Trơưk li Bộ Nội vụ ntơưv hội nghị hêik lok cxuô luôs hâux lưv uô tâu tiêr 600 lênhx cán bộ hluôk uô phó chủ tịch xã sâuv cxuô tỉnh thax tsav faz Bắc, tâu tsưr tsix trâu hnuz 23/5, trâu ntơưv tỉnh Laox cai, cxuô tỉnh faz Bắc tưz xêir tsov tâu 182 đội viện dự án; hâur ntơư, Điện Biên muôx 32 đội viên, Lai Châu 47, Sơn la 49, Laox cai 34, Yên Bái 20 đội viên. Đhâu tâu xêir uô phó chủ tịch xã, ủy ban cxuô xã tưz cơưv, uô cxuô luôs hâux lưv cov tsênhz mênhx. Hâur 5 tỉnh muôx 107 đội viên dự án tâu choz zok hâux lưv sêiz car kinh tế-vênhx huôv, xã hội txênhz txos 41%. Zơưv Đăng Xuân Phong, chủ tịch ủy ban tỉnh laox cai hêik pâuz:

           “Pêz muôx 34 xã sâuv thax tsav 3 huyện pluôs, tâu tso chor cán bộ hluôk lok uô phó chủ tịch xã. Cxuô lênhx hluôk ntơư, cux uô tiêr cxuô luôs hâux lưv zok muôz”./.

                                                     (Tsu cxêik nhênhv-An Kiên)

Zar hnuz kêix hnuz 25/5, tỉnh Điện Biên tsưr tsix ntênhs kruôs jông txos 136 lênhx cưk kriê ntơưr, shux xênhz uô tâu ntâu hâux lưv jông hâur têx jiês tưr thik cấp têz qơưk shông cơưv 2016-2017.

Luôs hâux lưv uô zênhx max no zos tôngv zênhx têx shux xênhz cơưv ntơưr coz thiêz chor cưk kriê ntơưr txơưx njê muôx txux chi tsưr ziv kriê ntơưr jông, lar heik zos đros thiêz iz tỉnh tox siêz tsênhv yuôr ntâu txov nhêv li Điện Biên tưz paz lok six ntâu chiê trâu têx cưk kriê ntơưr thiêz shux xênhz sir jos đuô thiêz hâur six hơưv zuôr txos.  Đhâu ntơư zos qơư chiê têx tsêr cơưv sir jos gra siêz tsơưr lươngv zoz zux, uô tiêr tâu jông cxuô luôs hâux lưv lok huôv tsar zoz zux thiêz thox cxov hâur têx ntu lơưr co.

Ntơưv ntênhs, Ban tsưr tsix tưz muôz Bộ zoz zux thiêz thox cxov 24 đeiv ntơưr kruôs, UBND tỉnh Điện Biên 6 đeiv đros trâu ntâu ntơưr kruôs, côngz mênhx uô tâu nuv jông trâu têx cưk kriê ntơưr, shux xênhz tưr thik tâu jông hâur têx jiês thik cấp têz qơưk shông cơưv nhiv kruôr đhâu./.

(Vũ Lợi-Riê Lâux cxeik, nhênhv)

Hnuz 23/5, Ban sêiz car faz Bắc đoanx côngz xưv, zos Vũ Anh Tuấn,  Ban sêiz car faz Bắc uô tsar đoanx tưz uô hâux lưv đros trâu iz cxiê Ban ngênhx tỉnh Sơn la.

Đhâu têx xor mông hêik lok huôv tsar kinh tế-xã hội hâur thax tsav tỉnh; lar hêik zos luôs hâux lưv sêiz car fuô uô trơưk tsênhv chêi, hlôngr yiêz huôv tsar cêr uô nox trâu tsôngv px hêir nênhs tsơứs nhoz thax tsav txov nênhv, tox siêz đêz đrôngl chiê txo grêk tâu iz thênhv jux juk cêr yêiz pluôs đros trâu luôs hâux lưv cxiv tsa jêx jos yiêz cov tsongv px heir nênhs tsơứs muôx luz nênhx truôx tuk./.

                                                  (Tsuv cxêik nhênhv-KT)

Jiês tưr thik cơưv tiêr ntơưr shông no, tỉnh Sơn La, muôx iz qơư thik uô cê zos Sở zoz zux thiêz thox cxov seiz car, Học viện chính trị têz qơưk thiêz têx tsêr cơưv Đại học Tây Bắc, Cao đẳng Sơn La tso canr bôv cxaz chuôz Hội đôngx thik thiêz têx ban hâur hội đôngx thik. Jiês thik no zuôr qir thik txix hnuz 21/6 txos 24/6, muôx 43 qơư thik, 9.612 lênhx shux xênhz đas cir dự thik; 466 qar thik nhoz ntơưv têx tsêr cơưv cấp 3 thiêz tsênhv qơư zoz zux kriê nuv uô-zoz zux thường xuyên. Taz por trâu jiês thik truôx jông, trơưk tsưr ziv, Sở zoz zux thiêz thox cxov tưz tsưr tsix kriê cxaz txux chi tsưr ziv yuôr trâus lok sâuv tsưr tsix thik thiêz zôngv têx meir seiz thik. Lar heik, chêx tsôngk trâu tsênhv njiêz têx kror nhiv kruôr muôx yiêz hâur jiês thik, têx jax thik thiêz tsưr ziv tsưr tsix jiês thik, seiz lax lok sâuv hâux lưv khưx phưx têx tsênhv uô tsi tâu tâu ntơưv jiês thik cơưv tiêr ntơưr lớp 12 thôngz têz qơưk shông 2016; sir jos uô jông hâux lưv qênhz yuôx tsưr tsix trâu shux xênhz đas cir dự thik..... Txos iz jiês no, Sở tưz uô tiêr tas cxuô luôs hâux lưv bax trâu jiês tưr thik./.

(TTT-Riê Lâux cxeik, nhênhv)