400 ntâu lênhx nênhs hlôngr njêx muôs trâu 200 cxênhz lênhx shux xênhz hâur tas nro tỉnh Lào Cai tưz hmôngr jông tâu muôx njêx muôs ntơưv ntênhs kruôs thiêz muôz têx ntơưr kruôs shông cơưv 2016-2017, zos UBND tỉnh Lào Cai tsưr tsix. No zos têx shux xênhz sir jos cơưv ntơưr hênhr hâur shông nhiv kruôr đhâu. Hâur shông cơưv 2016-2017, chor shux xênhz cơưv tâu ntơưr jông hâur tỉnh tưz tsar ndê ntâu đuô pir li têx shông uô ntêx. Ciês têx shux xênhz tưr thik tâu shux xênhz cơưv coz cấp têz qơưk, cấp tỉnh, cấp huyện, TP hâur jiês thik têx jax vênhx huôv, nhênhz chơưv khoa học, thêv thao....tsar ndê ntâu đuô pir li shông cơưv 2015-2016. Hâur têx shux xênhz heik no cux muôx ntâu lênhx zos shux xênhz heir nênhs tsơưs nhoz têx thax tsav tox siêz, thax tsav txov nhêv hâur tỉnh./.

(An Kiên-Chia dịch đọc)

Xav txix hâur shông 2016 txos nhiv no, nganhx y tế huyện Điện Biên Đông, tỉnh Điện Biên muôx zuôr xar 120 lênhx nênhs nox yuôx tuôs uô 41 lênhx nênhs tuôs, chor nênhs tuôs tiv nox yuôx nox tuôs tưz chuôz ndê siêz đuô pir li chor shông uô ntêx. Txơưv ntu đhâu, chính quyền tiv phaz tưz sir jos uô côngz xưv yax kriê taz sik chêx cur tax tâu tsik siêz, viv pêx xênhv li jênhv pâuz cux tsênhv kik thiêz qir tiv nox yuôx tuôs mak muôx ntâu zuôr lax qênhz yuôx tâu./.

(Vũ Lợi-Lik Thox cxêik nhênhv)

Tas cik hnuz xiêz 1/6, Công an tỉnh Sơn La tsưr tsix cơưv siz seiz lax lok têx mông txuz yêz siz yar siz tsông tâus cêr hmo 13/5 hâur thax tsav TP Sơn La, uô iz lênhx nênhs trâul tuôs tsênhv uô trâu tsôngv box sơưr đơưk heik ntâu txos.

Uô ntêx ntơư, thâuv 12 six iz tak hmo hnuz 14/5, qênhz pov iz paz nênhs cheix 5 luz yêz meir jông  xưk li xar siz tưr cheix yêz tâus cêr sâuv txox cêr Tô Hiệu.... Têx lênhx nênhs uô hâux lưv txiv ngaz tưz heik cov đêk yêz, taz sik chor nênhs heik sâuv tsi mnôngs, tsênhv ziv tsar yêz muk chênhr, hâur ntơư muôx 2 lênhx cheix iz luz yêz meir tsi tso tênhz yêz chis, tsar muk chênhr trơưk txox cêr muk trâu Mường La lơưr tỉnh txox cêr sô 106, txos cêik cêr 10+450, ntu ndê tox, lêv ntơư txơưv uô yêz đrâu trâu poz jêz, tos muk tsông tsas cêr, lênhx nênhs trâul saz; qênhz pov 2 lênhx nênhs trâul saz, lưv lươngv muôx vax huôv Công an TP Sơn La tưz zênhx max zôngv 2 luz yêz meir chox lok chơưv kho trâu tsêr kho moz Đa khoa tỉnh Sơn La, taz sik iz hâur 2 lênhx nênhs ntơư tưz trâus tuôs.

Heik suô luk ntơưv jiês cơưv, Thượng tá Trần Thanh Sơn, Tsar phòng Tham mưu Công an tỉnh Sơn La heik pâuz: Công an tỉnh zuôr tror tsưr tsix qênhz yuôx, xav jênhv chiê uô tsênhz mênhx txuz nuv no. Têx cêr cxâuv, uô cxâuv chei txos tưs zuôr tik cêr cxâuv txos ntơư. Zos lênhx canr bôv, chiến sỹ tưs uô cxâuv mak zuôr tiz jông kiểm điểm, tik cêr cxâuv trơưk đreiv li chei têz qơưk cui tinhv./.

(Thu Thùy-Riê Lâux cxeik, nhênhv)