Yên Bái kriz uô ntâu tsưr ziv por vêv nhuôs zâu txix ciês hâur chêix so sor

Ciês thâuv zuôr piz so sor, Phòng Zoz zux huyện Lục Yên tưz chox kriê têx taz viv tsêr cơưv ntơưr sâuv thax tsav sir jos yax kriê chiê gra siêz jênhv pâuz trâu canr bôv, cưk kriê ntơưr, shux xênhz thiêz shux xênhz niêv txir lok txiêz nanv trâus saz, tiv zix zos trâus pôngz đêx hâur cheix ntux sor. Ntâu luz tsêr cơưv tsênhv tsưr tsix kriê uô luôv đêx trâu chor cưk kriê ntơưr hâur tsêr cơưv, chiê tsưr tsix kriê uô luôv đêx trâu chor shux xênhz nhoz yênhx thax tsav qơư. Pos Đinh Thị Giang, phưv Trưởng phòng Zoz zux huyện Lục Yên, tỉnh Yên Bái puz pâuz:“Zuôr txos six hơưv so sor, phòng tưz chox kriê têx taz viv tsêr cơưv ntơưr đhâu chor jiês ngoại khóa, tổng kết shông cơưv yax kriê chiê shux xênhz niêv txir pâuz tsênhz đuô txos hâux lưv sêiz jor chor shux xênhz hâur chêix so sor. Hêik chor cưk kriê ntơưr sêiz car têx lớp hêik chor shux xênhz thâuv so sor tsuv phax tar jông txiêz nav trâus saz, tiv zix zos thâuv muk ndis shuôk, uô si…”

Xar Tô Mậu, huyện Lục Yên nhoz iz saz ntus đêx Chảy, viv li, pêx xênhv luz nênhx yênhx hnuz tsuv uô nênhx nhoz đros tuk đêx Chảy no.  Hli 2 nhiv kruôr đhâu, ntơưv xar tưz muôx yưv txuz txiêz nanv trâus pôngz đêx, uô oz lênhx nhuôs trâus tuôs. Chiê chuôz cxaz têx tsưr ziv taz por ngaz tuk trâu chor nhuôs zâu, tiv zix zos hâur chêix so sor, hâu nov xar tưz kriz uô têx tsưr ziv phax tar trâus pôngz đêx, txiêz nanv trâus saz txos tas nro têx jêx jok. Thôngx cxix sir jos yax kriê txos chor uô niêv, uô txir, nênhs tsoz phưz, tu zus chor nhuôs zâu pâuz tsuv sêiz jor jông chor nhuôs zâu. Zơưv Hoàng Khí Phách, Phưv Chủ tịch Ủy ban xar Tô Mậu, huyện Lục Yên puz pâuz:“Têx shông đhâu côngz xưv phax tar txiêz nanv trâus saz thiêz trâus pôngz đêx trâu chor nhuôs zâu tsik so tâu xar sir jos uô jông, taz sik cux tsênhv muôx yưv chor nhuôs zâu trâus pôngz đêx. Đros qênhx shênhx co, xar tưz xav jênhv phax tar trâus pôngz đêx thiêz txiêz nanv trâus saz trâu chor nhuôs zâu zos iz hâur têx jênhv vưv tsênhv njiêz, txix co cxiv tsa tsưr ziv thiêz jênhv vưv tsênhv tsênhz, chox kriê canr bôv, công chức xar sir jos uô jông côngz xưv yax kriê; thôngx cxix nriêr pâuz têx qơư phiv liv chiê muôx tsưr ziv phax tar”.

