Ntu “Krêz cêr Trường Sơn muk tir ntâuk tros châuz” nhoz trơưr hâur lênhx lính Trường Sơn li siêz tsi plox

Đros bộ đội lâuk Lê Hồng Đĩnh, têx shông khưr krêz cêr Trường Sơn chiê muk tir ntâuk tros châuz thâuv tưs cux nhoz trơưr hâur zơưv siêz tsi plox.

          Txix xã Toàn Thắng, huyện Kim Động, tỉnh Hưng Yên, shông 1967, thâuv cơưv tiêr lớp 10, lơưr Hloz Hôx li luk hu lơưs tas nro tsôngv box sơưr cêr muk tir ntâuk tros châuz, zơưv Đĩnh uô ntơưr thor muk uô bộ đội thiêz tâu lok Sư đoàn Bộ binh 308 kriê cxaz tơưv txênhz ntơưv Vĩnh Tường, Vĩnh Phúc. Xiêz 4 Tsiêz shông 1968, đoàn quân uô ntêx nyuôk 308 krêz jiês krêz cêr Trường Sơn muk faz Nam tir ntâuk tros. Zơưv thiêz đồng đội iz lênhx iz luz hnaz hnhar 35-38 cir muôx cxur, fov, hlâu, yuôx cxuô zav muk yênhx hnuz hmo 2,3 châuv cei cêr tsi pâuz liv, tsuôk xar njôngr muk tir ntâuk tros châuz chơưv paz têz qơưk. Đhâu zuôr xar 4 luz hlik muk tsi so, Tiểu đoàn 320 tưz muk txos Quảng Trị. Quảng Trị zos thax tsav qơư lok six coaz tsôngv hâur jiês tir ntâuk tros châuz Mỹ, zos qơư cêv kuôk 2 thax tsav faz Nam thiêz faz Bắc txix thâuv cir Hiệp định Giơnevơ. Hâur jiês tơưv txênhz cheix ntux yiêz-ntux sor shông 1972 mak Quảng Trị zos tỉnh xuz thơưx tâu tiêx tul. Đros zênhx liv no pêz zuôv Mỹ tsuv thôngx ziv đros têx điều khoản zos pêz thix ziv đhâu jiês sik thav Paris thiêz Thành cổ Quảng Trị zos thax tsav qơư Mỹ sir jos tror txênhz cov tâu chiê tax tâu têx liv zix hâur Phêv ziv Paris: “Xuz thơưx Mỹ-Ngụy zôngv fov tuô, ntâuk pêz bộ đội txix sâuv ar txos hâur têx kror ar tsir gâuv. Đhâu co, Mỹ tror zôngv yêz za leiv bôngk ruôr hiêv tas têx kror ar, tso tsơưr tưx da cam, bôngk na pan chiê hlơưr tas nro tsôngv box”

          Shông 1972, Mỹ tror sir jos ntâuk ntơưv Quảng Trị lok six zov chênhr. Zơưv Đĩnh ndo tiv zix zos hnuz 15/4/1972, Mỹ leiv bôngk ntâu zov chênhr lok trâu Quảng Trị chiê ruôr hiêv pêz bộ đội li têx kror ar. Zơưv Đĩnh li tiểu đoàn 320 pheiz uô têx saz chiê sir jos tơưv txênhz txix 4 six sơưr nzor tas 3 six zar hnuz keix, txơưv lưx lươngv muôx ntâu lênhx nênhs trâus saz trâus tuôs, taz sik pêz bộ đội cux truôx siêz tuôr truôx thành Quảng Trị. Jiês tsav txênhz co, zơưv Đĩnh trâus saz hnhar thiêz tâu cêr nanv lok hâur Đảng ciês sâuv qơư tsav txênhz: “Đhâu jiês tsav txênhz tsi so txix 4 six tas cik txos 3 six zar hnuz keix, pa pâus tuô tsuôv tav za cxuô qơư, Mỹ tsuv khiêr gâuv. Thâuv co, đồng chí chính trị viên đại đội sơưr ntơưv trôngx kror ar thiêz côngz fur: Đồng chí Lê Hồng Đĩnh txix nhiv no yênhx lênhx đảng viên. Cur lok six jông siêz, puôs ciês nưs thiêz kuôx. Co zos ntu mak cur ndo njôngr hâur siêz tsi plox”.

          Đhâu shông 1972, zơưv Đĩnh đros taz viv tror muk paz trâu qơư tsav txênhz Thừa Thiên Huế txos hnuz tas nro thax tsav faz Nam tâu tiêx tul lok shông 1975. Phưx vưv hâur quân ngũ txos shông 1979, zơưv Lê Hồng Đĩnh hlôngr lok uô côngz xưv ntơưv Sở zaoz thôngz, vênhv teiv Sơn La thiêz so lâuk lơưr chế độ txix shông 1990.

