Sir jos tror kho đuô thax tsav chos jâuz ntơưv Yên Bái

            “Nhiv no tsik pâuz uô đaz tsi chiê cxơưx trâu luz nênhx. Muôx têx chuôz zis xar nox yôngz cok cux nox tsik tâu viv hu sơưr đơưk lok cux tsik muôx nhiêx tuôx đros nox yôngz, viv tsik muôx đaz tsi muôs tâu nhiêx”.

             Co zos pox nhuôs ntơưv thax tsav chos jâuz nhoz xar Tuy Lộc, thành phố Yên Bái, tỉnh Yên Bái hêik pâuz đhâu trâus đêx ngaz xar muôx iz ciêz tiv coz chuô sôr 3, đêx ngaz tas px têx vax tsêr thiêz tas nro thax tsav chos jâuz tưz zuôr jông sâu muôs cux trâus puôk tsuôx tas. Khov trâu muôx yar ntux, chor cuô ar zuôr piz kruôr tơưr, pos Nguyễn Thị Thu Hải-iz chuôz zis nhoz hâur xar đros chor nênhs hâur chuôz zis tror ndơưk oz sào ar têz jâuz nhoz têx qơư siêz đuô chiê tror chos đuô jâuz, đros siêz xar oz pêz hli zuôr txos zuôr muôx tâu jâuz nox; hok chiê muôx tâu têx jâuz muôs li ntu thâuv tsik tâu trâus đêx ngaz mak pos cux tsik tâu xar txos: “Pêx xênhv nhiv no mak txov nhêv hênhr. Têx cuô ar đros suôz jêz trâus cuôr lok cxuz ar têz tas uô trâu chor têz kâuz, nhiv no chos jâuz mak cux tsik pâuz shor jông li chak, zos hmôngr jông mak zuôr uô tâu nox”.

             Đrâuv têx cuô ar suôz jêz, vuôz tsuôz trâus cuôr lok cxuz tas têx ar têz jâuz, nhiv no têx cưx đêx liv tok đêx lok trâu têx têz jâuz cux trâus puôk tsuôx thiêz trâus ar cxuz tas. Ntâu tuk cưx đêx liv thâuv ntêx no zênhx tâu uô siêz đuô têx ar têz chiê zôngx ziv trâu zôngv đêx zưs trâu tsoz chos nhiv no mak kik đuô têx ar têz co muôx oz pêz đok, tiv chor ar têz trâus ar cxuz pur siêz đuô lơưv. Chênhr viv li, txơưv sir jos kho đuô iz cxiê thax tsav ar têz chos têx jâuz, taz sik đêx zưs trâu chor jâuz mak cux lax nriêr tâu. Pos Bùi Thị Thanh-iz chuôz zis nhoz hâur xar puz pâuz: “Nhiv no đêx ngaz uô ar cxuz tas têx cưx đêx liv lơưv tsik muôx cưx chiê gruk đêx lok zưs trâu chor jâuz. Lok six vav tiêk têz qơưk zuôr paz kho đuô têx cưx đêx liv, paz zuz nôngz, qir zuôv trâu pox nhuôs”.