Txix muôx cxuô cấp, cxuô nganhx đros uô thiêz txix têx txuz txiêz nanv pôngz đêx, chor uô niêv uô txir cux tưz sir jos uô jông đuô hâux lưv por vêv trâu zuk têx tuz nhuôs hâur chêix so sor. Taz sik lơưr thôngz sâu hâur 3 shông tror lok no, sâuv thax tsav huyện Lục Yên tưz muôx 11 lênhx nhuôs zâu trâus tuôs tiv trâus pôngz đêx. Ciês chor hli hâur shôngk shông no, ntơưv thax tsav qơư muôx 2 lênhx nhuôs zâu trâus tuôs tiv trâus pôngz đêx. Pos Hoàng Thị Thủy, Trưởng phòng Lox tôngv-Saz pênhz thiêz Xar hôiv huyện Lục Yên puz pâuz:“Huyện chox kriê uô truôx jông Ban por vêv chor nhuôs zâu thiêz Chor nênhs uô hâux lưv por vêv nhuôs zâu cấp xar. Chuôz cxaz uô côngz xưv sik côngv liên nganhx. Chor jêx jok sik côngv uô jông phax tar txiêz nanv trâus saz thiêz trâus pôngz đêx trâu chor nhuôs zâu ntơưv chor jiês cơưv, têx lớp thiêz đhâu cxiv luôs loa nta suôz ntơưv thax tsav qơư. Hêik pâuz lok têx qir tiv uô trâu chor nhuôs zâu trâus pôngz đê. Chuôz cxaz phax tar txiêz nanv trâus saz trâu chor nhuôs zâu xưk li txiêz nanv zoz thôngz, ntos, trâus cuz hnhiêz, trâus tưx, trâus tênhv gruk…”

Txơưv cxuô cấp, cxuô nganhx thiêz thax tsav qơư tưz sir jos kriz uô ntâu tsưr ziv; taz sik chor nênhs por vêv tâu jông tiv zix trâu chor nhuôs zâu chênhr zos chor uô niêv uô txir, nênhs tsoz phưz, tu zus chor nhuôs zâu. Cxuô ziv chuôz zis tsuv sir jos tsoz phưz, cux xưk li uô jông sêiz jor zuk têx mê nhuôv cov taz por trâu chor mê nhuôv muôx tâu iz chêix so sor ngaz tuk thiêz muôx liv jông trâu chor nhuôs./.

                                                                  Thừa Xuân-Lik Thox cxêik nhênhv

Nênhs Hà Nhì li lênhx lâul jok uô ntêx nyuôs hâur cxuô luôs hâux lưv

Ndêx cxok kuôk cêv đriv têz 3 luz têz qơưk Việt Nam-Lol Tsuôk-Trung Quốc tâu cxiv uô txix shông 2005. Cêr muk lol trâu tus ndêx cxok kuôk cêv đriv têz co tưz lok six sưv đros đảng viên Lỳ Xuyến Phù, côngv thôngx heir nênhs Hà Nhì nhoz no lênhx txir ndâux txir luk. 65 shông taz sik zơưv Phù tưz muôx 40 ntâu shông đros chor tuz lênhv Pênhz phax uô luôs hâux lưv qênhz shuôs, tsưx phưv đriv têz, têz qơưk. Zơưv Phù heik:“Sik thôngx siêz, siz paz uô hâux lưv qênhz shuôs tsi so, tsưx phưv jông têx ndêx cxok kuôk cêv đriv têz, chiê thâuv tưs cux tsưx phưv tâu truôx tuk ntus đriv. Sir jos por hưv têx ndêx co chiê tsôngv pêx xênhv pâuz tsênhz lol zuk li txơưx jênhv, hâux lưv đros chor tuz lênhv pênhz phax lês uô, ciês iz zav li cur, lâul nênhs nưk cux muôx nưk txơưx jênhv, hâux lưv”.

