Shông no, tỉnh Điện Biên sir jos cov zok nriêr tâu hâux lưv uô trâu 8.500 ntâu lênhx lox tôngv; kriê txux chi, tsưr ziv uô nuv trâu 8 cxênhz lênhx, tsar ndê têx lênhx lox tôngv đhâu kriê tas txux chi tsưr ziv uô nuv muôx  zuôr xar 50%, paz trâu txo grêk tsơưs têx ziv chuôz zis pluôs hâur tas nro tỉnh zuôr xar 42%. Têx tsưr ziv zov chênhr chiê uô tâu têx nuv  no zos chuôz tsar tiês qênhz shuôs, njuôk hov, cxiv uô đuô têx  qơư kriê tsưr ziv uô nuv, chiê muôx cêr thôngx ziv lok sâuv têx tsưr ziv, hâux lưv, tsaz yênhx kriê, six hơưv cơưv , nhiêx txiêx khiêz cơưv….hâur XH thiêz tênhx qơư lox tôngv li zoz qơưx zuôr trâus txos; cxơưz cxiz huôv tsar kriê txux chi tsưr ziv uô nuv reik đros têx hâux lưv uô ntơưv qơư chiê sir zôngv têx lênhx lox tôngv tôngv ntơưv qơư; cxơưz tiês uô têx tsaz yênhx cxiz tsưr ziv uô nuv, sir jos uô reik đros trâu têx qơư tsưr tsix kriê txux chi tsưr ziv uô nuv thiêz doanh nghiệp sir zôngv lox tôngv; muôz jông six hơưv trâu nênhs lox tôngv kêr txeik pênhr huôv tsar nox…../.

 (TTT-Riê lâux cxeik, nhênhv)

Shông 2016, tas nro tỉnh Yên Bái muôx 16 txuz trâus tsơưr tưx zav nox, zuôr xar 500 lênhx nênhs tsuv tuôx tsêr kho moz, hâur co muôx 6 lênhx nênhs tuôs. Qir tiv trâus tưx zos uô jâuz mor nox, tsês chiê zav nox tsik huv tsưr ziv thiêx trâus tưx thâuv nox; lok sik tiv nox tâu chor ndêz muôx tưx; lok sik zôngv tâu chor zav tsoz muôx tưx uô jâuz nox…Six hơưv jê tsiêz no, pêx xênhv li zoz qơưx zuôr hax huv zav nox chuôz ndê siêz. Tỉnh Yên Bái tưz hêik nganhx y tế côngv đros chor tiv phaz thiêz nganhx txơưx jênhv sir jos uô chor tsưr ziv chiê ngaz tuk zav nox trâu pêx xênhv. Pos Lê Thị Hồng Vân, phưv giám đốc sở y tế tỉnh Yên Bái puz pâuz:

“Nganhx y tế yênhx lix đoanx qênhz yuôx liên nganhx qênhz yuôx, xưv lik tas nro têx kror lok ngaz tuk vêv xênhz zav nox txix tỉnh txos tiv phaz. Tiv zix zos ntơưv têx qơư zuôr zôngx ziv muôx yưv tsik ngaz tuk vêv xênhz zav nox mak y tế nhoz têx qơưk co hêik kriê pêx xênhv xêir tsov, tsês chiê, uô vêv xênhz zav nox chiê phax tar trâus tsơưr tưx zav nox thâuv txos tsiêz thiêz chêix ntênhk hội”./.

(TTT-Lik Thox cxêik nhênhv)

Tror uô hâux lưv gra tsiêz tuôx txos tâu nzor trâu têx lênhx cưk kriê, kriê ntơưr hâur têx jêx jok tox siêz, hâur 2 hnuz 17 thiêz 18/1, Công đoanx Zoz zux VN, Cục têx lênhx uô hâux lưv kriê txux chi thiêz canr bôv seiz car têx qơư Zoz zux, Đeix xa đuôz VN, Cuiv têx lênhx nênhs siêz jông Lox tôngv thiêz têx tsưr tsix, taz viv siêz jông tưz muk seiz shuôs thiêz muôz huv puz trâu chor cưk kriê ntơưr, shux xênhz xã Mù Sang, huyện Phong thổ, tỉnh Lai Châu. Ntơưv no, đoanx tưz tsưr tsix nuk txos têx cưk kriê ntơưr thiêz shux xênhz li đas jos, qơư nox nhoz, nthuôr uô lov jêv đros chor cưk kriê ntơưr thiêz tsôngv box sđ ntơưv qơư, muôz ntâu phênhv huv muôx liv puz trâu tsêr cơưv, xav hur si tsiv grê nhos 200 tsov đeiv, hâur ntơư muôx nhos 100 tsov đeiv zos têx taz viv Công đoanx Zoz zux VN, Cuiv nênhs siêz jông lox tôngv, Công đoanx Zoz zux Hà Nội, tsêr cơưv Đại học quốc gia Hà Nội, Công ty Long Hải têx nhiêx muôz puz. Hâur đoanx li six hơưv tsưr tsix uô têx nuv li heik sâuv, Công đoanx Zoz zux VN cux muk shuôs têx lênhx tuz lênhv ntơưv Zênhx pênhz phax Dào San, huyện Phong Thổ. Ntơưv no, đoanx muôz tâu iz luz ti vi thiêz qix têz qơưs puz trâu Zênhx pênhz phax./.

 (KT-Riê lâux cxeik, nhênhv)

Lơưr thôngz sâu shông 2016, tas nro tỉnh Sơn La tưz muôx yưv 24 txuz tơưs cuz, txo grêk 3 txuz pir li shông 2015, taz sik têx trâus hiêv ntâu đuô. Jiês kaz shông, qiv hơưv kruôr gis, cux zos jiês chor qơư kinh doanh tsês chiê ntâu hax huv phưx vưv tsiêz…Chiê gra siêz cxuô cấp ủy Đảng, chính quyền, nênhs sơưr thơưx cơ quan, taz viv li txơưx jênhv hâur uô côngz xưv phax cuz tuô cuz; taz por trâu pêx xênhv tok tsiêz ngaz tuk; tsik chiê muôx yưv têx jiês tơưs cuz uô phiv liv txos lênhx nênhs, cxuô zav, uô lơưr Thủ tướng chính phủ, UBND tinh li hêik pâuz lok sir jos uô côngz xưv phax cuz tuô cuz, phongx cảnh sát phax cuz tuô cuz Công an tỉnh  tưz hêik trâu ban giám đốc công an tỉnh cxiv tsa, tso tơưv tsưr ziv tsưr tsix hêik pâuz thiêz kriz uô UBND tỉnh li chỉ thị số 19 lok hâux lưv chuôz cxaz côngz xưv phax cuz tuô cuz thiêz chơưv paz shông 2017, paz ngaz tuk sâuv thax tsav, sir jos đros lưx lươngv txơưx jênhv uô phax tar tơưs cuz, shir tok tsiêz ngaz tuk./.

(KT-Lik Thox cxêik nhênhv)