             Tas nro xar Tuy Lộc, thành phố Yên Bái nhiv no muôx zuôr xar 100 héc ta ar têz chos jâuz muôs trâu ciêz đrôngs thành phố Yên Bái thiêz têx thax tsav iz ndis. Cxuô zav jâuz, txir, kok đrâuv chos thiêz uô lơưr tsưr ziv jâuz ngaz tuk, thâuv muôs trâu ciêz đrôngs tsênhv tâu lo chiv ntơưr nriêr pâuz qơư chos chiê nênhs sir zôngv zôngv ziv nriêr pâuz tâu xor mông. Jiês đêx ngaz cuôr nhiv kruôr đhâu, tas nro 100% thax tsav chos jâuz hâur xar tưz trâus ruôr hiêv, ntâu ziv chuôz zis trâus ruôr hiêv tas sâu tsik tâu. Chủ tịch Ủy ban xar Tuy Lộc-zơưv Nguyễn Anh Tuấn puz pâuz: “Tas nro chor blêx liêx, jâuz tâuv thiêz ziv chuôz zis, taz viv tu zus ntâu puôr lênhx trâus ruôr hiêv tas hur si, uô phiv liv ntâu txos pêx xênhv luz nênhx thiêz phênhv sâu. Nhiv no chor ar cxuz lok six siêz, tas nro chor cưx đêx liv nhoz kik đuô têx ar têz, ar nông siêz, chor ar têz nhoz kik tsênhv tror uô tsik tâu nox. Pêz xav jênhv mak zuôr truz ntêr txos tas shông 2025 thiêx zuôr tror kho đuô tâu têx ar têz chiê tror uô nox jông xưk li kuz”.

            Thôngz sâu hâur tas nro tỉnh, Yên Bái muôx 7 cxênhz ntâu héc ta tsoz chos trâus coz chuô sôr 3 ruôr hiêv, phênhv ntâu zos blêx, poz cưk thiêz jâuz tâuv. Chiê paz trâu pêx xênhv tror uô tâu nox đhâu trâus đêx ngaz cuôr, Bôv Kôngz nuv thiêz Huôv tsar jêx jok tox siêz tưz muôx têx paz xuz thơưx lok zuz nôngz blêx, poz cưk, jâuz tâuv, ntâuz ntơưr kriê tror uô nox… Thiêz đhâu jiês cơưv tiv 19, Hôiv đôngx tỉnh Yên Bái nhiv kruôr no, tưz muôx têx sêiz lax thiêz tso tơưv tsênhv chêi paz trâu uô kôngz nuv lơưr chuôz ndê phênhv paz trâu pêx xênhv. No zos têx kror zov chênhr chiê pêx xênhv Tuy Lộc, TP Yên Bái cux li pêx xênhv hâur tỉnh Yên Bái tror kho đuô tâu uô nox, sêi đrơưv tror truôx tuk luz nênhx đhâu trâus đêx ngaz cuôr ruôr hiêv./.

Thừa Xuân-Lik Thox cxêik nhênhv

Phêv liv hâux lưv cxax yuôx phax moz nhoz Na Cô Sa

          Thâuv hnuz tưz keix, têx chuôz zis tưz qir tơưk tênhz, co cux zos thâuv têx cán bộ y tế nhoz xã ntus đriv Na Cô Sa, huyện Nậm Pồ, tỉnh Điện Biên qir muk têx jêx jos. Đros lơưr muk muôx Chủ tịch UB UBMTTQ xã- Cháng A Chinh. Luz hli tưs, uô ntêx thâuv txos jiês cxax yuôx phax moz cux zos têx jiês muk yax mông vênhv tôngv uô ntêx. Iz jiês muk, puôr lênhx chính quyênx xã, jêx jos cxaz chuôz chiê heik kriê paz pox nhuôk zôngx ziv to tâuz đuô thiêz thôngx ziv uô trơưk. Zơưv Cháng A Chinh, Chủ tịch UBMTTQ xã Na Cô Sa, huyện Nậm Pồ heik: “Thax tsav xã muôx ntâu lâuk jos, tsar jos, têx lênhx txir ndâux txir luk, pêz zuôr sik côngv đros têx đồng chí co chiê chuôz tsar uô côngz xưv yax mông”