Tâu muk ndis seiz ntâu qơư, pov đêz pov đar, tâu cơưv shâuv têx tsưr ziv jênh vênhv, pâuz tâu ntâu tus cêr huôv tsar uô nox, lâul jok Lỳ Xuyến Phù tưz tror lol heik, kriê tsôngv cưr tix nênhx tsa sơưr đơưk hâur jok cơưv shâuv, uô trơưk. Đhâu têx jiês cơưv jêx jok, zos chuôz zis tưs tsi tâu pâuz tsênhz, pâuz cxuô mak zơưv Phù zuôr muk yênhx chuôz zis chiê kriê lơưr pâuz mênhx lok ndêx cxok kuôk cêv đriv têz, ntus đriv li têx jông thiêz muôx liv:“Yax kriê trâu pêx xênhv, pêz tsuv kriê lok sâuv tsưx phưv ntus đriv trâu sơưr đơưk, zuk lâul taz sik lul heik tsi lâul, tsuv heik, yax kriê trâu têx tuz nhuôs, no zos chor txir ndâux txir luk li hâux lưv”.

          Xã Sín Thầu muôx 40 ntâu cêik cêr đriv têz, 16 tus ndêx cxok kuôk cêv ntus đriv, hur tiz si kror tưs zơưv Phù cux muk txos. Zơưv têx cêr sik hux jos, đros uô nuv qênhz shuôs đriv têz tưz lok six sưv đros chor tuz lênhv pênhz phax A Pa Chải. Thiếu tá Hạnh A Minh, canr bôv Zênhx Pênhz phax A Pa Chải heik:“Thâuv hux jos đros chor lâul jok, tsar jok uô hâux lưv pêz cux tưz cơưv tâu lok six ntâu tsưr ziv hâur qênhz yuôx, qênhz shuôs đriv têz cux iz zav li xav tinhv cêr muk lol hâur har jôngr”.

Thiếu tá Đoàn Thanh Tuấn, Chính trị viên Zênhx Pênhz phax A Pa Chải, tuz lênhv Pênhz phax tỉnh Điện Biên heik pâuz: Tsi tiêk sir jos đros qênhz yuôx shuôs têx đriv têz, lâul jok Lỳ Xuyến Phù tsênhv zos lênhx uô ntêx nyuôs hâur cxuô phôngz yaox sik tưr huôv tsar uô nox uô hnar, cxuz cêr yeiz pluôs ntơưv qơư. Iz chas uô bluô nux trâu chuôz zis, zơưv tsênhv moz siêz paz ntâu lênhx nênhs pluôs hâur xã muôx nzir pênhr, zuz nôngz  tsoz chos, tsiêx tu zus chiê huôv tsar kinh tế. Cơưv shâuv thiêz uô trơưk zơưv, nênhs Hà Nhì nhoz Sín Thầu puôr lênhx sir jos sik tưr uô nox uô hâuk, cxuz cêr yeiz pluôs:“Têx lênhx lâul jok, tsar jok, txir ndâux txir luk nhoz thax tsav faz Tây pêz têz qơưk zos chor đảng viên nhoz hâur Đảng ntâu shông, uô ntêx nyuôs huôv tsar uô nox uô hnar; zos tsov iêr chi cax trâu sơưr đơưk cơưv shâuv, uô trơưk; zos têx lênhx moz siêz đros tuz lênhv pênhz phax tsưx phưv truôx tuk thax tsav ntus đriv”.

Khov chor lâul jok, tsar jok li têx sir jos đros paz, txos nhiv no 100% chuôz zis hâur xã Sín Thầu puôr lênhx chiv chir đas cir đros tsưx phưv ntus đriv, têx ndêx cxok kuôk cêv đriv têz, taz por jêx jok nox nhoz njiês to. Cux txix co tsôngv pêx xênhv thax tsav ntus đriv tưz gra siêz tsưr ziv nhiêv têz qơưk, đros chênhr phax tir thêir têx tsi jông thiêz gra siêz pêx xênhv tsưr ziv đros cxiv tsa thiêz tsưx phưv truôx têz qơưk hâur ntu nhiv no./.

                                                                     Vũ Lợi-Riê Lâux cxeik, nhênhv