BHYT, BHXH txưv zênhv-qơư khov truôx trâu pêx xênhv tox siêz Sơn La

              Tix lâus Vưx Xênhv Vax nhoz jok Tsuô Ntaz, xã Co mạ, huyện Thuận Châu, Sơn La chuôz zis iz txưv zos chuôz zis txov nhêv. Ntu jê lok no, tix lâus tus nhuôv nhiv kruôr muôx 3 hlik ntâu trâus moz njưk hnhar, tsuv muk nhoz tsêr kho moz ntêr hnuz, tas ntâu nhiêx txiêx kho moz gênhk, co zos iz phiv liv lok six lox trâu tix lâus. Taz sik khov muôx ntơưr seiz njuôk shuôs moz viv li têx nhiêx kho moz, nhiêx yuôx tưz tâu bảo hiểm thêv 100% hur si. Chênhr zos li heik co, tix lâus chuôz zis tso siêz chiê mê nhuôv nhoz chơưv kho moz gênhk ntơưv tsêr kho moz, tsi trâus cxơưx lok nhiêx txiêx. “Cur tus nhuôv trâus moz njưk hnhar, tuôx nhoz kho moz ntơưv no cux tâu chor cưk yuôx, bác sĩ moz siêz tsoz phưz, nhiêx txiêx kho moz cux tas ntâu cơưk. Hmôngr jông muôx bảo hiểm paz 100% viv li cux paz tâu lok six ntâu lok sâuv nhiêx kho moz trâu mê nhuôv”.

               Chiê pêx xênhv pâuz tsênhz cxaz chuôz BHYT zuôr muôx liv jông, hâur co paz txo grêk tsơưs têx nhiêx thêv kho moz thâuv trâus muôx moz gênhk, BHXH Thuận Châu tưz hux jos đros hâu nov cxuô thax tsav qơư tsi so yax kriê, vênhv tôngv txos yênhx chuôz zis; đhâu ntơư ziv hnuz ziv muôx chôngz lênhx ntâu tus zuôr ntơưr seiz njuôk shuôs moz.

              Txos nhiv no, chor nênhs zuôr ntơưr seiz njuôk shuôs moz hâur Thuận Châu tưz tax zuôr xar 99%. Hâur thax tsav sir jos cov txos tas shông no uô tiêr têx hâux lưv tso tơưv. Pos Lê Thị Thúy Minh, nhoz jok 6, thị trấn Thuận Châu, huyện Thuận Châu heik: “Cur chuôz zis zuôr bảo hiểm tâu 7 shông lok no lơưv, cur 2 niêv txir puôr lênhx uô hâux lưv saz đrâuv hur si, xar zuôr bảo hiểm no tsês chiê thâuv ntu lâul tsi muôx đas jos uô nox ntơư muôx bảo hiểm. Thâuv muôx moz gênhk muk nhoz tsêr yuôx lok tsi tas ntâu nhiêx txiêx, txơưv muôx moz nhoz tsêr yuôx yênhx hli lok tưz muôx bảo hiểm paz thêv lơưv. Tiv 2, muôx hnuz nhôngs lơưv tsi xar uô phiv liv trâu chor tuz nhuôs mak zuk tưz muôx nhiêx zôngv lơưv, chênhr viv li pêz zuôr ntơưr seiz njuôk shuôs moz trâu 2 niêv txir hur si”.

                  Taz sik, nhoz têx thax tsav tox siêz đêz đrôngs, thax tsav txov nhêv hâur Sơn La, chor nênhs cxaz chuôz BHXH txưv zênhv tsi chôngz. Qir tiv phênhv ntâu zos viv tsôngv pêx xênhv luz nênhx tsênhv txov nhêv hênhr, tsi yuô tâu pâuz tsênhz BHYT, BHXH txưv zênhv têx muôx liv.

                Chiê ziv hnuz ziv muôx ntâu tus chôngz lênhx tâu por hưv truôx tuk sâuv mạng xã hội, tâu cuiv nhiêx BHYT paz thêv têx nhiêx txiêx kho moz thâuv trâus muôx moz gênhk tsuv muk nhoz tsêr yuôx, Ủy ban tỉnh Sơn La tưz hu  lơưk cxuô taz viv, doanh nghiệp, chor nênhs siêz jông sik đros paz têx lênhx pêx xênhv muôx luz nênhx txov nhêv zuôr ntơưr seiz njuôk shuôs moz; cxuô cơ quan, taz viv cux vênhv tôngv canr bộ, công chức, viên chức iz lênhs paz zuôr tsơưs tsơưs iz đeiv ntơưr seiz njuôk shuôs moz trâu pêx xênhv muôx luz nênhx txov nhêv. Trơưk li zơưv Đinh Thanh Tùng, Phưv Giám đốc BHXH tỉnh Sơn La, tsaz yênhx đhâu thâuv fuô uô tưz tâu chôngz lênhx ntâu tus canr bbôv, viên chức, nênhs lox tôngv thiêz tsôngv lax pêx xênhv jông siêz, thôngx ziv đros. Txix hâur shôngk shông txos nhiv no, cơ quan BHXH tỉnh tưz lênhk txeik tâu têx tsưr tsix, sơưr đơưk thiêz chor nênhs siêz jông hâur thiêz đrâuv 2 chas tỉnh iz tyv đeiv ntâu nhiêx txiêx paz tuôx zuôr ntơưr seiz njuôk shuôs moz trâu têx lênhx nênhs muôx luz nênhx txov nhêv. Txos nhiv no, tas nro tỉnh tưz muôx 1,3 tsov lênhx nênhs cxaz chuôz BHXH, BHYT thiêz têx bảo hiểm txơưr, tax 95% ntâu jênh sôr hâur tỉnh: “BHXH Sơn La zuôr tror sir jos uô jông luôs hâux lưv yax kriê, vênhv tôngv tsôngv pêx xênhv cxaz chuôz BHXH, BHYT; uô jông cxuô luôs hâux lưv, muôz sổ BHXHH, BHYT puz trâu têx lênhx nênhs muôx luz nênhx txov nhêv hâur thax tsav thiêz tror uô jông hâux lưv hlôngr yiêz uô têx ntâuz ntơưr, uô hâux lưv, uô ntâuz ntơưr đhâu sâuv mạng xã hội  chiê muôz jông six hơưv trâu pêx xênhv, tsưr tsix thâuv cxaz chuôz bảo hiểm cux li đơưk uô têx chei BHXH, BHYT; lar heik zos moz siêz uô têx ntâuz ntơưr, paz thêv nhiêx khiêz kho moz chiê lênhx nênhs cxaz chuôz BHYT tâu sơưv têx chei paz, tâu trơưk li Chính phủ hâux lưv choz shông 2024”.

