Điện Biên cxơưz tiês cêr chax chês chiê huôv tsar lênhx nênhs cxaz chuôz BHXH, BHYT

   Ciês đhâu luz hlik vênhv tôngv krêz uô BHXH tas nro tsôngv box, cêr chax chês vênhv tôngv tsôngv box cxaz chuôz BHXH txưv zênhv, BHYT ziv chuôz zis, BHXH tỉnh Điện Biên thiêz têx taz viv cir ntơưr sik côngv li têx cán bộ tưz muk têx tiv phaz chiê yax mông uô têx chính sách cux xưk li kror coaz tsôngv thâuv cxaz chuôz BHXH txưv zênhv hâur luz nênhx. Tix lâuk Nguyễn Trung Kiên, Cán bộ BHXH tỉnh Điện Biên puz pâuz:

          “Pêz yax mông, pheiz kênh thiêz chox txos tsôngv box têx chế độ tsênhv tsênhz tiv zix thâuv cxaz chuôz BHXH txưv zênhv lok chế độ tsênhv zos thâuv so lâuk thiêz tâu tas siv nênhx. Paz tsôngv box pâuz tsênhv têx chêr độ tsov cưv phưx vưv trâu nox nhoz xã hội, paz tsôngv box muôx phênhv sâu truôx tul thâuv txos ntu lâuk thiêz txu grês têx phêv liv trâu tuz nhuôk”

          Zos iz hâur têx taz viv tâu BHXH tỉnh Điện Biên cir ntơưr krêz uô hâux lưv tsưr tsix jix vuv sâu nhiêx BHXH, Chi nhánh Bưu chính Viettel tỉnh Điện Biên tưz sir jos yax mông têx chính sách bảo hiểm txos tsôngv box. Zơưv Phạm Ngọc Dũng, Phưv giám đốc Chi nhánh Bưu chính Viettel Điện Biên puz pâuz, taz viv tưz uô uô cê hâux lưv yax mông đhâu têx huôx tôngv tsoz phưz tsôngv kruô, heik kriê đhâu thôngz xor mông, ntâuz ntơưr sâuv thax tsav tsôngv box nhoz uô nênhx. Thôngx cxix, cxơưz tiês zôngv công nghệ thôngz xor mông hâur côngz xưv yax mông, vênhv tôngv ndar txos tsưr ziv huôv tsar, krêz đar lênhx nênhs cxaz chuôz BHXH, BHYT sâuv thax tsav:

          “Hâur shôngk shông 2024, pêz tưz cir hôx thôngx đros BHXH thiêz đhâu co thâuv cir hôx thôngx mak tưz krêz uô hâux lưv xa lênhx nênhs muk tsưr tsix têx lớp thox cxov, kriê cxaz trâu têx qơư muôs BHXH. Pêz jênhv pâuz no zos côngz xưv đrâuv muôv muôs BH tsênhv chox têx liv zix trâu tsôngv box thâuv taz por qênhx liv trâu nênhs lox tôngv”

          Lơưr zơưv Cao Văn Long, Phưv giám đốc BHXH tỉnh Điện Biên, txos tas hli 4 shông no, nênhs cxaz chuôz BHXH sâuv thax tsav tax 15% ntâu, hâur co nênhs cxaz chuôz BHXH zuôr trâus zos muôx nhos 40 cxênhz lênhx, nênhs cxaz chuôz BHXH txưv zênhv zos 13 cxênhz lênhx. No zos số laov tsênhv kis pir đros tas nro têz qơưk. Qir tiv phênhv ntâu zos tiv chor ziv chuôz zis pluôk, chuôz zis zuôr xar pluôk nhoz hâur tỉnh siêz, ntâu chuôz zis tsi muôx kinh têr chiê cxaz chuôz BHXH, iz pưv phênhv mak tsi tâu jênhv pâuz trơưk, cxix cxuô lok hâux lưv cxaz chuôz BHXH txưv zênhv, BHYT….li liv zix chox lok viv li tsi tâu cxaz chuôz.

          Chiê cxơưz tiês hâux lưv huôv tsar lênhx nênhs cxaz chuôz BHXH, BHYT, BHXH tỉnh Điện Biên tsênhv sir jos krêz uô uô cê ntâu tsưr ziv, hâur co muôx hâux lưv cxơưz tiês uô Phêv izv jiês tiv 7 BCH TW khóa 12 li Nghị quyết số 28 hnuz 23/5/2018 lok hlôngr yiêz chính sách BHXH, tsưr ziv txos shông 2025 lênhx nênhs cxaz chuôz BHXH txưv zênhv, BHXH zuôr trâus tax 45% thiêz txos shông 2030 zos 60%.

          “ Lơưr chinhz yênhx Nghị quyết 28 shông 2025 muôx 45% nênhs cxaz chuôz BHXH zuôr trâus mak têx lênhx nênhs cxaz chuôz tsênhv kis. Đros co pêz truôx siêz yax mông txos tsôngv box, doanh nghiệp, têx cxênhx nênhs xã hội pâuz têx chỉ thị, nghị quyết, txix co pov tâu chính sách jông chiê cxaz chuôz taz por nox nhoz xã hội. Đros chinhz yênhx co pêz truôx siêz krêz uô têx chính sách txos tsôngv box chiê tsôngv box tâu sơưv têx chế độ thâuv tas hnuz nhôngs uô lox tôngv”.

          BHXH zos Chính phuv li chính sách nox nhoz chiê tsoz phưz đas jos, taz por phênhv sâu trâu tsôngv box cxaz chuôz thâuv môngr tsi jông trâus moz gênhs, xênhz zus nhuôk, thâuv txos ntu lâuk…Iz lênhx lênhx sđ tsuv sir jos cxaz chuôz BHXH, BHYT txix ciês nhiv no viv zuk thiêz chuôz zis li luz nênhx truôx tul./.

(Vũ Lợi- Txâur Vax cxeik nhênhv)