Hnuz 18/1, Đại tướng Đỗ Bá Tỵ, phưv chủ tịch côx hôiv tưz chuôr yuô, khơưk muôz huv tsiêz trâus pox nhuôs qơư trâus ntux nas chuô ruôr hiêv xã Phìn Ngan, huyện Bát Xát, tỉnh Lào Cai. Phưv chủ tịch côx hôiv Đỗ Bá Tỵ tưz khơưk muôz huv tsiêz trâu 10 ziv chuôz zis pluôs, hâur co muôx 6 ziv chuôz zis tsik muôx tsêr nhoz thiêz cxuô zav đhâu trâus ntux nas chuô ruôr hiêv, ar poz. Phưv chủ tịch côx hôiv hênhr kruôk cấp ủy, chính quyền tiv phaz thiêz tsôngv box cxuô mênhx cxưx li sir jos khưx phưx têx trâus hiêv; thôngx cxix hêik pox nhuôs tso siêz truôx tuk luz nênhx, sir jos uô xênhz yar, huôv tsar kinh tế, xã hội, gra siêz luz nênhx chênhz yênhx trâu pêx xênhv tiv phaz, tiv zix zos pox nhuôs thax tsav trâus hiêv; hâur jiês tsiêz kêiz shông 2017 tsuv taz por lênhx tưs cux muôx tsiêz nox. Đros hnuz, phưv chủ tịch côx hôiv Đỗ Bá Tỵ cux tưz chuôr yuô, phôngv tsiêz cán bộ, chiến sĩ bộ chỉ huy quân sự tỉnh Lào Cai, Công an tỉnh Lào Cai, đônx pênhz phax Trịnh Tường, A Mú Sung (huyện Bát Xát), chuôr yuô Hội bộ đội lâul tỉnh thiêz sêiz nus niêv Việt Nam zênhz shôngx ntơưv thành phố Lào Cai./.

(An Kiên-Lik Thox cxêik nhênhv)

Đros trâu hâux lưv fuô kriê uô jông dưv anr chaz têx xor tênhv tênhz trâu têx chuôz zis tsôngv box tsi tâu muôx tênhv tênhz tơưk hâur thax tsav tỉnh Sơn La, six hơưv đhâu, Công ty tênhv tênhz Sơn La tưz sir zôngv têx nhiêx txiêx txix chor nhiêx cxênhx txuôs tâu hâur uô nox uô hâuk chiê yưv pênhr cxiv uô 5 qơư tik thiêz txuôk têx xor tênhv chaz muk trâu yênhx thax tsav, chuôz zis, ntêr muôx 12 cêik thiêz qơư trâu têx six hơưv seiz shuôs tênhv, chaz xor tênhv têz qơưs trâu 364 chuôz zis tsôngv box têx jok tsi tâu muôx tênhv tênhz tơưk hâur xã Đứa Mòn, huyện Sông mã, tỉnh Sơn La. Xav txos hnuz 17/1, Công ty tưz tik thiêz txuôk têx xor tênhv chaz muk trâu 260 chuôz zis tsôngv box nhoz têx jok li: Huổi Lạnh, Nà Lốc, Phiêng Muông, Tạng Sơn. Nhiv no, Công ty tênhv tênhz Sơn La tsênhv zênhx max tik têx xor tênhv chiê chaz tâu muk txos trâu 104 chuôz zis tsênhv yuôr, sir jos uô cov tiêr uô ntêx tsiêz têz qơưs keiz shông 2017./.

(KT-Riê Lâux cxeik, nhênhv)

Tsuôk yuôr tsik muôx 2 ciêz lơưv tưz zuôr txos tsiêz. Ntu no đros têx huôx tôngv zuôr muôs, thâux xa hax huv phưx vưv tsiêz mak chor nênhs phamv cxâuv cux phiv liv thiêz chuôz ndê. Viv li, chiê pêx xênhv cxuô mênhx cxưx hâur tỉnh tok tsiêz shir phaz, ngaz tuk, Công an tỉnh Lai Châu chuôz cxaz uô côngz xưv, lưx lươngv công an hêik trâu cấp ủy, chính quyền cxuô cấp phuôx huiz tas nro cxiv luôs chính trị li đas jos, phuôx tôngv jông phongz yaox tas nro pêx xênhv cxaz chuôz phax tar chor nênhs phamv cxâuv; pâuz thiêz cêir chêx têx vênhv thix phiv liv ciês ntơưv tiv phaz. Thôngx cxix tso 100 ntâu lênhx cán bộ, chiến sĩ muk trâu têx jêx jok chiê nriêr pâuz qênhx shênhx, sik côngv uô truôx ngaz tuk uô ntêx, hâur thiêz đhâu tsiêz kêiz shông 2017./.

(KT-Lik Thox cxêik nhênhv)

Chiê côngz têx xiv huv zuôr trâus txos phưx vưv tsôngv box cxuô heir nênhs tox siêz, thax tsav ntus đriv hâur six hơưv tsiêz têz qơưs, paz truôx tuk grê, six hơưv đhâu, Tsênhv qơư cxơưz cxiz muôv muôs, sở Công tthương tỉnh Điện Biên tưz krêz uô jiês 4 ciêz tox siêz ntơưv têx huyện: Mường Nhé, Nậm Pồ, Tủa Chùa thiêz Điện Biên Đông đros têx xiv huv li: njêr, mì chính, đêx cuô njêl njêr, mì tôm, xaz phôngx, suz thax njêr, cuô mik, tsôngk trik yo, khâu, têx chuôz zênhx tưx têis, qir zuôv, têx krâur puz tsiêx cxu….. Đhâu 4 jiês ciêz no, tưz hu zâuv 11.500 lênhx kruô tuôx ndis seiz, zuôr têx xiv huv; sâu tâu txix muôs huv tâu muôx 4 tỷ đeiv. Têx doanh nghiệp cxaz chuôz muôs huv phênhv ntâu zos têx Công ty muôx suôz bê to li lênhx nênhs thiêz iz cxiê doanh nghiệp muôs tsơưs iz kro mê njik têx huv, viv li grê muôs têx xiv huv ntơưv chor ciêz heik sâuv puôr lênhx fênhx zis đuô lok sik bâuv li grê muôs hâur ciêz đrôngs. Trơưk ngênhx muôx vax huôv ntâuk grê, txos iz jiês no, têx hax huv phưx vưv tsiêz cux tsênhv tuôr truôx grê muôs li kuz, tsi pov tsar ndê grê, muôx li chas yưv./.

(KT-Riê Lâux cxeik, nhênhv)