Nganhx vênhx huôv, Thể thao thiêz Du lịch tỉnh Lào Cai puz pâuz, tưz muôx 70.000 ntâu lênhx kruô tuôx trâu Sa Pa hâur jiês so hnuz 30/4 thiêz 1/5. Pir li six chênhz shông 2016, chuôz ndê 30% thiêz cux zos jiês kruô tuôx trâu Sa Pa chôngz tiv zix txix thâuv ntêx txos nhiv no hâur chor jiês so li no.

Chor kruô tuôx Sa Pa zos chiê ndis shuôk têx qơư nto bê li trongz Hàm Rồng, jok Cát Cát…ntơưv qơư Cáp treo Fansipan zss qơư kruôz tuôx ndis shuôk uô si chôngz tiv zix đros muôx 40.000 ntâu lênhx kruô hâur 4 hnuz so. Hâur jiês so no, 300 ntâu qơư nhoz so, xar muôx 6.000 qar nhoz Sa Pa muôx chôngz nênhs nhoz tiv zix. Chor qơư đrêk yêz lox công côngv tâu uô chiê trâu kruô đrêk yêz. Chor hnuz no mak têx yêz lox hênhr tsik khênhr muk đhâu Sa Pa chiê txar jav tâu têx phiv liv tsik jông lok zoz thôngz./.

(An Kiên-Lik Thox cxêik nhênhv)

Hnuz xiêz 2/5 zos hnuz so uô kaz hâur ntênhs so 30/4 thiêz xiêz 1/5, chor kruô ntơưv têx qơư tsav yêz tok xa kruô tỉnh Sơn La muôx chôngz lênhx đuô viv nênhs lox tôngv, canr bôv, shux xênhz, sơưr đơưk tror tuôx trâu têx qơư uô hâux lưv, tsêr cơưv ntơưr đhâu 2, 3 hnuz so.

Txix têx li heik ntơư, têx doanh nghiệp yêz lox, yêz taxi hâur thax tsav tỉnh tưz bax tsưr cxiv tsa uô luôs hâux lưv tsar ndê ntâu yêz thâux xa kruô mul lok, heik têx lênhx tsar yêz cov moz siêz, tiz jông tsar yêz thâux xa kruô mul lok truôx tuk, tsi chiê muôx têx tsi jông yưv siv.

Zos iz hâur têx công ty yêz lox thâux xa kruô mul lok lox hâur tỉnh Sơn La, zuôr xar 200 luz yêz thâux xa kruô mul lok sâuv 20 ntâu txox cêr mul lok hâur tỉnh, hâur hnuz so ntênhs uô kaz no, công ty yêz kruô số 1 Sơn La tưz bax tsưr ziv chuôz tsar iz txox cêr nzir 3 txos 5 luz tsêr, iz chas ntơư heik têx lênhx tsar yêz uô jông trơưk công ty têx cui tinhv. Pos Phạm Thị Lan, Phưv phòng tsưr ziv-kỹ thuật Công ty yêz kruô số 1 Sơn La heik:

Băng: "Hâur hnuz so uô kaz no, chor kruô mul lok sâuv têx cêr chuôz tsar chôngz lênhx, pêz công ty tưz bax cxiv tsa tsưr ziv, têx yêz, heik chor nênhs tsar yêz uô jông trơưk Công ty têx cui tinhv chiê taz por tsơưr lươngv phưx vưv jông yax têx kruô mul lok sâuv têx cêr"./.

(Hoàng Long-Riê Lâux cxeik, nhênhv)

Hnuz 2/5, zos hnuz so uô kaz ciês hâur jiês so hnuz 30/4 thiêz 1/5, pêx xênhv Yên Bái li zoz qơưx muk lok chuôz ndê siêz, tiv zix zos muk trâu Hà Nội thiêz chor tỉnh tiêx đras.

Đros xar muôx 30 taz viv cxaz chuôz thâux xa kruô hâur thiêz đrâuv tỉnh, oz taz viv thâux xa txix taxi, 70 chuôz zis thâux xa kruô txix uô hux thôngx. Ntơưv qơư tsar đrêk yêz Yên Bái, 15 phênhz mak muôx iz luz yêz muk trâu Hà Nội, chor yêz muk trâu Thái Nguyên, Lào Cai, Nam Địh, Thái Bình cux muôx tsik so, tax tâu tsôngv kruô li zoz qơưx. Chor qơư tsar yêz têx huyện cux taz por trâu tsôngv kruô muk lok.

Lơưr chor taz viv thâux xa kruô, tiv muôx chôngz shux xênhz muk tsêr cơưv thiêz nênhs uô hâux lưv tror muk trâu qơư uô hâux lưv viv li zuôr chôngz nênhs, chor taz viv thâux xa kruô zuôr chuôz xcaz nzir yêz thâux xa phưx vưv tsôngv kruô chiê tax tâu zoz qơưx./.

(Thừa Xuân-Lik Thox cxêik nhênhv)

Six hơưv so 30/4 thiêz xiêz 1/5 shông no ntêr 4 hnuz, chor kruô tuôx ndis shuôs uô si trâu têx qơư di tích lịch sử nhoz tỉnh Điện Biên muôx chôngz lênhx. Ntơưv têx qơư di tích li: Qơư ndo txiêx njis ntâuk zênhx trok châuz Điện Biên Phủ, Trôngz A1, qơư por hưv tsês chiê têx cêr lịch sử tir ntâuk trok châuz Điện Biên Phủ, kror tâuz Đờ Cát, qox Mường Thanh,....thâuv tưs cux muôx ntâu kruô mul lok ndis seiz, cxeik zênhx zav. Txix cxênhx hluôk txos trâu chor lâuk, têx lênhx bôv đôiv lâuk tưz muôx jiês tâu đros cxaz chuôz tir ntâuk trok châuz Điện Biên Phủ tror tuôx ndis seiz têx qơư tsav trok đrav ntêx. Lênhx tưs cux shir phaz, jông siêz thâuv tuôx seiz chor tuz lênhv têx qơư di tích tir ntâuk trok châuz kuôk no 63 shông tror đrav ntêx./.

(TTT-Riê Lâux cxeik, nhênhv)