Mặt trận Têz qơưk cxuô cấp sir jos uô jông côngz xưv ngaz tuk xar hôiv

Tsêiz no, niêv tix Tăng Thị Sô Banh nhoz jok Bưng Triết, xar Liêu Tú, huyện Trần Đề lok six shir phaz thâuv tâu Mặt trận têz qơưk xar paz uô iz luz tsêr niêv côngv siêz, paz râu chuôz zis muôx qơư nhoz truôx jông. Đrâuv tâu paz lok tsêr nhoz, niêv tix Sô Banh tsênhv tâu canr bôv mặt trận tsik so tuôx hêik chuôz zis sir jos khưr, huôv tsar uô nox, jux juk hlôngr yiêz đuô luz nênhx:

“Muôx tsêr nhoz lơưv mak zuk pov luz nênhx cux truôx đuô lơưv. Txơuv tiêk zuk tsênhv txov nhêv lok txos tsêr cux muôx tsêr nhoz lơưv. Iz kror pov lok six shir phaz thiêz thâuv tâu thax tsav qơư sir jos paz trâu zuk, tsik so khơưk muôz hax huv trâu chor nênhs pluôs. No zos kror paz trâu zuk muôx luz nênhx shir phaz đuô, sir jos uô nox đuô”.

Ciês ntơưv xar Liêu Tú, txix tỉnh, huyện thiêz Mặt trận têz qơưk Việt Nam xar li têx nhiêx txiêx paz, shông nhiv kruôr đhâu, muôx 51 luz tsêr niêv côngv siêz tâu cxiv uô chiê paz trâu chor chuôz zis txov nhêv ntơưv thax tsav qơư, nhiêx txiêx uô cux tas muôx 2,6 tiv đêiv ntâu. Pos Hà Ngân Kim Tới, Chủ tịch Mặt trận têz qơưk Việt Nam xar Liêu Tú, puz pâuz:

“Zuk muk hêik sơưr đơưk mak phênhv ntâu zos uô têx luôs hâux lưv lok cxiv tsa jêx jok yiêz. Zuk tsưr tsix yênhx têx đoàn, uô ntêx zuôr muk mak bax cov cxix cxuô cxuô zav chiê hêik trâu pox nhuôs pâuz mak mav li muk. Zuk muk trâu yênhx jêx jok, muk thav thiêz mnôngs ciêx pox nhuôs siêz xar”.

Hok ntơưv huyện Châu Thành, hâur shông đhâu Mặt trận têz qơưk Việt Nam cxuô cấp tưz hêik sơưr đơưk paz trâu Cuiv “Viv nênhx pluôs” tâu muôx 500 triệu đêiv ntâu. Txix Cuiv “Viv nênhs pluôs” thiêz tỉnh li têx paz, Mặt trận têz qơưk Việt Nam cxuô cấp hâur huyện tưz paz kho đuô thiêz cxiv tsa yiêz 244 luz tsêr niêv côngv siêz trâu ziv chuôz zis pluôs, chuôz zis muôx luz nênhx txov nhêv lok tsêr nhoz. Zơưv Sơn Che, nhoz jok An Trạch, xar An Hiệp, huyện Châu Thành, njiê oz lênhx nhuôs xênhz nzưr tsik muôx txir tâu paz tsêr niêv côngv siêz nhoz mak lok six shir phaz, puz pâuz:

“Thâuv ntêx no luz nênhx lok six txov nhêv, txir muk uô hâux lưv ntơưv Bình Dương trâus txiêz nanv thiêz trâus tuôs lơưv, tsês oz lênhx mê nhuôv, tsik muôx tsêr nhoz truôx, ntux lok nas mak xâu nas, đêx ho pur tuôx thiêz. Nhiv no, tâu Đảng, Têz qơưk paz uô iz luz tsêr yiêz jông trâu nhoz. Đảng, Têz qơưk paz li co mak cur lok six jông siêz, shir phaz hênhr”.

