Hli 3 nhoz ntus đriv Lai Châu

Muôx 1 hecta ntâu têz chos poz cưk, kok ntông ntâu shông sâu tsi tâu chêx cuk jông, shông 2022, chuôz zis zơưv Lý A Nghị, nhoz jos Pô Tô, xã Huổi Luông, huyện Phong Thổ, tỉnh Lai Châu tưz hlôngr chos kriêr đax. No zos trâur nuv Chi đoàn zênhx pênhz phax Huổi Luông thiêz đoanx hluôk nênhs tiv phaz paz txưv lơưr tsaz yênhx têz qơưk cxuôv cêr yeiz pluôs. Đhâu 1 shông chos, chuôz zis li têz chos kriêr đax tưz sâu tâu muôx nhos 15 tênhr kriêr đax nhôngs: “Tâu chính quyênx tiv phaz, bộ đội pênhz phax tsov cưv, chox têx tsiêx cxu, têx nongz tsoz chos lok pox nhuôs chos thiêz tsoz phưz. Txos nhiv no pox nhuôk li kinh têr lok six jông, paz pox nhuôk muôx phênhv sâu lox. Khov co pox nhuôk luz nênhx ngaz tul đuô”.

          Xã ntus đriv Huổi Luông, huyện Phong Thổ nhiv no muôx 21 jos đros zuôr xar 8 cxênhz lênhx nênhs, phênhv ntâu zos tsôngv box Hà Nhì, Cho, Hmôngz nhoz uô nênhx. Têx shôngk đhâu, txix têx phênhv pênhr paz txưv, lưx lươngv pênhz phax tưz côngv đros chính quyênx tiv phaz thiêz têx lưx lươngv sâuv thax tsav krêz uô yênhx puôk trâur nuv tsêz chos, tu zus chox lok chêx cuk siêz. Thiếu tá Nguyễn Hữu Kiểm, chính trị viên Zênhx pênhz phax Huổi Luông, huyện Phong Thổ puz pâuz: “Chi đoàn Zênhx pênhz phax Huổi Luông tưz krêz uô iz cxiê huôx tôngv li zar hnuz keix hnuz thứ 4 thiêz thứ 6 yênhx ciêz, cán bộ đoàn viên Zênhx pênhz phax ho muk txiêr pâuz hâu trâu mê nhuôk shux xênhz 3 luz tsêr cơưv thiêz krêz uô trâur nuv “vax jâuz hur trâu mê nhuôk””.

          Nhiv kruôr jê ntơưv no, đoanx hluôk nênhs bộ đội pênhz phax tỉnh Lai Châu thiêz thành đoàn thành phố Vĩnh Yên, tỉnh Vĩnh Phúc tưz sik côngv tsưr tsix tsaz yênhx “Hli 3 ntus đriv” shông 2023 ntơưv Huổi Luông. No zos huôx tôngv chiê uô phongz yaox “Cur nhiêv cur têz qơưk” zos Trung ương Hội liên hiệp hluôk nênhs VN krêz uô. Têx cán bộ, đoàn viên tưz sik đros cxaz chuôz ntâu huôx tôngv tsênhv tsênhz, muôx ziz njiêz, tso pov siêz nhiêv têz nhiêv qơư, hluôk nênhs li txơưx jênhv đros hâux lưv por vêv tsưr qênhx, txiv ngaz ntus đriv têz qơưk. Đại tá Lê Công Thành, Phưv chính ủy Bộ đội pênhz phax Lai Châu puz pâuz: “Six hơưv no, đoàn hluôk nênhs bộ chỉ huiz bộ đội pênhz phax tỉnh cux tưz sik côngv tsưr tsix tsaz yênhx “Hli 3 ntus đriv” đros lok six ntâu huôx tôngv muôx ziz njiêz, chiê zaoz zux cêr chax chês đoanx hluok nênhs CSHCM, zaoz zux cêr nhiêv têz nhiêv qơư trâu hluôk nênhs. Tiv zix zos zaoz zux trâu hluôk nênhs hâux lưv por vêv tsưr qênhx têz qơưk, txiv ngaz ntus đriv hâur qênhx shênhx yiêz”.

          Têx huôx tôngv nox nhoz xã hội, paz mê nhuôk muôx luz nênhx txov nhêv, chuôz zis chính sách tsi muôx qơư khov vav; paz tsôngv box sâu kôngz lôngk….nhiv no tsênhv tâu uô sâuv têx jêx jos ntus đriv Lai Châu. Hluôk nênhs li têx hâux lưv uô muôx ziz njiêz tsênhv tsênhz co zuôr gôngr phênhv coaz tsôngv paz tsôngv box tiv phaz cxuôv yeiz thiv pluôk, cux xưk li cxiv tsa cêr sik côngv siêz hâur tsôngv box nhoz ntus đriv ziv truôx tul./.