Trấn Long-Riê Lâux cxeik, nhênhv

Yax mông lok moz Bạch hầu, tsuv cxax yuôx vắc xin Td trâu mê nhuôk 7 shông thiêz phax tar moz ntơưv côngv thôngx

         Tsôngv cưr tix…yuô! Moz bạch hầu zos moz o chax pak thiêz moz lok cêr uô pa (kror njưk, chax pak…) tiv caz moz uô zênhr shar txos plơưr, trâuv, lênhs, zôngx ziv uô trâu lênhx nênhs co trâus tuôs.

           Ntơưv VN, hli 10 shông 2024 tưz sâu jênhv 10 lênhx nênhs trâus moz bạch hầu, 1 lênhx nênhs tuôs. Ntơưv Sơn La txơưv tsi tâu muôx lênhx nênhs tưs trâus moz bạch hầu, taz sik njuôs xav moz huôv xênhz siêz, tiv zix zos nhoz thax tsav tox siêz, thax tsav txov nhêv.

          Chiê chuv tôngv phax tar moz bạch hầu, hâur hli 11/2024 tỉnh Sơn La zuôr krêz uô hâux lưv cxax yuôx vắc xin phax moz uốn ván- bạch hầu (khênhr hu zos vắc xin Td) txu grês côngz cxax sâuv thax tsav 100% xã, phường, thị trấn sâuv thax tsav tas nro tỉnh trâu têx mê nhuôk 7 shông hnuz nhôngs (mê nhuôk xênhz txix hnuz xiêz 1/1/2017 txos 31/12/2017). Têx qơư y tế xã zuôr chuv tôngv sik côngv đros têx tsêr cơưv sâuv thax tsav tsưr tsix jiês cxax yuôx trâu mê nhuôk muôx txâuk theox chênhv. Đros têx mê nhuôk 7 shông tsi tâu muk cơưv ntơưr, qơư y tế zuôr sâu bê tsưr tsix cxax yuôx đros têx jiês cxax yuôx fênhx yax hâur hli 11/2024.

Nhạc cắt

          Tsôngv …yuô! No zos côngz yuôx vắc xin lok six coaz tsôngv paz chuôz cxaz đas jos phax tar moz bạch hầu, uốn ván thix ziv têx ziv chuôz zis chox mê nhuôk muk têx qơư cxax yuôx phax moz sâuv thax tsav seiz car chiê tâu cxax yuôx phax moz cxix cxuô thiêz trơưk six hơưv lơưr Bộ y tế li heik kriê. Viv txơưv chêx cuk por vêv têx jiês cxax tov ntêx siêz taz sik cux zuôr txu grês jux jus lơưr six hơưv thiêz txos 7 shông zuôr txu grês phax moz bạch hầu, uốn ván ntâu, viv li côngz vắc xin no zos lok six zuôr trâus đros têx mê nhuôk.

          Thôngx cxix chiê chuv tôngv phax tar moz, txu grês moz cik hâur côngv thôngx pox nhuôk tsuv tsưv ziv uô iz cxiê heik kriê đrav kaz:

          - Zôngv yuôx phongx, đêx hur yax six nzuôr tês;

          - Pok kror ndâux, kror njưk thâuv nôngk lok sik cxuz;

          - Uô vêv xênhz tsêr nhoz, tsêr cơưv, qơư uô côngz xưv…taz por hur đu

          - Vêv xênhz kror ndâux, kror njưk, chax pak hâur niêx hnuz

          - Tsi njiz thiêz nhoz jê nênhs moz lok sik njuôs xav trâus moz.

          - Tsi chiv chir zuôr yuôx lok kho moz hâur tsêr thâuv tsi tâu tâu cán bộ y tế heik kriê;

          - Thâuv têx chuôz zis pov muôx lênhx nênhs njuôs xav trâus moz Bạch hầu tsuv ciêr chênhr chox ciês muk qơư y tế chiê tâu heik kriê thiêz kho moz gôngr phênhv muôz siêz tsơưr lươngv luz nênhx trâu tsôngv box têx mênhx cxưx sâuv thax tsav tỉnh Sơn La./.

Hồng Việt-Txâur Vax cxeik nhênhv