Xar muôx iz đraz hli lok no, sâuv thax tsav iz cxiê xã, huyện Si Ma Cai, tỉnh Lào Cai muôx yênhx châuv tuk nhux tưv trâus tuôs đhâu nox tâu chor tâux muôx tưx. Nganhx kôngz nuv huyện thiêz chính quyền chor xã cêv kuôk thax tsav liêx têz tâu tsuôs yuô tuô đrox; hêik pêx xênhv tsik tso tsiêx cxu muk nox jâuz ntơưv têx qơưk co. Tiv zix, hêik pâuz thiêz sêiz shuôk jông pêx xênhv sir zôngv yuôx tsuôs đrox taz por huv tsưr ziv sir zôngv chiê tsik uô hiêv ntâu txos xênhz yar kôngz nuv thiêz tênhv qơư./.

(An Kiên-Lik Thox cxêik nhênhv)

“Cxênhx txuôk tênhv zos por vêv ntiêx têz njuôz jông, tuô têx tenhv tênhz tsi zôngv txos chiê xa tơưk pov cêr trâu têx shux xênhz pluôs”. No zos lo lul heik tơưv ntơưv Ntênhs phuôx tôngv tưr thik chuôz zis cxênhx txuôk tênhv tênhz nhoz Sơn La shông 2017, zos Sở công thương đros Công ty tênhv jos Sơn La tsưr tsix tas cik hnuz 13/5. Tsaz yênhx tưr thik jiês no tâu krêz uô txos tas nro têx chuôz zis tsênhv nhoz uô nênhx thiêz uô hâux lưv sâuv thax tsav TP Sơn La zôngv tenhv tênhz xênhz huôx. Têx chuôz zis sik đros thưr thik cxênhx txuôs tênhv tênhz hâur 6 luz hlik, qir cxôngx hli 6 shông no đros 2 tsưr ziv ntâus grê zos “ Chuôz zis cxênhx txuôk tênhv tênhz” thiêz “ Chuôz zis cxênhx txuôk tênhv tênhz jông”.

Ntơưv ntênhs, hlôngr njêx muôs têx phường tưz cir ntơưr tưr thik; đhâu co, têx teiv plor sik đros mul tâus cêr sâuv thax tsav TP Sơn La chiê yax mông, vênhv tôngv./.

( Hoàng Long- Txâur Vax cxeik nhênhv)

Txơưv tưz zos kaz chiv, taz sik yênhx cxênhz hec ta blêx chiv tsâus yiêz 2017 ntơưv tỉnh Điện Biên têx jâuv zuôr sâu tsik tâu tiv caz hmoz ruôr hiêv; hâur co, phênhv ntâu zos trâus moz Đạo ôn sâuv trêr blêx.

Lơưr chi cục por vêv đrox tsuôs tỉnh Điện Biên li thôngz sâu, xar muôx 2.400 hec ta blêx nhiv no tưz trâus moz đạo ôn sâuv trêr blêx thiêz chor blôngx, muôx ntâu ntơưv chor huyện: Điện Biên, Mường Lay, Mường Chà thiêz thành phố Điện Biên Phủ. Hâur co 500 ntâu hec ta trâus hiêv ntâu zuôr lax khưx phưx. Zơưv Chu Văn Bách, phưv chi cục trưởng chi cục por vêv đrox tsuôs tỉnh Điện Biên puz pâuz:

“Qir tiv chênhr nhiv no zos pox nhuôs chiv chir sir zôngv nôngz chuôz ndê. Tiv oz zos tsoz phưz thiêz phax tar caz hmoz cux tsik tâu uô jông huv li cơ quan uô hâux lưv no kruôz kriê. Nhiv no mak yuôr muôx 10 ntâu hnuz xưz blêx tưz zuôr jông sâu viv li zôngv tsik tâu yuôx tsuôs trâu lơưv, viv tsuôs yuôx tas tsik txâuk six hơưv cêv kuôk mak zuôr tsik taz por tâu tsơưr lươngv”./.

(Vũ Lợi-Lik Thox cxêik nhênhv)

Zar hnuz keix hnuz 14/5, UB tỉnh Yên Bái tưz khiêz phêv mnôngs pov cov hâux lưv uô têx tsưr ziv, jênhv vưv tsưr tsix Ntênhs krêz uô shông ju lix tỉnh Yên Bái- Uô lơưr shông ju lix têz qơưk 2017 Lào Cai- Tây Bắc. Đ/c Dương Văn Tiến- Phưv chủ tịch UB tỉnh, tsar ban tsưr tsix ntênhs krêz uô shông ju lix tỉnh Yên Bái lov lik jiês khiêz phêv. Ntênhs krêz uô shông ju lix tỉnh Yên Bái uô lơưr Shôg ju lix têz qơưk Lào Cai-Tây Bắc shông 2017 zuôr tâu tsưr tsix thâuv 7 six tsâus ntux hnuz 19/5/2017 ntơưv qar tiêx 19/8, đrôngs Yên Bái. Đros thiêz hâux lưv bax uô jông, Ntênhs krêz uô shông ju lix tỉnh Yên Bái – uô lơưr shông ju lix têz qơưk 2017 Lào Cai-Tây Bắc zuôr tâu tsưr tsix jông, zos hâux lưv cxơưz tiês ju lix Yên Bái huôv tsar, zaz zâuv têx lênhx nênhs yưv pênhr lol ju lix ntơưv Yên Bái hâur six hơưv zuôr txos./.

( KT- Txâur Vax cxeik nhênhv)