Moz kror muôs liêz hâur tsêr cơưv ntơưr nhoz Lào Cai

   Thôngz sâu txix nganhx y tế tiv phaz, xav txos nhiv no, tas nro tỉnh Lào Cai muôx 24 qơư muôx moz huôv xênhz đros zuôr xar 900 lênhx nênhs trâus moz kror muôs liêz hâur tsêr cơưv ntơưr. Moz kror muôs liêz pov muôx yưv txix đraz hli 9, huôv xênhz sei thiêz njuôs xav tsi tâu tir tar tâu.

          Muôx têx taz viv li Tsêr cơưv cxênhx iz Lê Văn Tám (TP Lào Cai) thiêz tsêr cơưv cxênhx iz số 2 Phú Nhuận (huyện Bảo Thắng) thôngz sâu tưz pov 150 ntâu lênhx trâus moz kror muôs liêz.   Pos Trần Thị Thùy Dung, Tsar phongx zaoz zux TP Lào Cai puz pâuz, têx shux xênhz trâus moz kror muôs liêz hnhar, muôx cán bộ y tế heik kriê tsuv so ntơưr nhoz tsêr chiê kho moz. Ntơưv phêv ziv lok taz por txiv ngaz, taz por hâur tsêr cơưv ntơưr nhiv kruôr tsưr tsix, Phongx zaoz zux Thành phố cux chêx chôngk chox kriê lok njiêz luv no:“Nhiv no têx qơư y tế tsênhv sik côngv đros têx tsêr cơưv đros cán bộ y tế tsêr cơưv seiz car moz hâur niêx hnuz. Đrâuv co, tas nro tsênhv sik côngv đros chuôz zis chiê têx lênhx nênhs qir pov trâus moz mak muôx tsưr ziv phax tar ciês”

          Lơưr bác sĩ Nguyễn Ngọc Nam, Tsar khoa kror muôs- tsêr kho moz đa khoa tỉnh Lào Cai, moz kror muôs liêz zos tiv caz moz siz cik. Nênhs njuôs xav trâus moz uô ntêx tsuv muk qơư y tế seiz njuôs chiê muôx tsưr ziv kho moz huv đros; tsi chiv chir zuôr yuôx lok plênhr thiêx tsik uô moz hnhar:  “Đros têx lênhx tsi tâu trâus moz, thâuv muk hâur côngv thôngx tsuv chox đeiv bos kror ndâux, chox tsov iêr, jav đêz lênhx nênhs trâus moz kror muôs liêz thiêz tsi chêx chôngk chôngz lênhx nênhs hâur ntu moz huôv xênhz”./.

                                                              An Kiên-Txâur Vax cxeik nhênhv

Nênhs gruôs, uô tâu hâux lưv jông

Nênhs muôx suôz bê nhoz Sơn La: Hêik pêx xênhv njênhs, pêx xênhv uô trơưk

Muôx 10 ntâu shông đhâu, zơưv Lò Văn Sán, nhoz jok Boong Xanh, xar Chiềng Pằn, huyện Yên Châu, tỉnh Sơn La zos nênhs muôx suôz bê ntơưv thax tsav qơư nhoz tưz tsik so hêik têx tuz nhuôs đros pêx xênhv sir jos huôv tsar kinh têr ziv chuôz zis, sir zôngv khoa học kỹ thuật trâu uô nox, paz gra siêz phênhv sâu, txo grêk yêiz pluôs. Lơưr zơưv Sán, chiê hêik “pêx xênhv njênhs, pêx xênhv uô trơưk”, zơưv tưz hlôngr đuô thax tsav ar têz đaz tuôs chiê chos chor zav tsoz chos muôx tsiv gri kinh têr siêz đuô. Txos nhiv no zơưv chuôz zis muôx 3 héc ta txir lưv tsiz sôngz, txir mo môngk thiêz tu zus tsiêx cxu, paz muôx phênhv sâu truôx txix 200-300 triệu đêiv iz shông:“Uô ntêx nênhs muôx suôz bê tsuv uô ntêx hlo hâur chuôz zis, lơưr co zos jêx jok; chuôz zis tsuv uô jông lơưr Đảng, Têz qơưk têx cêr chêi, uô lơưr têx chêi hâur jêx jok. Hâur chor jiês cơưv tsuv sir jos yax kriê lok têx cêr chêi chiê pêx xênhv pâuz uô trơưk, cxaz chuôz đros tôv đơưk tu tu têx txuz siz pênhr, siz txênhz, siz char tsik so muôx yưv, sir jos yax kriê trâu chor chuôz zis huôv tsar kinh têr, taz por ngaz tuk côx phax”.

