Tỉnh Sơn La nhiv no muôx 540 qơư muôl muôs yuôx por vêv đrox tsuôs. Taz sik, tsuôk muôx 220 qơư muôx ntơưr cungz jênhv txâuk tsar tov muôl muôs. Qir tiv zos qơư muôl muôs yuôx por vêv đrox tsuôs nhoz ntơưv têx qơư nhoz đêz, tox siêz, muôl muôs lơưr chêix chiv, muôs tsơưs, têx zav muôs phênhv ntâu zos yuôx tuô đrox. Đros co, chor nênhs qênhz yuôx têx yuôx por vêv đrox tsuôs cux tsênhv tsơưs, côngz xưv sik côngv đros chor lưx lươngv txơưx jênhv, uô hâux lưv no tsênhv tsơưs, uô trâu hâux lưv sêiz car têx qơưk muôl muôs yuôx por vêv đrox tsuôs njiz ntâu phiv liv. Zơưv Dương Gia Định, Chi cục trưởng Chi cục chos kôngz lôngk thiêz por vêv đrox tsuôs tỉnh Sơn La puz pâuz:

“Đhâu côngz xưv qênhz shuôk nhiv no mak cux tưz sêiz car truôx chor chuôz zis muôl muôs yuôx por vêv đros tsuôs, txos six hơưv no mak tsik tâu pov muôl muôs yuôx chuôr, tsik zos chêi, zos muôs chor yuôx đrâuv bê ntơưr tâu chêi muôs thiêz têx yuôx tas six hơưv sir zôngv”./.

(Việt Anh-Lik Thox cxêik nhênhv)

Tsênhv qơư qênhz shuôs têx moz gênhs, Sở y tế tỉnh Lào Cai, six hơưv đhâu, ngênhx y tế tỉnh tưz cxiv tsa têx tsưr ziv lok sâuv phax tar têx moz txơưx siz cik hâur cheix ntux sor; cxiv kho, tsa đuô têx lênhx car uô đreiv luôs hâux lưv phax tar têx moz gênhs, kriê shâuv tsưr ziv phax tir thêir têx moz gênhs chiê phax tar tâu zênhx max thâuv muôx moz huôv xênhz. Chiê tror phax tar tâu têx moz gênhs hâur cheix ntux sor hâur têx luz hlik zuôr txos, ngênhx y tế tỉnh zuôr sir jos uô jông đuô thiêz luôs hâux lưv seiz kaz têx moz gênhs; cxơưz tiês hâux lưv cxax yuôx  phax tar moz đêz đar cov taz  por cxax tâu yuôx cxix cxuô trâu 95% têx nhuôs zâu tsi tâu muôx iz shông; sir jos uô luôs hâux lưv cxax yuôx phax tar moz gênhs./.

(VOV4-Riê Lâux cxeik, nhênhv)

Hnuz 31/5, Tòa án tỉnh Điện Biên kriz uô phiên tòa sơ thẩm xưv oz lênhx nênhs zos Sùng Tỉn Pao, zus shông 1991, nhoz ntơưv jok Sín Chải, xã Pha Long 20 shông nhoz tux; thiêz Vàng Quang Dê, zus shông 1968, nhoz ntơưv Lồng Sán Chồ, xã Dìn Chin, huyện Mường Khương, tỉnh Lào Cai 19 shông nhoz tux lok kror cxâuv thâux gra, muôl muôs tsik zos chêi zax zênhz.

Lơưr Viện kiểm sát tỉnh, hnuz 19/10/2016, Sùng Tỉn Pao đros Sùng Quang Dê tsênhv thâux gra zax zênhz txix Điện Biên muk Mường Khương, Lào Cai chiê muôs, txos ntơưv thax tsav txox cêr 142 ntu đhâu jok Lé, xã Lay Nưa, TX. Mường Lay chêk trâus côngz an cxov; sâu tsês 1.681 cir ntâu Methamphetamine./.

KT-Lik Thox cxêik nhênhv)

Chiv kôngz ntux tsâus yiêz nhiv kruôr đhâu, tsôngv box tỉnh Yên Bái tsêz chos 60% ntâu liêx têz zos têx nôngz blêx txuôv li: Nhị ưu 63, Nghi hương 305...., yuôr đuo li zos têx nôngz blêx tsơưr lươngv siêz li: Hương Chiêm, Séng Cù....., hur tiz si puôr lênhx hloz lox jông thiêz sâu tâu nju trơưk li tsưr ziv. Ngênhx kôngz nuv thiêz cxuô thax tsav qơư tưz uô jông hâux lưv seiz shuôs thiêz paz tsôngv box tsưr ziv huôv tsar uô têx kôngz thiêz phax tuô, lov têx caz hmoz tho nox uô ruôr hiêv kôngz. Zơưv Hoàng Văn Yên, nhoz xã Nghĩa Lợi, thị xã Nghĩa Lộ, tỉnh Yên Bái heik pâuz:

Băng: "Lok six shir phaz viv shông no tâu cheix thiêz sâu tâu nju kôngz, tsôngv box luz nênhx cux nhoz khênhr đuô. Nhiv no ho huôk njôngr lêix têx liêx chiê bax trâu chiv zuôr txos. Uô li chas cov uô tâu trơưk tsưr ziv têz qơưk kriê chiê chiv tov kaz cux sâu tâu têx kôngz nju li ntơư"./.

(Tuấn Xuân-Riê Lâux cxeik, nhênhv)