Khắc Kiên-Txâur Vax cxeik nhênhv

Kriê tsoz phưz đas jos trâu têx lênhx pox niêv đhâu fêik xênhz zus mê nhuôv tas

1.Tu luz kror cxaz fêis mê nhuôv:

Hâur ciêz xuz thơưx đhâu fêis tas, luz kror cxaz cux tsi tâu kruôr, viv li chor cưk yuôx paz lênhx pox niêv xênhz zus mê nhuôv zuôr tu tus niêv, vêv xênhz, nzuôr luz kror cxaz co, muôz têx yuôx trâu nox, plênhr cov tsi huôv uô moz lox, tsik chiê o vôngk. Chor yuôx no tsi uô ruôr hiêv li chas txos lênhx niêv têx cuô mik. Hnuz tiv 3 muôx têx đơưk kror ntâuz krưr kror cxaz chiê cov kruôr jux juk. Lênhx niêv tsik uô đêx ntuz kror qơư fêik. Nzênh ciêz tiv 2, cưk yuôx zuôr txiêr xor đhâu 5 hnuz zos tiêk fêis mê nhuôv jiês xuz thơưx; đhâu 7-8 hnuz li tâu txiêr xor zos tiêk fêis mê nhuôv jiês tiv 2 tror zar sâuv. Chor xor xơưs kror cxaz co zos xor chiv chir lưx thiêz zax mak tsi tas txiêr xor. Ntu no tsuv muôz đêx sor lok so iz chêr, zos đa đêx mak tsuv đa cov sei, tsi tâu đa ntêr, kror cxaz thiêx tsi cxav đêx. Tsi tâu muôz lưv zav yuôx uz no lok plênhr luz kror cxaz.

2.Têx jâuz mor nox:

Chor pox niêv xênhz zus mê nhuôv đhâu fêis li heik sâuv tsi tâu nox đaz tsi hlo hâur 6 luz six hơưv đhâu fêis tas. Tsuôk hâuk đêx nyiêz, đêx cuô suz thax njêr, nox cuô đik tax txos thâuv tso tâu pâuk li tâu nox têx jâuz mor uz no. Tsi tâu zôngv ntâu suz thax njêr, têx zav nox txix tâuv pâur, viv têx zav li co zôngx ziv uô trâu tiz nênhs nqi plaz, tsav plaz. Têx li tơưv tsi tâu trôngx, nqi plaz khênhr muôx yưv đhâu fêis tas txix 3-5 hnuz tiv cxax têx yuôx lôngk, viv li tsuv hâuk ntâu đêx.

Txix hnuz tiv 2 tror zar sâuv, mak nox hâuk li cxiê hnuz, nox ntâu têx zav paz đas jos, canxi, iz chas co hâuk ntâu đêx chiê muôx mik trâu mê nhuôv nox. Tsi tâu nox têx zav nox uô trơưk plaz lok sik uô xuô.

Lênhx niêv tsuv nox têx zav muôx ntâu tsơưr pưr paz đas jos, cxaz nyar, jâuz tâuv hâu siêr jông….. Hok têx lênhx niêv grêix tsi yuô jông, zôngx ziv chơưk mak tsi tâu nox têx li: Grêix keiz, grêix nhux, shuôz njêl, jâuz hmaz kok liêz.

3.Muk lol, nhoz so huv đros:

Muk lol uô têx nuv siz đhâu xênhz zus mê nhuôv tas, txơưv moz  kror qơư fêik, taz sik cux tsuv sir jos, tsi cxoz nhoz pư ntâu sâuv txax. Đhâu thâuv hlê tas txox hluô tso cuô phax sir, tso jik, lênhx niêv muôx têx max mav grêk mul lok trâu iz ndis têx qơư co. Uô ntêx ntơư zos max mav sơưr jâuv. Uô li heik sâuv zuôr uô trâu iz chêr nxênh, lênhx nênhs muôx jos jux juk thiêz plaz hnhur tsi siz lo đhâu fêis tas.

Uô thể dục lok six jông trâu đas jos thiêz cxiz iz chêr  muôx jos sei, muk lol tâus đhâu xênhz zus mê nhuôv. Taz sik zos lênhx niêv tưs fêis mê nhuôv mak cux tsuv pôngz nhos 4-6 ciêz li muôx têx khax jux juk, muk lol tâuk li kuz./.

(KT Bệnh viện đa khoa Quốc tế-Riê Lâux cxeik, nhênhv)