Cục Y tế dự phax (Bộ Y tế) heik pâuz, hâur pêz têz qơưs nhiv no muôx 3 zav caz moz khâuz thuôs, phênhv ntâu zos moz AH3N2, moz khâuz thuôs B thiêz moz AH1N1 huôv xênhz nhoz ntêr hâur tênhx qơư, muôx têx chiêx tâuk txix 24 txos 48 six hơưv sâuv têx qơư li: trôngx tos, têx ntêir, qơư tuôr grêk muk lok…; thiêz nhoz, lo têx trik yo tâu ntêr txix 8 txos 12 six hơưv thiêz chiêx, lo tâuk ntêr hâur têx xiz tês muôx 5 phênhz. Zav caz moz no phênhv ntâu nhoz chiêx ntêr hâur têx qơư muôx đêx. Chiê taz por đas jos côngv thôngx sđ, tsôngv box tsuv nox nhoz hur si, đu lus, tsi so muôz xaz phôngx nzuôr têk, bos kror ndâux thâuv hnôngk, cxav; qêz suô vax tsêr hur si thiêz krêz đar têx kror trôngx ntơưv qpơư nhoz, tsêr lớp cơưv ntơưr, qơư uô hâux lưv cov lax; so hur si têx chuôz zênhx uz no txix yuôx tuô lov têx caz moz sđ thiêx tsi yuô trâus muôx moz./.

                                                                          (VOV4-Riê cxeik nhênhv)

Ntơưv tỉnh Kiên Giang, xav txos six hơưv kaz hlik hli 9 shông no, huyện Phú Quốc muôx nhos 35 cxênhz lênhx nênhs tâu cungz ntơưr BHYT, đros tas nro tsôngv box muôx ntơưr BHYT tax 85%, yuôr muôs nhos 15% tsi tâu cungz ntơưr BHYT. Lik zơưx zos têx chuôz zis tsôngv box tsi tâu heik tsênhz mênhx xor mông, xor mông uô tsi zos lok sik iz cxiê chuôz zis txar mul qơư nhoz yiêz taz sik tsi tâu txiêr hộ khẩu. Đros têx chuôz zis thiêz shux xênhz tưz zuôr ntơưr bảo hiểm uô ntêx, zuôr tâu tror thêv nhiêx txiêx cxôngx hnuz xiêz 1/1/2016. Hâur têx shông cơưv zuôr txos, têx mê nhuôs shux xênhz sâuv thax tsav huyện zuôr tsi tsuv zuôr BHYT, tâu BHXH cungz txos thâuv têz qơưk muôx cuiz tênhv tso tsês hâux lưv cungz BHYT trâu xã poz hiêr. Đrâuv co, têx shux xênhz cơưv ntơưr ntơưv têx tỉnh, TP hâur tas nro têz qơưk muôx hộ khẩu nhoz huyện poz hiêr cux tâu cungz ntơưr BHYT./.

                                      (VOV4- Txâur Vax cxeik nhênhv)