Shông 2017, zos shông tiv 2 tỉnh Sơn La kriz uô nghị quyết đại hội Đảng cxuô cấp. Cxuô cấp ủy, chính quyền cxuô cấp, chor tiv phaz, taz viv hâur tỉnh tsênhv tsêx trung lênhx tov, chox kriê, tsưr tsix uô tiêr chor tsưr ziv tsênhv njiêz, paz muôx hlôngr yiêz hâur huôv tsar kinh tế-xã hội, paz thơưz chuôz ndê kinh tế nhoz phênhv huv đros; taz por ngaz tuk xã hội thiêz tsoz phưz luz nênhx trâus pêx xênhv. Sir jos uô thiêz gra siêz tsơưr lươngv cxiv tsa jêx jok yiêz đros thiv pluôs truôx đrênhk. Sir jos hlôngr yiêz hành chính; paz muôx hlôngr yiêz hênhr hâur côngz xưv phax tar nox nhiêx têz qơưk, cxênhx txuôs, tsik lav phêv. Cxiv uô qơư phax tar truôx, tuôr jông ngaz tuk chính trị-xã hội, ngaz tuk têz qơưk thiêz xã hội; uô jông muôx chêx cur côngz xưv đối ngoại, uô truôx coangz siv thôngx ziv thiêz sik côngv cxuô nro đros chor tỉnh Bắc Lào./.

(Báo SL-Lik Thox cxêik nhênhv)

Zos huyện pluôs, ntus đriv, thax tsav lox đar, tsôngv box nhoz tsi uô cê, têx ziv chuôz zis yeiz pluôs tsav txos 68%....viv li luôs hâux lưv uô tiêr têx tsưr ziv lok cxiv tsa jêx jok yiêz ntơưv huyện Mường Nhé, tỉnh Điện Biên njiz trâus ntâu phiv liv viv têx li heik sâuv. Txos nhiv no, huyện nhiv kruôr uô tâu 2 hâur 19 tsưr ziv tso tơưv zos: tsưr ziv lok sâuv cxiv tsa cxix luôs tsưr tsix chính trị, XH truôx jông thiêz txiv ngaz, ngaz tuk XH./.

(Báo Điện Biên-Riê Lâux cxeik, nhênhv)

 Chiê uô lơưr shông du liv têz qơưk Lào Cai-Tây Bắc 2017, Công ty cổ phần vận tải cêr hlâu Hà Nội (Haraco) zuôr txo grêk gri  chor vé tàu muk txix Hà Nội-Lào Cai txix 7 txos 20% gri vé nhiv no trâu chor kruô chôngz txix 20 lênhx tror sâur hâur shông 2017. Tsaz yênhx no chiê zaz zâuv tsôngv kruô du liv Việt Nam thiêz ntiêx têz tuôx Lào Cai thiêz chor tỉnh Tây Bắc txix cêr hlâu. Đuô li, công ty cux zuôr tsưr tsix div vuv siz txuôk txix ga Lào Cai txos trâu têx qơư muk txos, xưk li nriêr yêz thâux xa kruô txix ga Lào Cai, xa tok kruô ntơưv chor tsêr kruô nhoz Sa Pa đros gri zos 35.000 iz lênhx kruô thiêz zuôr muô qơư nhoz so tok tàu ntơưv oz luz ga Hà Nội thiêz Lào Cai chiê phưx vưv trâu tsôngv kruô jông tiv zix./.

(Báo Lào Cai-Lik Thox cxêik nhênhv)

Công an tỉnh Lai Châu đros têx taz viv cik txos tưz fuô uô tsưr ziv ro por tsês têx zênhz hâur thax tsav xã Tà Tổng, huyện Mường Tè. Lưv lươngv muôx vax huôv tưz vênhv tôngv, yax kriê tsôngv box, cov ro por tsês 16 thax têz zênhz, muôx zuôr xar 14 cxênhz xưv phaz ar têz tsêz chos zênhz. Iz chas ntơư tưz heik, vênhv tôngv tsôngv box cov tsi cxoz tsêz chos zênhz trâu 212 thax têz tưz luôx thiêz ndơưk tâu tsês njuôk xav zos zuôr uô zênhz trâu./.

(Báo Lai Châu-Riê Lâux cxeik, nhênhv)