          Yuôr zơưv Zax A Lếnh, Phưv Chủ tịch UB xã Na Cô Sa, huyện Nậm Pồ mak pheiz kênh, fênhx yax, sâuv thax tsav muôx qơư nhoz jông, tsôngv box li jênhv pâuz siêz mak zuôr chiv chir cxaz chuôz têx tsaz yênhx cxax yuôx phax moz krêz đar, taz por qênhx liv trâu zuk têx mê nhuôk. Taz sik, nhoz Na Cô Sa, hâux lưv no mak phênhv ntâu tsi muôx: “Đros thax tsv qơư, pox nhuôk phênhv ntâu zos mênhx cxưx Hmôngz, cux muôx pox nhuôk cxax yuôx phax moz. Thâuv cxax yuôx pov uô cuz lok sik gênhs gênhs mak têx lênhx uô niêv tsi car cxaz chuôz côngz xưv cxax yuôx phax moz lơưv thiêz. Đros cấp ủy chính quyênx tiv phaz li sik côngv, thâuv muôx tsưr ziv cxax yuôx zuôr sik côngv đros têx lưx lươngv, cán bộ y tế, têx ban nganhx đoanx thêv muk yax mông chiê pox nhuôk yax six, yênhx luz hli, 6 luz hli lok sik lơưr yênhx shông sâuv tas nro têx jêx jos sâuv thax tsav xã”

          Txơưv tưz muôx ntâu sir jos, taz sik Na Cô Sa cux tâu seiz zos qơư phêv liv hâur côngz xưv cxax yuôx phax moz nhoz tỉnh Điện Biên, lênhx nênhs cxax yuôx tax fênhx pheiz 20%, muôx têx thâuv tax 37-38%. Chiê hlôngr yiêz qênhx shênhx no, đrâuv côngz xưv yax mông, vênhv tôngv mak nhiv no cxax đrâuv qơư y tế, cxax nzir zos têx tsưr ziv tsênhv tâu lưx lươngv y tế sir jos krêz uô. Y sĩ Lò Văn Thỏa, Tsar trạm y tế xã Na Cô Sa, huyện Nậm Pồ, tỉnh Điện Biên pheiz kênh: “Trạm y tế krêz uô hâux lưv cxax yuôx phax moz ntơưv 11 jêx jos, muôx 1 qơư ntơưv trạm, 10 qơư cxax ntơưv jos. Cán bộ y tế zuôr muk txos yênhx jêx jos chiê cxax, jos tưs phêv liv mak muk txos yênhx ziv chuôz zis chiê vênhv tôngv chox mê nhuôk tuôx cxax yuôx phax moz cxix cxuô”

          Txơưv tsêr nhoz jê trạm y tế, taz sik đros ntâu lik zơưx, niêv lâuk Phàng Thị Nủ, nhoz jos Huổi Thủng 1 cux tsi tâu chox mê nhuôk muk cxax yuôx trơưk six hơưv cui tênhv. Đhâu qênhz yuôx, têx lênhx nênhs xưk li niêv lâuk Nủ, cán bộ trạm ho muk txos ciês tsêr chiê cxax yuôx trâu mê nhuôk, cov taz por six hơưv cui tênhv. Niêv lâuk Phàng Thị Nủ heik: “Muôx ntâu lênhx mê nhuôk muk cxax yuôx lok pov uô cuz, taz sik bác sĩ heik kriê tsưr ziv tsoz phưz đhâu thâuv cxax yuôx lơưv viv li cur cux tsi cxơưx luôx tưs”

          Qơư y tế Na Cô Sa nhiv no muôx 6 lênhx cán bộ, hâur co jênh số tas nro xã muôx 6 cxênhz 700 lênhx nênhs, nhoz uô nênhx ntơưv 11 jêx jos, 90% ntâu tsôngv box muk lơưr vax tsưr. Thax tsav ar nxaz, hâux lưv ntâu,  taz sik đros chinhz yênhx, txơưx jênhv, têx cán bộ y tế nhoz no cux truôx siêz uô hâux lưv, sir jos hâur niêx hnuz. Luz hli tưs, têx jiês cxax yuôx phax moz cux tâu tsưr tsix đros têx phêv liv thâuv muk yax mông vênhv tôngv tsôngv box chox mê nhuôk tuôx cxax yuôx phax moz gênhk trơưk six hơưv./.

Vũ Lợi-Txâur Vax cxeik nhênhv