Cơ quan cảnh sát qênhz yuôx Công an tỉnh Yên Bái nhiv kruôr tu txuz plâuz, xơưz xưv lênhx tiz nênhs uô cxâuv chiê tik cêr cxâuv trơưk đreiv chei têz qơưk trâu 11 lênhx nênhs tsưr tsix tưr txiêx zuôv por thiêz sik đros tưr txiêx ntơưv huyện Văn Yên.

Uô ntêx ntơư, thâuv 10 six 30 phênhz tsâuk ntux hnuz xiêz 8/5/2017, ntơưv jok 11, xã Lâm Giang, huyện Văn Yên, tỉnh Yên Bái, tổ côngz xưv Phongx Cảnh sát hình sự, Công an tỉnh Yên Bái tưz ntêk tâu 11 lênhx nênhs tsênhv tsưr tsix tưr txiêx thiêz sik đros tưr txiêx zuôv por. Tổ côngz xưv tưz sâu tsês tâu ntơưv qơư tưr txiêx co xar muôx 18 tsov đeiv nhiêx, 12 luz yêz meir, đros trâu ntâu chuôz zênhx txơưr đuô cik txos.

Ntơưv cơ quan qênhz yuôx, lênhx nênhs chênhr hâur txuz tsưr tsix tưr txiêx heik sâuv zos Lê Mạnh Tường, xênhz shông 1972, nhoz ntơưv jok 11, xã Lâm Giang, huyện Văn Yên, tỉnh Yên Bái krêz lênhk tiêk, khênhr tsưr tsix trâu têx lênhx nênhs nhiêv tưr txiêx nhoz têx xã jê iz ndis hâur huyện Văn Yên thiêz huyện Văn Bàn, tỉnh Lào Cai tuôx tưr txiêx đros thiêz têx nhiêx tưr ndê txos 10 tơưv tsov đeiv./.

(T.Xuân-Chia dịch đọc)

Tsôngv fôngx zưs sơưr đơưk hmor yuô! Zos iz hâur chor tỉnh tsik so njiz trâus phiv liv hnhar tiv ntux têz uô hiêv, viv li, ciês chor hnuz xuz thơưx thâuv hâur chêix ntux nas chuôz no, cxuô cấp, nganhx nhoz tỉnh Điện Biên tưz chuv tôngv kriz uô ntâu tsưr ziv tir tar chiê txo grêk tsơưs têx trâus hiêv… Zơưv Trần Hà Sơn, phưv giám đốc sở kôngz nuv thiêz huôv tsar jêx jok, Chánh Văn phòng Ban chỉ huyz phax tar ntux têz uô hiêv thiêz zok nriêr chơưv paz tỉnh Điện Biên puz pâuz:

“Chiê txo grêk tsơưs têx phiv liv tiv ntux têz uô hiêv, txix ciês thâuv hâur shôngk shông, tỉnh tưz tso tơưv chỉ thị, chox kriê, hêik chor tiv phaz sêi đrơưv tsưr tsix kriz uô ntâuk gri têx kror uô tâu, tsik tâu, têx phiv liv hâur shông 2016 chiê txix co tso tơưv tsưr ziv, jênhv vưv thiêz chor tsưr ziv phax tar ntux têz uô hiêv, zok nriêr chơưv paz huv đros qênhx shênhx tsênhv tsênhz nhoz zuk tiv phaz chiê muôx tâu têx tsênhv chêi txo grêk têx trâus hiêv”./.

(Vũ Lợi-Lik thox cêik nhênhv)

Luôs hâux lưv qênhz yuôx shuôs têx qơư uô thiêz chuz chơưr hâur thax tsav tỉnh Lào Cai txos iz jiês no tsi tâu pov têx uô cxâuv li chas lok sâuv têx methanol hâur chơưr hlo.

Đhâu qênhz yuôx, 200 ntâu qơư uô thiêz zuôr muôs têx zav nox, muôs iz kro mê njik têx chơưr thiêz iz cxiê qơư chuz chơưr thiêz njuôk siv shuôs 10 zav chơưr, puôr lênhx tso pov têx Methanol tsi muôx tâu hâur chơưr. Chiê taz por jông trâu lênhx nênhs sir zôngv, Ban chox kriê lênhx ngênhx ngaz tuk zav nox tỉnh Lào Cai chêx tsôngk gra siêz luôs hâux lưv seiz car ngaz tuk zav nox cov huv đros tsênhv tsênhz hâur yênhx thax tsav, suôv qơư; cxơưz tiês hâux lưv yax kriê ngaz tuk zav nox, lar heik zos ntơưv têx thax tsav tsôngv box heir nênhs tsơưs nhoz tox siêz đêz đrôngs, ntus đriv. Zơưv nguyễn Trường Giang, Phưv Giám đốc Sở Công thương tỉnh Lào Cai heik:

Băng: "Pêz tưz chox kriê têx đội seiz car ciêz đrôngs tsưr tsix qênhz yuôx, gra têx chơưr iz kro mê njik muk qênhz shuôs tsơưr lươngv, sir jos xưv bluô têx tsưr tsix, lênhx nênhs uô cxâuv lok sâuv zuôr muôs thiêz chuz têx chơưr tsi taz por ngaz tuk zav nox trơưk đreiv chei têz qơưk, lar heik zos têx qơư tưz cir ntơưr nhav tsês lok sâuv uô jông lơưr chei têz qơưk, tsi uô cxâuv cui tinhv. Iz chas ntơư, pêz tưz qênhz shuôs têx chơưr, phax tar kâus tưx chơưr"./.

(Thanh Thủy-Riê Lâux cxeik, nhênhv)

Đhâu 15 shông uô Thủ tướng chính phủ li cuêz tênhv số 133/2002/QĐ-TTg, BĐBP tỉnh Sơn La tưz sik côngv đros công an tỉnh, Chi cục Hải quan cir jênhv thiêz uô lơưr chêx cur quy chế, cuiz tênhv, cxiv tsa ntâu tsưr ziv sik côngv; uô truôx jông côngz xưv sik thav xor mông nhoz cxuô cấp. đhâu siz thav, tưz muôx yênhx cxênhz zor mông, cxuô zav tâu sik thav, phênhz mênhx, ntâuk gri, ziv hnuz ziv tsov cưv txos kror hâux lưv thiêz iz thênhv jux juk uô jông đuô. Đhâu co, paz trâu chor lưx lươngv uô hâux lưv pâuz tâu qênhx shênhx, tiv zix zos nênhs phamv cxâuv zax zênhz hâur yênhx ntu…txix shông 2002 txos nhiv no, BĐBP tỉnh tưz sik côngv , cxov tâu 1.176 txuz, 1.656 lênhx nênhs; sâu tsês 802 thôngx zênhz đơưz, zuôr xar 69 cir zênhz đơưz, 188.333 luz yuôx zax zênhz, 2,9 cir cần sa, ntâu đuô 147 cir zax zênhz, 62 traz fov, 475 luz muôk txưr, 22 luz hôngz poz đros ntâu zav chuôz zênhx txơưr đuô./.

(KT-Lik Thox cxêik nhênhv)