôngv box gruôs uô hâux lưv, taz sik luz nênhx tsênhv six fênhx yeiz pluôk ntêr lok no. Thâuv muk seiz tsênhv tsênhz nhoz iz cxiê qơư, tix lâuk cuiz tênhv thor uô côngz xưv hội, tsês tas nro six hơưv, đas jos nhênhz chơưv, cơưv shâuv uô kôngz nuv, vênhv tôngv pox nhuôk hâur jos hlôngr yiêz tsoz chos, chox cà phê, yuôx zêx, ntông nox txir lok chos sâuv ar têz nxaz, chos sik shơư đros têx tsoz chos txơưr, uô trơưk têx tsưr ziv kỹ thuật jông. Thôngx cxix, vênhv tôngv pox nhuôk tu zus nhux tưv, nhux đas cơư hâur guôx lơưr saz hax huv thiêz zôngv têx qir nhux co chiê zuôv trâu tsoz chos.

          Qir thơưx pox nhuôk tsi uô lơưr, lơưr xar tiêk uô li ntơưv mak tsi huv đros zuk tsôngv box Hmôngz. Chiê pox nhuôk uô lơưr, tix lâuk tưz uô ntêx nyuôk krêz đar mênhv chêx, xav tênhv tsoz chos, txeik pênhr zuôr nôngz zuz, qir zuôv; heik cán bộ cxiz kôngz huyện paz kriê tsưr ziv tsêz chos. Đhâu 4 shông, chuôz zis tưz muôx 3,8 hecta cà phê, 1,3 hecta yuôx zêx Shan Tuyết, 7 hecta poz cưk, tsêz no, chuôz zis sâu tâu 500 tsov đeiv ntâu, muôz hâux lưv uô trâu 10 lênhx nênhs lox tôngv hâur jos.

          Nhiv no, jos Phiêng Ban muôx 76 ziv chuôz zis, 100% zos tsôngv box mênhx cxưx Hmôngz, shông 2015, Phiêng Ban tâu côngz jênhv zos jos nôngx cxênhz yiêz thiêz txos nhiv no, jos muôx 50% ziv chuôz zis bluô nux, tsuôk yuôr 5% chor ziv chuôz zis pluôk thiêz zuôr xar pluôk. Shông 2025, jos sir jos cxuôv tas têx ziv chuôz zis pluôk thiêz tâu côngz jênhv zos jos nôngx cxênhz yiêz jông.

          Tix lâuk Dia Xênhv Thox puz pâuz cxaz: Xav tênhv phongz yaox uô bluô nux trâu chuôz zis, uô jêx jos jông jav đuô thiêz muôx txơưx jênhv paz max têx ziv chuôz zis pluôk sir jos hla đhâu cêr pluôk truôx vênhs, muôx phênhv sâu tâu siêz. Tix lâuk chuôz zis zuôr tsês iz phênhv chiê paz pox nhuôk tsiv uô thiêz heik kriê lơưr huôv tsar uô nox, yênhx trus ngaz tul luz nênhx thiêz hla đhâu cêr pluôk.

          Phênhv “Nôngx mênhx zuôr tsuv pâuz” hnuz no tsuôk muôx xâuk li no xưz. Phênhv no zos chiz coaz Đeix nta suôz VN nhoz thax tsav Tây Bắc uô. Muôx tsênhv qơư cxiz kôngz têz qơưk paz txưv./.

                                                         KT-Txâur Vax cxeik nhênhv