Tsuôk xav ciês hâur tsêiz no, Mặt trận Têz qơưk cxuô cấp tỉnh Sóc Trăng tưz sik côngv đros chor đoanx thêv chinhr triv-xar hôiv thiêz tsưr tsix thành viên kho đuô, cxiv uô yiêz tsêr nhoz; njuôk, kho moz, muôz yuôx tsik zuôr nhiêx txiêx; paz hax huv; muôz học bổng… đros tas nro tsiv gri muôx 156 tiv đêiv ntâu. Hêik sơưr đơưk paz tâu muôx 56.239 kror hax huv trâu chor chuôz zis tâu sơưv tsênhv chêi, nênhs pluôs, nhuôs zâu muôx luz nênhx txov nhêv, nênhs lâul nhoz iz lênhx, phênhv tưs paz trâu nênhs pluôs sâuv thax tsav tỉnh muôx tâu tsêr nhoz truôx jông.

Hâur shông nhiv kruôr đhâu, Cuiv “Viv nênhs pluôs” cxuô cấp tỉnh txêik jênhv muôx 185 tiv đêiv ntâu thiêz txêik jênhv cxuô zav muôz xav txix nhiêx txiêx zos 46 tiv đêiv ntâu. Đhâu co, paz cxiv uô yiêz xar muôx 3.500 luz tsêr, kho đuô 2 luz tsêr niêv côngv siêz trâu chor chuôz zis muôx luz nênhx txov nhêv lok tsêr nhoz sâuv thax tsav tỉnh. Pos Bùi Mỹ Thuận, Trưởng Ban Dân vận, Chủ tịch Ủy ban Mặt trận Têz qơưk Việt Nam huyện Châu Thành, puz pâuz:

“Uô jông côngz xưv hêik sơưr đơưk paz, yax kriê txix ntâu tsưr ziv chiê pêx xênhv pâuz tâu têx xor mông tsuv yax kriê. Uô têx phongz yaox sik tưr, chor cxiv vênhv tôngv zos mặt trận têz qơưk sêiz car thiêz thax tsav qơư tso tơưv kriz uô thiêz tas nro côngv thôngx sik côngv đros uô chiê sik đros huôv tsar kinh têr, đơưk kho têx hâux lưv hâur xar hôiv, cxiv tsa jêx jok yiêz, đô thị vav mênhx, txo grêk yêiz pluôs truôx đrênhk”.

Đros muôx mặt trận Têz qơưk cxuô cấp li têx gôngr côngv, côngz xưv ngaz tuk xar hôiv ntơưv Sóc Trăng tưz uô tâu ntâu kror jông. Chor chuôz zis pluôs, zuôr xar pluôs thiêz chor nênhs tâu sơưv tsênhv chêi paz luz nênhx tâu hlôngr yiêz jux juk, ntâu ziv chuôz zis pluôs tưz sir jos chiê hla đhâu yêiz pluôs truôx đrênhk, chor jêx jok, thax tsav nhoz đêz tox siêz cux hlôngr yiêz lok six ntâu./.

VOV4-Lik Thox cxêik nhênhv

Qơư jông chiê nênhs trâus moz cxuô zav moz ka tuôx seiz njuôs thiêz kho moz nhoz Sơn La

           Niêv lâuk Quàng Thị Tiêng nhoz jos Lù, xã Chiềng Lương, huyện Mai Sơn, Sơn La moz o txiê Basedow thiêz tso jis kaz jiz zuôr xar 2 shông no. Txix thâuv trâus moz, luz hli tưs niêv lâuk cux muk tsêr kho moz Nội tiết tỉnh Sơn La chiê tâu seiz njuôs, heik kriê thiêz zuôr yuôx lok kho moz.

          “Hâur cxuô jiês tuôx seiz njuôs thiêz kho moz ntơưv tsêr kho moz no cur pov têx y bác sĩ nhoz no lok six jông siêz, cur truôx siêz chơưv kho moz ntơưv no”

          Chiê phưx vưv luôs hâux lưv seiz njuôs thiêz kho moz trâu nênhs moz sâuv thax tsav tỉnh, tsêr kho moz Nội tiết tỉnh Sơn La tưz tâu yưv pênhr cxiv tsa đar jông đuô đros muôx 120 luz txax trâu nênhs moz pư, ntâu chuôz zênhx yiêz li meir sinh hóa, meir liv nyar, meir njuôs siv cuô jis, seiz njuôs plơưr, máy sêiz tsov cxuô zav moz….Đhâu co tưz paz chôngz nênhs moz tuôx seiz njuôs thiêz kho moz tâu zos đrêiv tsưr ziv siêz xar,  paz phênhv txu grês têx moz hnhar…

          Pos Lò Thị Điện, nhoz jos Khiếng, xã Chiềng Chăn, huyện Mai Sơn tsênhv kho moz ntơưv tsêr kho moz no puz pâuz:

          “Cur nhoz tsêr tês tơư yênh yênh tsi muôx jos, tuôx ntơưv no seiz njuôs bác sỹ hêik pâuz tiêk trâus moz nội tiết thiêz tso jis kaz jiz, viv li cur nhoz no kho moz. Tâu têx bác sĩ tsoz phưz jông, cur pov muôx đas jos jux juk”.

