Hâur ntu đhâu, Ban Thường vụ tỉnh uỷ Sơn la tưz tsưr tsix cơưv saz lax lok iz cxiê luôs hâux lưv uô hâur thax tsav tỉnh.

          Ntơưv jiês cơưv, zơưv Hoàng Văn Chất tưz hêik lok Đảng bộ tỉnh iz cxiê luôs hâux lưv uô sêiz car huôv tsar kinh tế xã hội, an ninh quốc phôngx, luôs hâux lưv cxiv tsa Đảng. Cxuô lênhx uô hâux lưv hâur Thường trực tỉnh uỷ, Ban Thường vụ tỉnh uỷ thiêz luôs hâux lưv bax hơưv tok  shông huôv tsar cêr fôngx zưs VN-Lok Tsuôk shông 2017.

          Luôs hâux lưv cxiv uô tsêr tsês chiê cxuô chuôz zênhx ntơưv thax tsav qơư di tích cách mạng VN-Lok Tsuôk trâu ntơưv jos lao Khô, xã Phiêng Khoài, huyện Ỷên Châu, cux chênhr zos hêik tsênhz mênhx   lok huôv tsar cêr fôngx zưs jông thiêz cêr  côngv siêz VN-Lok Tsuôk./.           

                                                   (Tsuv cxêik nhênhv-KT)

10 qơư njuôs đêx nas nhiv kruôr tâu đhok ntơưv iz cxiê tiv phaz tỉnh Lào Cai, chiê chuv tôngv hâur côngz xưv canhv pov, phax tar ntux nas, tiv zix zos đros thiêz đêx cuôr yôngz, tox poz khênhr muôx nhoz tox siêz. Têx qơư njuôs đêx nas no tâu tso ntơưv têx xã li Cốc Ly, Nậm Khánh ( huyện Bắc Hà), Bản Vược, Mường Hum, Gia Phú ( huyện Bát Xát), Kim Sơn, Việt Tiến ( huyện Bảo Yên), Thanh Phú, Tả Van ( huyện Sa Pa). No zos têx thax tsav chêx chôngk chôngz tsôngv box, muôx ntâu têx tul đêx thiêz tsêr meir đêx tênhv lox. Hâux lưv njuôs siv, xav tênhv tsênhz mênhx đêx nas zuôr paz chinhr quyênx tiv phaz, tsôngv box thêiz têx tsêr meir đêx tênhv txu grês qênhx shênhx đêx cuôr yôngz, tox poz. Têx tsêr meir đêx tênhv zuôr njuôs xav tâu têx đêx huv đros, taz por trâu thax tsav kis./.

(An Kiên- Txâur Vax cxeik nhênhv)

Chênhr zos uô jông luôs hâux lưv tir thêir tsik chiê hluôr tơưk cuz jôngr, li ntơư hâur chêix ntux kruôr shông no, sâuv thax tsav tỉnh Yên Bái tsik pov muôx yưv txuz tưs uô hluôr tơưk cuz jôngr ntông.

Uô tâu truôx têx luôs hâux lưv hêik ntơư, ciês hâur shôngk shông, lực lươngx sêiz car jôngr ntông tỉnh Yên Bái tưz qênhz đuô hur si  1.500 thax tsav qơư sêiz car tsưx phưv jôngr thông; cxiv tsa tâu 300 ntâu lênhx đros tsưx phưv jôngr thông, tir thêir tuô hluôr tơưk thiêz tsưr tsix  trâu 85 cxênhz lênhx px ký ntơưr đros tsưx phưv jôngr ntông tsik chiê hluôr tơưk cuz. Zơưv Mai Mộng Tuân, Chi cục trưởng chi cục kiểm lâm tỉnh Yên hêik pâuz:

“Txix ciês hâur chêix ntux kruôr, chi cục kiểm lâm tưz đros hâu nov cxuô tsênhv qơư yax kriê tsôngv px uô jông luôs hâux lưv tsưx phưv jôngr ntông tsik chiê hluôr tơưk txêik cuz. Chox car  Kiểm lâm Mù Cang Chải, Trạm Tấu sik côngv đros trâu cxuô xã, tsưr tsix cơưv shâuv tir thêir tuô hluôr tơưk. Chênhr zos li hêik ntơư, hâur shông 2016-2017 no, sâuv thax tsav tỉnh Yên Bái cux tsik pov muôx yưv uô hluôr tơưk cuz jôngr ntông”./.

                                                  (Tsu cxêik nhênhv-Xuân, TB)

Đhâu 1 luz hlik ntâu qênhz yuôx, xav tênhv cxix cxuô, zar hnuz keix hnuz 17/5, chiz coaz cảnh sát qênhz yuôx, Công an thành phố Điện Biên Phủ, tỉnh Điện Biên tưz ntês thiêz tik cêr cxâuv đros Cao Bá Tuấn, xênhz shông 1976, nhoz phường Thanh Trường, thành phố Điện Biên Phủ viv zuôv têx mê nhuôv nxeik uô đaz uô tuôs. Công an thành phố Điện Biên Phủ li cuiz tênhv ntês cxâuv số 25, hnuz 16/5/2017 heik tsênhz mênhx: Cao Bá Tuấn tưz zuôv tul nhuôv nxeik N.N.H xênhz shông 2013 nhoz phường Thanh Trường, TP Điện Biên Phủ uô đaz uô tuôs. Uô cxâuv grê 116, Bộ luật tố tụng hình sự têz qơưk Việt Nam. Viv li Viện kiểm sát Thành phố Điện Biên Phủ tưz cuiz tênhv ntês cxov chiê qênhz yuôx, yưr lir lơưr pháp luật li cui tênhv./.

( Vũ Lợi- Txâur Vax cxeik nhênhv)