Shông no zos shông xuz thơưx ciês côngz xưv sêiz car ciêz đrôngs jiês tsiêz ntơưv Lào Cai tâu uô lơưr yênhx tiv phaz. Lơưr co, 9 đội sêiz car ciêz đrôngs nhoz 9 huyện, thành phố hâur tỉnh khov lơưr thax tsav sêiz car chiê cxiv tsa tsưr ziv uô hâux lưv. Ciês thâuv kaz hli 11/2016, chor jiês sêiz car ciêz đrôngs tưz tâu kriz uô sâuv tas nro tỉnh, gra siêz tiv zix chêx cur phax, tar muôl muôs hax huv chuôr, tsik zos chêi, tsik taz por tsơưr lươngv, taz por ngaz tuk vêv xênhz zav nox sâuv thax tsav uô ntêx, hâur thiêz đhâu tsiêz. Công xưv sêiz car ciêz đrôngs zos tsêx tsung trâu chor hax huv phưx vưv tsiêz; khov têx muôx nhoz yênhx tiv phaz, côngz xưv sêiz kaz, xưv lik nênhs uô zuôv tâu uô ntơưv chor ciêz chênhr, ciêz lox, tsênhv qơư, tox siêz, ntus đriv. Txix thâuv kriz uô chor jiês hâux lưv, lưx lươngv sêiz car ciêz đrôngs tas nro tỉnh tưz qênhz yuôx 252 jiês, xưv bluô nhiêx txiêx 73 txuz đros chor nhiêx zos 120 triệu đêiv, xưv lik chor hax huv phạm cxâuv tsiv gri zuôr xar 400 triệu đêiv./.

(TTT-Lik Thox cxêik nhênhv)

Nhiv kruôr đhâu, tsênhv qơư hux jos đros uô hâux lưv zok nriêr chơưv paz lênhx tiz nênhs hâur têx đêx hiêr VN, muk muôz huv thiêz phôngv tsiêz tsôngv box cxuô heir nênhs ntơưv xã Chiềng Yên, huyện Vân Hồ, tỉnh Sơn La. No zos shông tiv 4 siz lơưr liês Tsênhv  qơư heik sâuv tsưr tsix tsaz yênhx uô têx nuv jông siêz siz chos paz trâu têx ziv chuôz zis tsôngv box thax tsav tox siêz đêz đrôngs chiê heik lok têx cêr siz hluz siz paz viv nênhs pluôs. Chor shông đrav ntêx, Tsênhv qơư no tsưr tsix muôz huv puz trâu tsôngv box cxuô heir nênhs ntơưv têx tỉnh Hà Giang, Lai Châu. Hâur jiês siz chos gôngr paz trâu têx nênhs pluôs shông no, Tsênhv qơư muôz 50 poz huv puz trâu tsôngv box xã chiềng yên. Co zos chor canr bôv, công nhân viên tsênhv uô hâux lưv ntơưv Tsênhv qơư heik co li têx siêz jông, siz chos gôngr paz trâu tsôngv box sđ./.

(KT-Riê Lâux cxeik, nhênhv)

Ntu đhâu, sâuv thax tsav chor huyện tox siêz tỉnh Yên Bái jêx tưv piz grêk kik, đros ntux nas, muôx qơư kik đuô 14 tưv. Chor tiv phaz hâur tỉnh Yên Bái tsênhv bax phax tar ntux no trâu tsiêx cxu.

Tỉnh Yên Bái nhiv no muôx 635 cxênhz ntau tuk tsiêx cxu. Tiv uô jông côngz xưv phax tar caz moz thiêz ntux no, viv li txos nhiv no chor tsiêx cxu hâur tỉnh cux tsik trâus hiêv. Taz sik, chính quyền chor tiv phaz tsik tso siêz, tiv zix zos thâuv txos tsiêz muôx ntux nas, no njiv, zos six hơưv pox nhuôs nox tsiêz, uô si lov jêv. Lơưr co, chor tiv phaz tsuv sêiz shuôk jông qiv hơưv no njiv, hêik pêx xênhv tsoz phưz jông chor tsiêx cxu. Thôngx cxix uô jôngz phax tar caz moz trâu tsiêx cxu, tsik chiê tsiêx cxu trâus tuôs. Tix lâus Phàng A Phà nhoz jok Tà Xùa, xã Bản Công, huyện Trạm Tấu puz pâuz:

“Tâu têz qơưk hêik pâuz pox nhuôs cux tưz thêr vor têx tsêr guôx tsik chiê tsiêx cxu trâus tuôs no. Cur chuôz zis mak cux uô cxix cxuô têx tsêr guôx thêir vor jông trâu tsiêx cxu lơưv”./.

(Đinh Tuấn-Lik Thox cxêik nhênhv)

Uô lơưr Tổng Liên đoanx Lox tôngv VN li chox kriê lok sâuv hâux lưv tsoz phưz luz nênhx nox nhoz trâu công nhân, viên chức, nênhs lox tôngv hâur six hơưv tsiêz têz qơưs keiz shông, nhiv kruôr đhâu, Liên đoanx Lox tôngv tỉnh Điện Biên tưz tsưr tsix tsaz yênhx tsiêz sor si shông 2017. Liên đoanx Lox tôngv tỉnh tsưr tsix njiz njêx muôs têx doanh nghiệp tưz paz txoz cxơưx, tsoz phưz jông luz nênhx nox nhoz trâu nênhs lox tôngv hâur six hơưv đhâu; muôz 62 phênhv huv puz trâu công nhân lox tôngv muôx luz nênhx txov nhêv. Iz chas ntơư, têx lênhx hlôngr njêx muôs hâu nov Liên đoanx Lox tôngv tỉnh tưz paz lênhk txeik 7 Cơ quan, taz viv doanh nghiệp li têx huv paz đros thiêz zuôr xar 50 tsov đeiv; muôz côngz mênhx uô tâu hâux lưv jông viv nênhs lox tôngv trâu 4 taz viv, doanh nghiệp…./.

(KT-Riê Lâux cxeik, nhênhv)