Huôv tsar uô chiv kôngz ntux tsâus  nhoz đras liêx Than Uyên (Lai Châu)

Thâuv tas cik sơưr nzor, yar ntux nhiv kruôr tuôx pur đras cux zos six hơưv tsôngv pêx xênhv xã Mường Cang shir phaz lul muk uô liêx têz. Tix lâus Lò Văn Thanh, nhoz jok Phiêng Cẩm, xã Mường Cang, huyện Than Uyên (Lai Châu) heik pâuz: Khov muôx HTX sik côngv paz sâu zuôr têx xiv huv, viv li txix ciês iz đraz hli 10, hlêis sâu tas têx blêx liêx, tsôngv box sơưr đơưk tưz tsêz chos ciês chiv ntux tsâus chiê ndar cheix chiv. Chor kok zax zưv, điz, poz cưk...nhiv no tsênhv hloz lox lok six jông, muôx têx chuôz zis zuôr sâu tâu nju:

“Shông no Ủy ban xã tưz heik cov pêx xênhv sơưr đơưk chos têx kok zax zưv, jâuz tâuv huv đros. Cur chuôz zis mak cux tưz chos tâu iz ha ntâu kok zax zưv. Nhiv no têx kok tsênhv tuôx câuk jov jơưk thiêz lox jông”.

Trơưk li zơưv Đàm Vũ Anh, Phưv Chủ tịch Ủy ban xã Mường Than, huyện Than Uyên, zos xưk li chiv ntux tsâus shông uô ntêx, pêx xênhv hâur thax tsav xã phênhv ntâu têx liêx têz tso tsês khôngz tsi uô đaz tsi, lok sik chos iz kro mê njik têx jâuz tâuv, đok, kix xưz, mak shông no khov tâu yax kriê lok chiv kôngz ntux tsâus têx muôx liv thiêz jông, tsôngv pêx xênhv sơưr đơưk tưz sir jos chos têx jâuz tâuv uz no trâu, phênhv ntâu zos chos kok zax zưv.

“Chiv ntux tsâus shông no xã Mường Than tưz uô tâu 140 ha. Txos nhiv no, phênhv ntâu tsôngv pêx xênhv tưz tsêz chos têx kôngz chiv ntux tsâus, chor kôngz pêx xênhv uô puôr lênhx hloz lox jông. Phênhv ntâu sơưr đơưk chos jâuz krưr, txir lưk suôr, tâuz thiêz iz cxiê zav jâuz njuôz, jâuz cxưz.... Nhiv no hâur thax tsav xã, pêx xênhv cux tsênhv sik đros chos têx cuô txoz lơưr HĐND tỉnh Nghị quyết 13 thiêz tsênhv fuô uô tâu jông trơưk li heik co”.

Thôngz sâu hâur tas nro huyện, zơưv Đỗ Ngọc Tú, Giám đóc Tsênhv qơư dịch vụ kôngz nuv huyện Than Uyên heik pâuz, txos nhiv no, tas nro huyện tưz tsêz chos tâu 340 ntâu ha tsoz chos chiv ntux tsâus, phênhv ntâu nhoz chor xã Mường Cang, Mường Than, Mường Kim, Phúc Than, Hua Nà.... Phênhv ntâu têx liêx têz uô kôngz chiv ntux tsâus, lar heik zos kok zax zưv puôr lênhx chos trơưk tsưr ziv pêx xênhv thiêz doanh nghiệp, HTX hâur thax tsav sik đros uô, sik đros sâu zuôr.

Chiê taz por têx kôngz jông, sâu tâu nju, canr bôv ngênhx kôngz nuv huyện tsênhv sir jos đros hâu nov ntơưv qơư kriê pêx xênhv muk ndis seiz tsi so têx liêx têz; têx tsoz chos chiê qênhz pov nzor caz hmoz tho nox uô ruôr hiêv thiêz muôx tsưr ziv phax tuô zênhx max:

“Lok sâuv têx tsoz chos chiv ntux tsâus hâur thax tsav huyện Than Uyên, txos nhiv no tsênhv sir jos chos thiêz tu iz cxiê tsoz chos sik côngv uô, sik đros sâu zuôr li: Kok zax zưv, poz cưk.... Txos nhiv no phênhv ntâu chor liêx têz uô kôngz chiv ntux tsâus hâur huyện tưz tsêz chos tas thiêz tsênhv sox seiz, tu têx tsoz chos co. Hâur ntu fuô uô, tsênhv qơư thâuv tưs tưz hux jos đros cxuô xã, thị trấn yax kriê, heik pêx xênhv tsưr ziv tu, lar heik zos moz siêz txos luôs hâux lưv por hưv têx tsoz chos chiê hloz lox jông, sâu tâu nju trơưk tsưr ziv”.

Đras liêx Mường Than nhoz Than Uyên muôx 2 cxênhz ha uô kôngz, zos đras liêx lox sơưr tiv 3 Tây Bắc, uô kaz Mường Thanh, Mường Lò.