Zos cxênhx nênhs pâuz txos zuk mênhx cxưx têx vênhx huôv, chor nênhs muôx suôz bê nhoz Sơn La tsik so xar, nriêr tsưr ziv tuôr tsês chiê têx vênhx huôv jông trâu cxênhx nênhs tov ntêx no. Zơưv Lò Văn Xiêng, nênhs muôx suôz bê nhoz jok Tát Ướt, xar Liệp Tè, huyện Thuận Châu puz pâuz, zơưv tsik so sir jos yax kriê, hêik pêx xênhv tso tsês têx phongx cxưx pôngz kaz, uô lơưr luz nênhx vênhx huôv hâur nox yôngz cok, uô đaz uô kruô thiêz ntênhk hôiv, cxiv tsa luz nênhx jông ntơưv thax tsav qơư nhoz:“Cur zos nênhs muôx suôz bê hâur jok, cur tsik so hêik têx tuz nhuôs tsik cxoz chiê zuk mênhx cxưx têx vênhx huôv trâus pôngz plox; kror tưs jông xưk li uô đaz uô kruô, têx phongx cxưx jông mak tsik cxoz tso tsês; cur tsik so hêik pox nhuôs thiêz têx tuz nhuôs tuôr tsês chiê jông zuk mênhx cxưx têx vênhx huôv, phongx cxưx jông, zuôr hêik têx tuz nhuôs cov uô jông lơưr Đảng, Têz qơưk têx cêr chêi”.  

Tỉnh Sơn La nhiv no muôx zuôr xar 3.000 lênhx lâul jok, tsar jok, nênhs muôx suôz bê. Tâu cxuô cấp, cxuô nganhx ntơưv qơư thiêz chor nênhs muôx suôz bê yax kriê, pêx xênhv jux juk gra siêz jênhv pâuz, sir jos cxaz chuôz cxiv tsa thiêz huôv tsar thax tsav qơư nhoz. Zơưv Kha Mạnh Sâm, Phưv Trưởng ban Thường trực, Ban Dân vận Tỉnh ủy Sơn La hêik pâuz:“Chor nênhs muôx suôz bê, lâuk jok, tsar jok nhoz chor jêx jok, xar tsik so tâu tsov cưv txos txix uô lơưr chinhr phuv, tỉnh li têx cêr chêi xưk li muôz tsik zuôr nhiêx txiêx têx pov chir; tsưr tsix sêiz nus tsik so; tsưr tsix trâu lâul jok, tsar jok, nênhs muôx suôz bê cxaz chuôz cơưv shâuv chênhz zênhv chiê đhâu co gra siêz jênhv pâuz trâu lơưr, paz cxuô têx xor mông chiê chor nênhs no uô côngz xưv yax kriê, hêik pox nhuôs, têx tuz nhuôs cov tâu jông đuô”.

Sơn La tsênhv muôx têx hlôngr yiêz ntâu, jux juk zos yênhx qơư muôx ntau zav txir ntông, tsênhv qơư uô têx hax huv kôngz nuv nhoz thax tsav Tây Bắc thiêz tas nro têz qơưk; chor chuôz zis pluôs tas nro tỉnh nhiv no tsuôk yuôr tsơưs đuô 20%. Lơưr zơưv Kha Mạnh Sâm, uô tâu li no zos muôx chor nênhs muôx suôz bê li têx gôngr côngv tsik tsơưs. Lơưr tsênhv tsênhz zos chor nênhs uô ntêx hlo trâu pêx xênhv cơưv shâuv thiêz uô trơưk./.

Trấn Long-Lik Thox cxêik nhênhv