          Chungz fênhx iz hnuz Tsêr kho moz Nội tiết tỉnh Sơn La tos 150 lênhx nênhs moz tuôx seiz njuôs thiêz kho moz. Đrâuv têx lênhx nênhs trâus moz tso jis kaz jiz, muôx ntâu lênhx trâus siz mêx siêz, tsêr kho moz tsuv ciêr chênhr chơưv kho moz, tsi chiê trâus moz hnhar nzir.

          Txix hâur shôngk shông txos nhiv no, tsêr kho moz tưz seiz njuôs thiêz kho moz trâu 22 cxênhz ntâu lênhx nênhs moz, hâur co, muôx zuôr xar 2 cxênhz lênhx moz tuôx nhoz hâur tsêr  kho moz chiê chơưv kho. Bác sĩ Lê Thị Thu Hường, Phó khoa seiz njuôs, tsêr kho moz Nội tiết tỉnh Sơn La puz pâuz, zos tỉnh tox siêz, nênhs moz tuôx seiz njuôs thiêz kho moz phênhv ntâu zos tsôngv box mênhx cxưx tsơưs nênhs, txux chi kik; viv li, hâur iz jiês lênhx nênhs moz kho jông moz thiêz tâu tso muk tsêr, têx bác sĩ puôr lênhx heik kriê tsưr ziv nox hâuk, xênhz huôx hâur niêx hnuz….chiê nênhs moz muôx jông đas jos, tsik chiê muôx yưv moz hnhar nzir:

          “Nênhs moz nội tiết tsuv nox hâuk cov huv đros, tsik hâuk chơưr, bia, tsik hâuk zênhz gaz ntơưr thiêz tsuv nox cxaz nzir jâuz, cxuô zav txir ntông”.

          “Nênhs moz kho moz ntơưv tsêr kho moz, phênhv ntâu nênhs moz cux txu grês nox têx zav hmôngr. Tiv 2 zos nox ntâu jâuz, txir ntông thiêz tsi hâuk chơưr, bia, cà phê thiêz zênhz caz ntơưr”

          Bác sĩ Hứa Thị Thu Hằng, Phưv giám đốc Tsêr kho moz puz pâuz:

          “Iz cxiê nênhs moz pêz kho moz ntơưv no zos moz sâur yar ndê siêz, tso jis kaz jiz, tiv zix zos moz tso jis kaz jiz uô huôv moz hnhar uô hlê tơưr, o vôngs xiz tơư… Tiv zix, têx moz muôx lênhx coaz txos ka mak pêz tưz sir jos chơưv kho tsik chiê nênhs moz muk trâu têx tsêr kho moz thênhv siêz”.

          Bác sĩ Hằng cux puz pâuz, têx nhênhz chơưv tso pov, nênhs moz têx zav moz lok ka muôx muôx nhos 30%, hâur co zos chor nênhs muôx txix 18-65 shông, nênhs moz chuôz ndê lơưr hov hnuz nhôngs thiêz pox niêv khênhr njiz trâus đuô. Têx zav moz ka tsi yuô tâu tsov cưv txos chiê njuôs siv zos 20-60% hâur tas nro têx lênhx nênhs trâus moz, uô hâux lưv seiz njuôs thiêz kho moz ziv phêv liv đuô; ntâu lênhx thâuv tưz hlôngr trâu ntu moz hnhar thiêx li pâuz.

          Chênhr viv li, thâuv njuôs xav trâus têx zav moz muôx lênhx coaz txos ka, pox nhuôk tsuv muk seiz njuôs đas jos ziv nzor ziv jông, viv tsênhz mênhx, têx zav moz ka zos tâu qênhz pov thiêz chơưv kho nzor cux zuôr kho tâu jông moz./.

                                       (Thu Thùy-Txâur vax cxeik nhênhv)