Uô jông hâux lưv phax tar ntux no trâu shux xênhz tox siêz Lào Cai

Puô chor xốp, puô pav, vor pav trưz sor hâur têx lớp cơưv uô qơư pư tsik yâu chuô zos tsưr ziv jông paz trâu 200 lênhx nhuôs Tsêr cơưv nhuôs zâu xar Tả Gia Khâu, huyện Mường Khương muôx tâu jiês pư su sor so, tsâus jos jông. Lơưr cưk kriê Lê Thị Diệu, hâur chor hnuz jêx tưv grêk kik, cưk kriê ntơưr zuôr cxaz nzir chor  tênhz tơưv cov sor trâu hâur lớp cơưv zuk sêiz car:“Pêz tso têx tênhz uô cov sor paz trâu chor nhuôs sor thiêz pư tsâus jos jông đuô. Chor cưk kriê ntơưr cux zuôr pư đros chor shux xênhz chiê taz por ngaz tuk thiêz têx qơưk njiê tênhv cux tsuv uô cov huv đros trâu chor shux xênhz nhuôs zâu”.

Chêix ntux no nhoz tox siêz mak txos nzor thiêz suôv câuv lis đuô. Txix ciês thâuv hâur chêix ntux no, chor qơư zoz zux hâur huyện puôr lênhx kriz uô têx tsưr ziv phax tar ntux no trâu shux xênhz, muôx tas nro chor shux xênhz niêv txir li têx paz txix têx hâux lưv uô tsênhv tsênhz. Cưk kriê Đỗ Thị Tươi, Phưv Hiệu trưởng Tsêr cơưv Cxênhx iz sôr 2 thị trấn Mường Khương hêik:“Shux xênhz niêv txir sik côngv jông đros tsêr cơưv ntơưr, txix gratơưl tuôx. Đhâu co, tsêr cơưv ntơưr zuôr trâur têx chuz tơưl trâu đrâuv jôngr trâu chor mê nhuôv ntê cov sor hâur têx hnuz ntux no”.

Tas nro huyện Mường Khương nhiv no muôx zuôr xar 20 cxênhz lênhx shux xênhz, hâur co muôx 1/4 zos shux xênhz nhoz hâur tsêr cơưv niêv txir zus mor. Đrâuv chor tsêr cơưv chênhr, iz phênhv tưs shux xênhz hâur huyện cux tsênhv cơưv ntơưr ntơưv têx cơưv nhoz têx jêx jok.Lơưr zơưv Nguyễn Quốc Trịnh, Phưv Trưởng phòng Zoz zux huyện Mường Khương, txix taz viv têx sir jos, côngz xưv phax tar ntux no tưz tâu uô jông, chor shux xênhz sir jos tuôx cơưv ntơưr têx hnuz ntux no cux muôx chôngz:“Phòng Zoz zux cux tsik so sêiz shuôk jông, chox kriê têx tsêr cơưv ntơưr uô jôngcôngz xưv phax tar ntux no trâu chor shux xênhz, tiv zix zos chor shuxxênhz nhoz hâur tsêr cơưv niêv txir zus mor. Tiv iz zos bax cov txâuk têx tsôngk yo sor trâu chor shux xênhz; tiv oz zos qơư pư cov sor trâu chor shux xênhz”.

Iz chas sir jos uô cov sor trâu chor shux xênhz, Phôngz zoz zux huyện Mường Khương tưz chox kriê, hêik têx tsêr cơưv chuôz cxaz tsơưr pưr thiêz tsưr zivphax, tar ntux no lơưr chêix trâu shux xênhz chiê shux xênhz muôx jông đas cơưv ntơưr./.