          Zos lính Trường Sơn muôx ntu sir jos muk tir ntâuk tros, thâuv tror lok tsêr, zơưv Đĩnh lok xar lok six ntâu thâuv pov zuk thiêz têx ntâu lênhx đồng đội luz nênhx lok six txov nhêv. Đros iz lênhx lính li chinhz yênhx, shông 1994, zơưv đros iz cxiê lênhx đồng đội kuz gôngr nhiêx txiêx yênhx lix Tuêv sik hux jos Vênhv teiv Thương binh 30/4 lok yêz vênhv teiv thâux kruô, muôz hâux lưv uô trâu ntâu lênhx thương binh thiêz lơưr li tuz nhuôk. Txix chor pênhr nhiêx xuz thơưx, đhâu 20 shông ntâu, HTX- nhiv no zos Công ty CP thương binh 30/4 tưz muôx pênhr huôx tôngv ndê txos yênhx puôk tỷ đeiv, muôz hâux lưv uô thiêz phênhv sâu truôx trâu zuôr xar 50 lênhx nênhs lox tôngv. Lơưr zơưv Dương Xuân Trường, Chủ tịch Hội thôngz xor mông Trường Sơn, cêr Hồ Chí Minh tỉnh Sơn La: Zơưv Lê Hồng Đĩnh txơưv nhiv no tsi cxaz chuôz huôx tôngv muôv muôs, taz sik tsênhv sir jos cxaz chuôz têx huôx tôngv xã hội nhoz tiv phaz, nhoz hâur Hội, thâuv tưs cux moz siêz txos đồng đội thiêz têz qơưk txix têx huôx tôngv uô tsênhv tsênhz: “Zơưv thâuv tưs cux zos pêz têx bộ đội Trường Sơn li iz đeiv iêr chi cax lus. Tas nro Hội Trường Sơn 2,3 puôk lênhx thâuv heik txos zơưv Đĩnh lênhx tưs cux lok six seiz tâus. Zơưv truôx siêz tơưv txênhz, muôx siêz xar tơưv jông hâur uô cxuô côngz xưv, huôv tsar uô nox nhoz tiv phaz. Pêz thâuv tưs cux sik đros cxiv tsa têz qơưk, nôngx cxênhz yiêz nhoz qơư pêz nhoz uô nênhx”.

          78 shông hnuz nhôngs, 50 shông ntâu nhoz hâur Đảng, thương binh hov II Lê Hồng Đĩnh tưz tâu Đảng, têz qơưk khơưk muôz Huân chương kháng chiến tir ntâuk Mỹ chơưv têz qơưk hov 2, Huy chương chiến sĩ vẻ vang hov 1, Huy hiệu “Viv hâux lưv cxiv tsa thiêz huôv tsar Sơn La”, bê “Doanh nhân Việt Nam uô lơưr Hloz Hôx luk heik kriê”, đros têx cấp li ntâu ntơưr kruôk. Đros zơưv: Tâu yênhx iz lênhx lính Trường Sơn tiêv tiêv zos iz kror cur lok six txưv haox thiêz jông siêz./.

Bích Thủy-Txâur Vax cxeik nhênhv

Du lịch Điện Biên huôv tsar txix vênhx huôv ntơưv qơư

Du lịch Điện Biên hlôngr yiêz txix ciês têx hli hâur shôngk shông 2026 thâuv hâur 3 luz hli hâur shôngk shông, thax tsav qơư tok xar muôx 550.000 lênhx kruô, ndê xar muôx 30% pir li shông uô ntêx. Muôx tâu li no zos thax tsav qơư tưz hlôngr yiêz tsưr ziv uô du lịch, txix tsuôk zos huôv tsar chor qơư di tích lịch sử ntâuk tros châuz Điện Biên Phủ trâu nriêr pâuz têx vênhx huôv, paz muôx tâu têx zav du lịch jông thiêz côngv thôngx 19 mênhx cxưx chênhr zos kror zov chênhr hâur huôv tsar.

Ntơưv xar Thanh Yên, ntênhk hôiv Khăm bản – tsôngv box Lào li hôiv ntor đêx nhiv kruôr tâu tsưr tsix tưz tsik zos huôx tôngv tín ngưỡng thâuv hâur shôngk shông, mak tsênhv jux juk tâu tsưr tsix trơưk uô cov jông đuô, đros piêr pâuz lok du lịch. Ntênhk hôiv tror muôx tas nro cxuô kror trơưk cxôngx nzor li thor muôx luz nênhx jông, khi xor trâu chax đaz têk, txi côngv đaz đêx… zos têx kror puz pâuz tsênhz txos côngv thôngx luz nênhx. Iz chas co zos chor huôx tôngv nriêr pâuz li: chêix fuôx sik tưr sâuv đêx Nậm Núa, qơư piêr pâuz têx hax huv jông, têx zav uô si cxôngx nzor… paz muôx ntâu huôx tôngv jông, zaz zâuv tsôngv kruô nhoz so ntêr hnuz đuô chiê sêiz shuôk, nriêr pâuz. Niêv tix Nguyễn Thị Nguyệt, nhoz phường Điện Biên Phủ, tỉnh Điện Biên hêik pâuz: “Jiês xuz thơưx pâuz thiêz tuôx cxaz chuôz ntênhk hôiv ntor đêx nhoz Thanh Yên, txơưv cêr muôx njil lax muk lok thiêz đêz taz sik tuôx dưv mak pov lok six shir phaz viv lov jêv thiêz pov tiêk ntênhk hôiv no tâu tsưr tsix tsik so mak pox nhuôs zuôr muôx tâu qơư uô si chiê tuôr tsês tsôngv box Lào têx vênhx huôv jông”.

