Thủ tướng Phạm Minh Chính: Huôv tsar kôngz nuv tsuv khov txos lênhx nênhs nhoz tiv phaz

          Hâur zuôr xar 4 six hơưv Thủ tướng chính phuv Phạm Minh Chính đros pox nhuôs nôngx mênhx tas nro têz qơưk thav, sâuv chinhz yênhx muôx txơưx jênhv, heik tơưv tsênhz mênhx, lênhx nênhs sơưr thơưx Chính phuv thiêz hlôngr njêx muôk têx Bộ, nganhx Trung ương tưz sâu jênhv, têz tsênhz mênhx pox nhuôs li têx luk nus. Têx luk nus puôr lênhx zos chôngz tsôngv box nôngx mênhx VN li têx siêz xar njôngr, lok têx vênhv thix li grê chuôz zênhx kôngz nuv, nôngz tsoz chos, tsiêx tu zus, krâur phưx vưv tu zus chuôz ndê siêz; vênhv thix phêv liv hâur pênhr tsiv uô kôngz nuv; vênhv thix seiz car ar têz; huôv tsar cơ sở cxuô zav; cơ chế, chính sách paz trâu huỗ tsar kôngz nuv li txeik pênhr, thox cxov hâux lưv uô trâu lox tôngv nôngx cxênhz. Cxaz chuôz hâur jiês thav no, zơưv Trần Như Kiên, Giám đốc HTX kôngz nuv Phương Nam, huyện Yên Châu, tỉnh Sơn La pheiz kênh:“Cur lok six jông siêz đros Thủ tướng li luk têz, Thủ tướng chox kriê têx bộ, nganhx tsuv muôx iz tsêr meir chiếu xạ nhoz faz Bắc, chiê txu grês grê, txu grês têx pênhr yưv trâu nôngx mênhx. No zos pêz li siêz xar njôngr. Pêz uô tsâus txos Thủ tướng lok six ntâu”

          Đros cxaz chuôz Phêv ziv sik thav, niêv lâuk Chảo Thị Yến, huyện Bát Xát, tỉnh Lào Cai heik: “Hnuz no cur muôx iz luk nus Thủ tướng, muôx lênhx coaz txos hâux lưv hluôk nênhs nhoz kuz têz kuz qơư chiê huôv tsar uô nox. Cur pov no zos iz jiês sik thav muôx ziz njiêz. Pêz li têx siêz xar njôngr tưz tâu Thủ tướng, têx Bộ, nganhx têz thiêz muôx tsưr ziv car chêx tsênhz mênhx”.

          Phêv ziv cux tsês six hơưv chiê Thủ tướng thav đros têx HTX, têx doanh nghiệp huôx tôngv hâur vênhv thix kôngz nuv, nôngx cxênhz; têx chuyên gia, lênhx nênhs khoa học. No cux zos iz kror yiêz hâur phêv ziv jiês no.

          Hâur ntu sik thav, Thủ tướng Phạm Minh Chính pheiz kênh đros pox nhuôs nôngx mênhx thiêz nganhx kôngz nuv têx phêv liv nhiv no, đhâu jiês moz Covid-19 huôv xênhz, jiês Nga-Ucraina siz ntâuk tsav, nhiêx txiêx pôngz grê sâuv tas nro ntiêx têz.

          Thủ tướng heik mênhx, pêz tsuv cxiv tsa kinh têr heik cxuô thiêz kinh têr kôngz nuv heik taz taz por, chiv chir huôv tsar taz sik cux tsuv chuv tôngv sik côngv đêz đar, tsênhz mênhx thiêz muôx chêx cuk. Viv 2 hâur lưv no muôx cêr sik côngv truôx.

          Taz sik, đros thiêz sik côngv, hâur iz ntiêx têz li nhiv no mak têx luôk hâux lưv muôx yưv uô zênhr shar txos phênhv ntâu zos tas nro ntiêx têz; cux viv li mak phêv liv no tas ho txos phêv liv txơưr. Thủ tướng tsov cưv, pêz tsuv tuiv flu taz sik coaz tsôngv tiv zix zos tsuv max mav nriêr tsưr ziv chiê car chêx têx phêv liv. Thủ tướng cux cxơưz cxiz hâux lưv chiv chir sir jos chiê huôv tsar, tiv zix zos txix lênhx nênhs zos tsênhv. Taz sik cux tsuv tsov cưv txos têx đas jos txix saz đrâuv. Kôngz nuv zos hâur pâus paz kinh têr huôv tsar, hâur co nôngx mênhx zos lênhx nênhs tsênhv tsuv sik côngv siêz, thôngx ziv thiêz sik côngv jông hâur tas nro têx cấp nganhx thiêz pox nhuôs:“Đros chinhz yênhx tsênhz mênhx, cêr moz siêz, cur tror heik đuô thiêz tiêk jiês sik thav hnuz no car chêx tsi tâu tas iz huôv têx vênhv thix. Vênhv thix pheiz cấp, pheiz qênhx, têx tul tsi zos têx cấp mak têx cấp sir jos chuv tôngv car chêx. Thiêz tsôngv box nôngx mênhx tror gôngr ziv chênhv, siêz xar. Phêv liv mak tưz pov lơưv, taz sik tsưr ziv uô mak tsuv uô li chas cov hla đhâu tâu phêv liv, tsi zos tsuôk heik tơưv phêv liv thiêz tso tsês ntơưv co. Iz lênhx nênhs tsuv muôx txơưx jênhv chiê car chêx phêv liv, uô tas zuk li txơưx jênhv, sir tas đas jos uô thiêx zos kror coaz tsôngv tiv zix”./.

(VOVTB-Txâur Vax cxeik nhênhv)