Txix cxuô cấp, hâu nov ntơưv qơư têx sir jos đros trâu tsôngv pêx xênhv moz siêz huôv tsar uô têx kôngz chiv ntux tsâus, vav chiê siêz shông no huyện Than Uyên zuôr sâu tâu kôngz nju, cxaz nzir phênhv sâu, cxiz huôv tsar kôngz nuv truôx./.

Khắc kiên-Riê Lâux cxeik, nhênhv

Tsôngv box mênhx cxưx tsơưs nênhs ntơưv xar thax tsav 2, 3 tâu paz 70% nhiêx thêv zuôr bảo hiểm y têr

Xav txix hnuz 1 hli 11 shông 2023, tsôngv box mênhx cxưx tsơưs nênhs nhoz ntơưv xar thax tsav 2, 3 zuôr tâu Têz qơưk paz 70% phênhv nhiêx thêv zuôr bảo hiểm y têr. Tsênhv tsênhz li đrav kaz:

Tsêngv box mênhx cxưx tsơưs nênhs tsênhv uô nênhx nhoz ntơưv thax tsav chor xar Thax tsav 2, thax tsav 3, jêx jok txov nhêv tiv zix nhoz thax tsav tsôngv box mênhx cxưx tsơưs nênhs thiêz tox siêz ntu 2016-2020 mak chor xar no tưz tsik nhoz hâur bê ntơưr zos chor xar thax tsav 2, thax tsav 3, jêx jok txov nhêv tiv zix nhoz thax tsav tsôngv box mênhx cxưx tsơưs nênhs thiêz tox siêz ntu 2021-2025 lơưr Thủ tướng Chinhr phuv li Cuêz tênhv.

Lơưr cui tênhv hêik sâur mak nênhs zos mênhx cxưx tsơưs nênhs tsênhv uô nênhx nhoz ntơưv thax tsav chor xar thax tsav 2, 3, jêx jok txov nhêv tiv zix nhoz thax tsav tsôngv box mênhx cxưx tsơưs nênhs thiêz tox siêz ntu 2016-2020 mak chor xar no tưz tsik nhoz hâur bê ntơưr zos chor xar thax tsav 2, 3, jêx jok txov nhêv tiv zix nhoz thax tsav tsôngv box mênhx cxưx tsơưs nênhs thiêz tox siêz ntu 2021-2025 lơưr Thủ tướng Chinhr phuv li Cuêz tênhv tâu cxaz nzir trâu hâur chor nênhs tâu nhiêx txiêx têz qơưk paz phênhv nhiêx thêv zuôr bảo hiểm y têr.

Lok phênhv paz, tâu cui tênhv li đrav kaz:

Txix hnuz Nghị định no tâu uô trơưk, phênhv paz txix nhiêx txiêx têz qơưk trâu iz lênhx nênhs li đrav kaz:

a) Paz 100% phênhv nhiêx thêv zuôr bảo hiểm y têr trâu nênhs nhoz hâur chuôz zis zuôr xar pluôs tsênhv uô nênhx nhoz sâuv thax tsav chor huyện pluôs lơưr Thủ tướng Chinhr phuv li Cuêz tênhv thiêz chor cơ quan muôx vax huôv li têx ntâuz ntơưr txơưr đuô;

b) Paz tsơưs tiv zix 70% phênhv nhiêx thêv zuôr bảo hiểm y têr trâu nênhs tâu cui tênhv ntơưv têx khoản 1, 2 thiêz 5 Grê 4 Nghị định no

c) Paz tsơưs tiv zix 30% phênhv nhiêx thêv zuôr bảo hiểm y têr trâu nênhs tâu cui tênhv ntơưv khoản 3 thiêz 4 Grê 4 Nghị định no

Li co,  lơưr cui tênhv no mak nênhs zos mênhx cxưx tsơưs nênhs ntơưv xar thax tsav 2, 3 tâu paz 70% phênhv nhiêx thêv zuôr bảo hiểm y têr.

Khov lơưr cui tênhv ntơưv khoản 3 Grê 3 Nghị định 75/2023/NĐ-CP li đrav kaz:

1. Nghị định no tâu uô trơưk txix hnuz 03 hli 12 shông 2023.

2. Nhiêx txiêz têz qơưk paz trâu chor nênhs cui tênhv ntơưv điểm c khoản 2 Grê 2 Nghị định no hâur muôx 36 luz hli xav txix hnuz 1 hli 11 shông 2023.

3. Cui tênhv ntơưv khoản 8 Grê 1 thiêz khoản 3 Grê 2 Nghị định no tâu uô trơưk txix hnuz 1 hli 1 shông 2019. Hâux lưv thêv nhiêx njuôk, kho moz bảo hiểm y têr txix hnuz 1 hli 1 shông 2019 uô lơưr cui tênhv ntơưv Grê 30, Grê 31 thiêz khoản 2 Grê 32 Chêi Bảo hiểm y têr thiêz cui tênhv ntơưv khoản 8 Grê 1 Nghị định no./.

VOV4-Lik Thox cxêik nhênhv