TTTB-Lik Thox cxêik nhênhv

Chiê cà phê Sơn La muôx chôngz lênhx ntâu tus pâuz txos-têx jông thiêz phiv li

Têx hnuz hâur hli 11, sâuv têx ar têz chos tsoz chos cà phê nhoz Sơn La, tsôngv pêx xênhv tưz shir phaz lul sâu đê txir cà phê siêr. Tsôngv pêx xênhv têx cêr shir phaz đhâu chor hnuz sir jos tu, tsoz phưz, uô lơưr tsưr ziv yiêz, cà phê shông no tâu cheix, muôs tâu gri. Zơưv Lường Văn Tiêng nhoz xã Chiềng Cọ, TP Sơn La heik:“Cur chuôz zis chos cà phê txix shông 1992. Shir phaz shông no têx cà phê txi txir jông thiêz tâu gri đuô. Ciês cur chuôz zis shông no muôx iz ha ntâu, sâu đê tâu nhos 10 ntâu tênhr, zos gri muôs tâu 10 cxênhz đeiv iz cir li thâuv ntu nhiv kruôr siêr mak zuôr tâu muôx 100 ntâu tsov đeiv iz shông”.

Lơưr pos Cầm Thị Phong, Phưv Giám đốc Sở Kôngz nuv thiêz huôv tsar tox siêz tỉnh Sơn La, khov tỉnh tso tơưv luôs hâux lưv yax kriê hlôngr yiêz tror chos tsoz chos cà phê thiêz tu têx cà phê, đros trâu tiz jông uô trơưk tsưr ziv kriê thiêz pêx xênhv hlôngr yiêz tsưr ziv, siêz xar...., chiv cà phê shông no muôx têx zuôr sâu đê nju, muôs tâu nhiêx txiêx:“Cà phê shông no hloz lox jông, txơưv siêr tâu lis mê njik, taz sik tâu ntâuk grê co zos iz chiv cà phê tâu cheix, njuôk xav zuôr tâu nhos 32 cxênhz tênhr cà phê nôngz. Hâur têx shông jê lok no, gri cà phê tưz tsar ndê, tsôngv pêx xênhv muôx phênhv sâu tâu truôx txix cà phê”.

Đros thiêz jông, muôx liv li heik ntơư, Sơn La txos nhiv no tưz hu zâuv, yưv pênhr uô 9 qơư tsiv uô cà phê công nghiệp, 5 taz viv cxaz chuôz tsiv uô xiv huv cà phê, phênhv ntâu tâu trơưk li tsưr ziv, siêz xar. Taz sik, yuôr ntâu qơư zâu tsiv uô, jiêz kra iz kro mê njik têx cà phê....tưz uô tsi jông txos tsơưr lươngv cà phê thiêz tênhx qơư. Zơưv Nguyễn Thành Công, Phưv Chủ tịch Ủy ban tỉnh Sơn La heik pâuz:“Chor tsêr meir yiêz nhiv no xưv lik tâu lok six jông têx kiêk nênhs, vuôz tsuôz, têx tsêr meir txơưr đuô cux tsuv jux juk yưv pênhr cxiv uô cxix luôs xưv lik kiêk nênhs, vuôz tsuôz. Sơn La sir jos cxiv tsa qơư công nghiệp, thax tsav công nghiệp chiê têx tsêr meir tsiv uô cà phê sik đros xưv lik tâu jông têx kiêk nênhs, vuôz tsuôz, tênhx qơư thiêx zuôr truôx tuk, hur jông. Thiêz zuôr sir jos txo grêk tsơưs têx tsi jông li heik co, chiê jux juk tsi muôx têx qơư tsiv uô cà phê zâu, viv cà phê tsuv têr tơưr, tsiv uô nhôngk”.

Đhâu 70 ntâu shông huôv tsar chos cà phê chiê cxuz cêr yeiz pluôs, cà phê Sơn La nhiv no tsênhv tâu chiê siêz zuôr ziv hnuz ziv muôx ntâu tus chôngz lênhx, ntâu thax tsav pâuz txos đuô, khav tinhv suôz bê jông hâur Việt Nam thiêz sâuv ntiêx têz, Bộ trưởng Bộ Kôngz nuv thiêz huôv tsar tox siêz Lê Minh Hoan tsưr ziv xar njôngr: “Xar txos cà phê zos ndo txos Việt Nam, hâuk siv cà phê Sơn La zos xar txos thax tsav tox siêz faz Bắc”./.

                                           Lê Hạnh-Riê Lâux cxeik, nhênhv