Hok ntơưv phường Mường Lay – qơư muôx tsôngv box Thái đơưz nhoz trơưk tuk đêx Đas têx vênhx huôv, tsưr ziv uô du lịch côngv thôngx tsênhv puz pov uô tâu truôx jông. Chor tsêr lơưx cxôngx nzor tưz tsik zos qơư nhoz, mak tsênhv zos yênhx qơư nhoz so, chuôz zis chor pluôs nox zos yênhx chor jiês nriêr pâuz txos têx zav nox kaz; đhiê pax vuôs xòe, phongx cxưx cxôngx nzor zos yênhx têx vênhx huôv phưx vưv trâu tsôngv kruô. Pêx xênhv đros uô ciês du lịch tưz paz muôx tâu phênhv sâu truôx tuk, đros co zos cxơưz cxiz sir jos tuôr tsês têx vênhx huôv jông hâur côngv thôngx.

Niêv tix Lò Huyện Giang, nhoz jok Chi Luông 1, phường Mường Lay, tỉnh Điện Biên hêik pâuz: “Thâuv cxaz chuôz uô du lịch côngv thôngx, cur đros chuôz zis tưz muôx tâu phênhv sâu truôx txix têx dịch vuv li: tok kruô, uô jâuz mor nox thiêz hêik pâuz têx hax huv muôx ntơưv thax tsav qơư. Iz chas co, cur tsênhv cơưv tâu nzir ntâu tsưr ziv, txux chi tok kruô, uô dịch vụ. Txix co paz trâu cur shir phaz đuô thâuv tâu đros tuôr tsês, piêr pâuz zuk mênhx cxưx têx vênhx huôv jông  txos trâu têx fôngx zưs hâur thiêz đrâuv tez qơưk pâuz txos”.

Tix lâus Lường Văn Muôn, Tsar jok du lịch côngv thôngx Phiêng Lơi, phường Điện Biên Phủ, tỉnh Điên Biên puz pâuz: Tsôngv box Thái chor zav nox cxôngx nzor, tiv zix zos chor zav nox cxiêz tsênhv tâu pox nhuôs hâur jok uô yênhx têx hax huv kaz jông, paz gra siêz tsơưr lươngv dịch vuv, paz zaz zâuv chor kruô du lịch nhoz so ntêr đuô chiê nox thiêz nriêr pâuz: “Hâur jok tsênhv sir jos uô lok six jông lok tsôngv box Thái chor zav nox. Tiv zix zos pêz uô jông têx zav nox cxiêz trâu tsôngv kruô nox. Phênhv ntâu chor kruô tuôx txos hâur jok mak puôr lênhx lok six nhiêv nox”.

Zơưv Trần Hải Hà, Qênhx Giám đốc Sở Vênhx huôv, Thể thao thiêz Du lịch tỉnh Điện Biên puz pâuz: Iz hâur têx kror hlôngr yiêz hâur uô du lịch nhiv no zos hlôngr têx huôx tôngv, xor xưv vênhx huôv txix ntơưv tsênhv qơư lok trâu hâur têx jêx jok: “Hâur tsưr tsix chor xor xưv lok vênhx huôv, pêz zuôr tsưr tsix ntâu đuô ntơưv têx jêx jok du lịch côngv thôngx, jok vênhx huôv chiê paz trâu chor jêx jok du lịch côngv thôngx, jok vênhx huôv, chor tsưr Homestay piêr pâuz lok du lịch thiêz huôv tsar tâu du lịch ciês ntơưv zuk jêx jok. Thâuv chor kruô tuôx ntơưv no, lơưr zuôr tâu nriêr pâuz lok vêx huôv, têx zav nox, paz trâu chor kruô nhiêv txos đuô”.

19 mênhx cxưx uô nênhx nhoz sâuv thax tsav tỉnh Điện Biên puôr lênhx muôx tâu têx tsiv gri vênhx huôv jông sik txơưr. Thâuv têx tsiv gri no tâu phuôx huiz, tưz tsik zos muôx tâu têx hax huv jông, mak tsênhv paz cxiv tsa tâu côngz bê lok qơư tuôx ndis shuôk, uô si, nriêr pâuz; đhâu co, paz cxơưz cxiz trâu nganhx du lịch huôv tsar tâu truôx đrênhk./.

Vũ Lợi-Lik Thox cxêik nhênhv