Tsôngv box…! txos xiêz 2/9 niêx shông, tsôngv box Tây Bắc ho siz zâuv  lov jêv ntưk tuôx trâu tox siêz Mộc Châu chiê uô si. Hâur têx hnuz no, huyện Mộc Châu tưz tsưr tsix ntâu txux chi vênhx huôv, thêv thao nthuôr uô si lov jêv trâu sđ seiz hơưv tok hnuz xiêz 2/9.

Ntơưv tox siêz Mộc Châu, cêr shir phaz lov jêv tok xiêz 2/9 tsênhv tsưr tsix uô si lov jêv ntưk. Tix lâus Cứ A Thống, heir nênhs Hmôngz nhoz xã Tân Lập, huyện Mộc Châu txix tas cik sơưr nzor tưz chox 2 tuk nhuôv tuôx uô si hnuz xiêz 2/9. tâu tuôx uô si lov jêv đros sđ cxuô heir nênhs hâur hnuz hội no, tix lâus Cứ A Thống shir phaz heik pâuz: “Hnuz hội tuôx no lok six shir phaz, hnuz ntênhs 2/9 muôx ntâu lênhx tuôx uô si viv li lok six lov jêv. Chor nhuôv hnuz no lơưr tâu tuôx no cux lok six shir phaz cơưk”.

Đros thiêz tsưr ziv por hưv, tuôr tsês chiê cxuô heir nênhs têx txux chi vênhx huôv, têx shông jê lok no, huyện Mộc Châu tưz muôz tsôngv box Hmôngz têx txux chi uô si lov jêv nthuôr uô trâu sđ seiz hâur hnuz hội, tsưr tsix iz shông hnuz iz jâuk. Hâur six hơưv no, huyện Mộc Châu tsưr tsix uô ntâu zav txux chi li: tuô hnênhr, lêiv poz…..; piêr kriê têx xiv huv kôngz nuv jông, jux lix; ciêz muôs têx pax ntâuz tsôngk trik yo…. Iz chas têx txux chi khênhr tsưr tsix hâur niêx sông, shông no huyện Mộc Châu tsênhv tsưr tsix uô ntâu zav jông li: Sik tưr lênhx nxeik jông gâux, ntênhs hội tso khí cầu za. Chiê tsưr tsix uô tâu jông thiêz truôx tuk ntênhs hội no, pos Nguyễn Thị Hoa, Phưv Chủ tịch UBND huyện Mộc Châu heik: “Txos iz jiês no, UBND huyện Mộc Châu tưz sir jos bax uô tâu jông cxuô luôs hâux lưv chiê tsưr tsix uô tâu jông têx txux chi vênhx huôv hâur hnuz hội. Txos hnuz no mak tưz tsưr tsix nthuôr uô iz cxiê txux chi lơưv. Li ntơư thiêz hnuz xiêz 2/9 pêz zuôr tsưr tsix krêz uô hội trại vênhx huôv têx xã, thị trấn, hmo xiêz 2/9 zos hmo hội chênhr zuôr tsưr tsix uô têx muôx jông nhoz Mộc Châu thiêz lok six ntâu têx huôx tôngv chiê tsôngv box cxuô heir nênhs tâu cxaz chuôz”./.