Nhiv no, TP Sơn La, tỉnh Sơn La tưz uô tâu 9 hâur 16 tsưr ziv tso tơưv lok ciêz đrôngs hur jông hov II, tâu 56% ntâu. Yuôr 7 tsưr ziv uô tsi tâu tâu tiêr li: Côngz trênhx  côngz côngv, têx luôs hâux lưv lok vênhx huôv, thêv thao, côngz trênhx muôv muôs….cấp ciêz đrôngs thax tsav Tây Bắc; cxix luôs cêr mul lok, têx côngz trênhx kỹ thậut uz no; chei, cui tinhv seiz car njuôk hov, cêv kuôk uô têx côngz trênhx; têx tsưr ziv lok thax tsav ciêz đrôngs hov yiêz; cêr mul lok hâur đrôngs tsi tâu cxiv uô jông;….. TP Sơn La tsênhv chêx tsôngk sir jos cxiv uô TP cov yênhx ciêz đrôngs hur jông, muôx cxix cxuô heir nênhs thax tsav Tây Bắc têx txux chi vênhx huôv jông, phênhv ntâu uô tâu têx luôs hâux lưv trơưk tsưr ziv tso tơưv, tsưr ziv lok cxiv tsa ciêz đrôngs hur jông hov II lok shông 2020. Zơưv Nguyễn Ngọc Điệp, Chủ tịch UBND TP Sơn la heik pâuz:

Băng: “TP tsênhv chêx tsôngk cxiv kho, uô đuô tsưr ziv njuôk hov huôv tsar kinh tế-XH txos shông 2020, uô ndar txos shông 2030. Hâur ntơư krêz uô đar TP qơư uô hâux lưv, muôz jông tênhx qơư trâu têx lênhx nênhs yưv pênhr uô, têx dưv anr uô trơưk têx tsưr ziv yiêz tâu fuô uô jông. Pêz tror muôx luk heik cov cxaz nzir iz cxiê tsênhv njiêz, tsưr ziv lok sâuv cxiv uô têx côngz trênhx cêr mul lok cov jông. Thâuv têx dưv anr tâu fuô uô tiêr, TP Sơn La zuôr yênhx iz TP hur jông thiêz uô tâu trơưk sđ tsưr ziv, siêz xar”./.

 (Bích Thủy-Riê Lâux cxeik, nhênhv)

Hâur 5 shông lok no, tas nro tỉnh Yên Bái tưz muôx 106 txuz trâus tsơưr tưx zav nox đros muôx 1.043 lênhx nênhs trâus tưx, muôx 9 lênhx nênhs tuôs. Ciês shông 2016, chor txuz, chor nênhs trâus tưx, nênhs trâus tuôs puôr lênhx chuôz ndê ntâu pir li shông 2015 muôx 18 txuz trâus tsơưr tưx zav nox, 573 lênhx nênhs trâus tưx, 6 lênhx nênhs tuôs tiv têz caz moz, hóa chất, têx tưx chiv chir muôx hâur zav nox thiêz muôx 181 jiês nriêr tsik tâu qir tiv. Chiê qênhz yuôx jông tsơưr lươngv ngaz tuk zav nox “txix qơư tu zus txos pluôs nox” thâuv zos iz luz tỉnh tox siêz tsênhv pluôs, têx zav nox tsênhv tsik tâu sêiz njuôk uô jông, pêx xênhv tsênhv yuôr ntâu kror sir zôngv nox hâuk tsik taz por li nox nyar chiêx, grêix njêl kâuz, tiv zix zos ntơưv têx thax tsav tsôngv box mênhx cxưx tsơưs nênhs tsênhv nox têx ndêz đê hâur har jôngr lok…mak cxuô cấp, cxuô nganhx thiêz nênhs uô xênhz yar, uô hax huv zav nox tsuv gra siêz đuô thiêz chênhz yênhx, txơưx jênhv, jênhv pâuz, iz thênhv jux juk qênhz yuôx jông qênhx shênhx vêv xênhz ngaz tuk zav nox./.

