Tas cik hnuz 12/1, tỉnh Sơn La fuô uô tsưr ziv huôv tsar uô kôngz-jôngr-đêx nuv thiêz huôv tsar tox siêz shông 2017. Shông 2016 nhiv kruôr đhâu, ngênhx kôngz nuv tỉnh Sơn La njiz trâus ntâu phiv liv thiêz cêr txov viv ntux no njiv, lok đâuk tê uô ruôr hiêv. Taz sik, đros thiêz cxuô cấp, cxuô ngênhx cêr moz siêz txos, têx doanh nghiệp, hợp tác xã thiêz tsôngv box têx sir jos, tỉnh ngênhx kôngz nuv tưz chuôz tsar tâu jông, cux uô tâu trơưk tsưr ziv zos zuôr xar 3% pir li shông uô ntêx; 21 hâur hur si 28 tsưr ziv, luôs hâux lưv tso tơưv uô kôngz-jôngr-đêx nuv thiêz huôv tsar tox siêz tâu trơưk tsưr ziv thiêz hla đhâu tsưr ziv tso tơưv. Shông 2017 no, tỉnh Sơn la tso tơưv tsưr ziv cxơưz tiês hlôngr yiêz tsưr ziv uô kôngz nuv trơưk li gra siêz têx xiv huv uô tâu, huôv tsar truôx vênhk. Hâur ntơư, chêx tsôngk huôv tsar kôngz nuv trơưk têx tsưr ziv uô yiêz khov  lok têx muôx jông ntơưv qơư thiêztsưr tsix uô đuô têx tsưr ziv uô nox, uô trơưk tsưr ziv yiêz hâur tsiv uô, seiz car, sir zôngv thiêz bax tsưr zv phax tir thêir têx tsi jông tiv ntux uô…, sir jos cov uô tâu 3% trơưk tsưr ziv tso tơưv pir li shông 2016; tas shông 2017 cov muôx 15 xã uô tâu luôs hâux lưv cxiv tsa jêx jok yiêz./.

 (TTT-Riê lâux cxeik, nhênhv)

8/ Lưx lươngv txơưx jênhv tỉnh Yên Bái nhiv kruôr piz hlơưr por tsês xar muôx 500 poz zênhz nzêik zuôr lok tsik zos chêi. Uô ntêx co, đhâu côngz xưv qênhz yuôx, zar hnuz kêix 10/1, ntơưv qơư tsar yêz đrêk tok kruô, tổ 15 phường Nguyễn Thái Học, thành phố Yên Bái, tỉnh Yên Bái, tổ côngz xưv Đội cảnh sát qênhz yuôx phamv cxâuv lok sêiz car kinh tế thiêz hâux lưv (Công an thành phố Yên Bái) tưz pov thiêz sâu stês 480 poz zênhz nzêik zuôr lok tsik zos chêi. Tsưr hax huv zos zơưv Nguyễn Thanh Hiền, zus shông 1954, nhoz ntơưv tổ 24, phường Hồng Hà, thành phố yên Bái tưz tsik muôx ntâuz ntơưr xav jênhv chor hax huv no. Công an thành phố Yên Bái tưz xưv bluô hành chính 4 triệu đêiv lênhx tsưr hax huv. Thôngx cxix, sâu tsês chor zênhz nzêik co chiê hlơưr por tsês trơưk cuiz tênhv./.

(TTT-Lik Thox cxêik nhênhv)

Tỉnh Điện Biên tso tơưv tsưr ziv, hâux lưv txos tas shông 2020, muôx 2 hâur 10 taz viv cấp huyện zos TP Điện Biên Phủ thiêz thị xã Mường Lay uô tiêr luôs hâux lưv cxiv tsa jêx jok yiêz; muôx 35 hâur hur si 116 xã uô tâu luôs hâux lưv heik sâuv thiêz tsi yuôr luz xã tưs uô tâu tsơưs đuô 5 tsưr ziv. Trơưk li njuôk xav, zoz qơưx pênhr chiê trâu 35 xã hâur tỉnh tsênhv tsênhv uô tâu tiêr 19 luôs hâux lưv tsưr ziv lok cxiv tsa jêx jok yiêz ntu nhiv no txos shông 2020 zos 1.500 tỷ đeiv….. Iz chas ntơư, chuôz tsar tiês Ban chox kriê cxuô cấp, li têx txux chi tsưr ziv fuô kriê lês car uô têx nuv sâuv, thiêz tsi so cơưv giao ban đros têx huyện, xã chiê sik đros đơư tu zênhx max têx phiv liv hâur six hơưv fuô uô têx nuv ntơư. Zơưv Mùa A Sơn, Chủ tịch UBND tỉnh Điện Biên heik pâuz:

Băng: “Pêz tsuv tror cxơưz tiês luôs hâux lưv yax kriê. No zos hâux lưv lok six zov chênhr chiê uô hlôngr yiêz cxuô cấp ủy đảng thiêz tsôngv px sđ li txux chi tsưr ziv jênhv pâuz hâur uô lơưr tsaz yênhx jêx jok yiêz. Tiv 2 zos moz siêz txos T.Ư têx pênhr paz yưv uô li: Tsaz yênhx 30a, tsaz yênhx jêx jok yiêz, tỉnh têx tsaz yênhx, hâux lưv uô… Tiv 3 zos tsuv chêx tsôngk chox kriê uô hlôngr yiêz cov tâu tsưr ziv uô nox uô hnar, lox tôngv, chêx tsôngk trâu krêz uô têx muôx jông ntơưv qơư, yênhx thax tsav…”./.

 (Thu Thùy-Riê lâux cxeik, nhênhv)

          10/ Đros kror liv muôx ntâu qơư di tích, qơư chiv xênhz jông gâux, têx vênhx huôv jông  tưz uô trâu Tam Đường, Lai Châu, muôx têx kror jông zaz zâuv tsôngv kruô tuôx ndis shuôk…Shông 2016, chor kruô tuôx trâu Tam Đường tax 12.800 lênhx nênhs, hâur co kruô ntiêx têz muôx 4.000 ntâu lênhx nênhs. Phênhv sâu txix du lịch tax 6,8 tiv đêiv. Tas nro huyện muôx 2 luz tsêr kruô lox, 6 luz tsêr kruô so zâu, 10 qơư nhoz so, 13 tsêr ox hâuk phưx vưv tsôngv kruô tuôx ndis shuôk. Đros xar chiê du lịch zos nganhx kinh tế zov chênhr, paz huôv tsar kinh tế, cxuôv yêiz thiv pluôs, huyện tưz sir jos huôv star cxuô zav du lịch li: Du lịch côngv thôngx, du lịch chiv xênhz đrox tsuôs, du lịch vênhx huôv…Sir jos sik côngv đros chor tiv phaz, tiv zix zos sik côngv đros huyện Sa Pa uô du lịch. Kriz chor lớp cơưv kruôz kriê thương mại, dịch vụ chiê thox cxov chor nênhs uô du lịch muôx txux chi. Zos uô jông têx tsưr ziv co, têx jâuv tsik ntêr thiêz, Tam Đường zuôr zos qơư jông trâu tsôngv kruô hâur thiêz đrâuv têz qơưk tuôx ndis shuôk./.

(KT-Lik Thox cxêik nhênhv)