(KT-Lik Thox cxêik nhênhv)

Phuôx huiz cêr chax chês siz hluz siz paz, cux li paz cxơưz tiês phôngz yaox “ tas nro tsôngv box sđ sik đros tsưx phưv jông têz qơưs” txix ntơưv qơư, hâur têx hnuz đhâu, Học viện An ninh nhân dân tưz tsưr tsix tsaz yênhx uô têx nuv jông siêz “heik lok tsôngv box Tây Bắc”. Ntơưv huyện Tam Đường, tỉnh Lai Châu đoanx tưz muk seiz shuôs thiêz muôz huv puz trâu tsôngv box 2 xã Bản Bo thiêz Tả Lèng-2 xã txov nhêv yax hâur huyện; muôz ntơưr cơưv, ntơưr sâu , trik yo, pav, vix tsav puz trâu têx shux xênhz hâur tsêr cơưv cxênhx 2 thiêz cxênhx 3 xã Tả Lèng. Ntơưv huyện Phong Thổ, đoanx tưz muôz 150 đeiv pav sor, 150 luz vix tsav, 185 luz yo sor, iz cxênhz fâu ntơưr sâu trâu tsôngv box, têx shux xênhz, xav hur si tas muôx 100 tsov đeiv ntâu. Đoanx cux muk shuôs, uô hâux lưv đros Công an huyện Tam Đường thiêz Công an huyện Phong Thổ, muôz huv puz trâu têx lênhx canr bôv chiến sỹ Công an tsênhv uô hâux lưv ntơưv têx thax tsav tox siêz đêz đrôngs, ntus đriv./.

 (KT-Riê Lâux cxeik, nhênhv)

Txơưv Lào Cai muôx 180 ntâu cêik cêr ntus đriv buôs ti đros Trung Quốc taz sik tsênhv tsênhz, têx huôx tôngv muôl muôs hax huv chuôr, tsik zos chêi cux zos muôx ntơưv chor trôngx đriv lox li: Kim Thành (TP Lào Cai), Bản Vược (huyện Bát Xát). Tiv zos ntơưv têx qơưk no, đêx zau lok six zôngx ziv trâu gra têx hax huv tsik zos chêi txix saz ntus đriv tor lok. Lơưr hlôngr njêx muôs cơ quan Hải quan tỉnh Lào Cai, txơưv tưz grêk tsơưs ntâu, taz sik ntơưv thax tsav chor trôngx đriv lox sâuv tỉnh no cux tsênhv muôx chor nênhs liv zôngv tsênhv chêi thiêz thax tsav chiê muôs hax huv chuôr, hax huv tsik zos chêi. Hải quan tưz sir jos qênhz yuôx, sir jos uô hâux lưv taz sik tir tar tsik tâu cov tas ciês têx huôx tôngv no./.

(KT-Lik Thox cxêik nhênhv)

Hnuz xiêz 10/1, Ban chox kriê Tây Bắc đoanx côngz xưv zos đôngx chir Nguyễn Cảnh Việt, Phưv Tsar Ban uô thơưx chox đoanx tưz muk seiz yuô, muôz huv puz thiêz tôngv zênhx têx ziv chuôz zis pluôs, chuôz zis muôx côngz têz qơưs nhoz 2 xã ntus đriv Sín Thầu, Sen Thượng hâur huyện Mường nhé, tỉnh Điện Biên. Đôngx chir Nguyễn Cảnh Việt heik canr bôv xã Sín Thầu thiêz Sen Thượng cov tsi so gra siêz luz nênhx nox nhoz trâu tsôngv box; uô lơưr jông têx tsênhv chei trâu nênhs pluôs, chuôz zis tâu sơưv têz qơưs têx chei paz, nênhs muôx côngz têz qơưs. Iz chas ntơư, sir jos uô jông hâux lưv fuô kriê têz qơưs têx chei, cui tinhv trâu tsôngv box cux li paz tsôngv box heir nênhs tsơưs huôv tsar uô nox uô hnar./.

(TTT-Riê Lâux cxeik, nhênhv)