Qênhx shênhx tơưs cuz hâur thax tsav tỉnh Yên Bái tror muôx yưv phiv liv. Shông 2016, tas nro tỉnh tưz muôx 86 txuz tơưs cuz, uô tuôs 4 lênhx nênhs; 2 lênhx trâus saz; uô ruôr hiêv lok kinh tế zuôr xar 5 tỷ đeiv. Trơưk li lưv lươngv cảnh sát phax cuz tuô cuz thiêz chơưv paz lênhx tiz nênhs, têx chuôz zênhx chuôz tas Công an tỉnh Yên Bái, pir li shông 2015, têx txuz hluôr tơưk cuz tsôngv box tsêr, qơư uô hâux lưv thiêz har jôngr hâur shông 2016 tưz txo grêk tsơưs, taz sik lok sâuv uô ruôr hiêv mak tas ntâu, hâur ntơư 12 txuz tơưs cuz uô hiêv tas 100 tsov đeiv tror zar sâuv. Nhiv no tsênhv zos cheix ntux kruôr gis, viv li qênhx shênhx tơưs cuz muôx yưv phiv liv, lưv lươngv Cảnh sát phax cuz tuô cuz thiêz chơưv paz lênhx nênhs Công an tỉnh Yên Bái tưz chêx tsôngk qênhz yuôx shuôs ntơưv têx qơư, thax tsav zôngx ziv muôx hluôr tơưk txeik cuz; yax kriê, vênhv tôngv gra siêz txux chi tsưr ziv phax cuz tuô cuz trâu tsôngv box sđ./.

 (Thừa Xuân-Riê Lâux cxeik, nhênhv)

Tin 2: Txos shông 2020, Lai Châu sir jos yênhx tỉnh huôv tsar trungz fênhx hâur thax tsav tox siêz faz Bắc. Chiê uô kror no, đros kror liv nhoz tiv phaz, đros têx tsênhv chêi jông tsov cưv, Lai Châu tsênhv paz tsar tov zôngx ziv tiv zix trâu chor nênhs yưv pênhr. Txơưv muôx kror liv lok đêx ar, qiv hơưv, khoangr yax…taz sik Lai Châu cux tsênhv zos iz luz tỉnh txov nhêv, đros chor chuôz zis pluôs chôngz. Đhâu jiês cơuvư paz thơưz yưv pênhr thâuv hâur hli 4, đros muôx thủ tướng chính phủ cxaz chuôz, Lai Châu tưz qênhz yuôx, kho đuô tsênhv chêi zaz zâuv, tsov cưv yưv pênhr sauv thax tsav, uô zôngx ziv têx ntâuz ntơưr, tsưr ziv pôngz kaz…txix co, tiv phaz tưz nzor khưx phưx têx phiv liv, tâu chor nênhs yưv pênhr njênhs njôngr./.

(KT-Lik Thox cxêik nhênhv)

Tin 3: Sở zoz zux-Thox cxov tỉnh Sơn La cxiv tsa tsưr ziv uô luôs hâux lưv phax tar nox nhiêx têz qơưs shông  2017 hâur ngênhx zoz zux-thox cxov. Iz chas ntơư, hâux lưv uô lơưr têx tsưr ziv phax tar nox nhiêx têz qơưs thôngz đhâu uô trơưk têx cui tinhv lok uô tsênhz mênhx luôs hâux lưv no hâur têx Cơ quan, taz viv têx nuv uô. Uô tsênhz mênhx hâur têx nuv uô li: qênhz yuôx, sâu têx nhiêx, zuôr têx chuôz zênhx, seiz car dưv anr yưv pênhr cxiv tsa; hâur têx nuv đơưk tu cơ quan, taz viv, xiz nênhs têx hâux lưv uz no; hâur hâux lưv tsưr tsix, canr bôv….. Hâur shông 2017, Sở zoz zux-thox cxov, qir qênhz yuôx hâux lưv uô lơưr chei têz qơưs têx cui tinhv lok sâuv phax tar nox nhiêx têz qơưs ntơưv 8 qơư nhoz hâur Sở zoz zux-thox cxov tâu uô uô cê đros trâu têx jiês qênhz yuôx hành chính, qênhz yuôx txơưx jênhv lênhx nênhs sơưr thơưx qơư zoz zux-thox cxov ntơư trơưk tsưr ziv qênhz yuôx niêx shông./.

 (KT-Riê Lâux cxeik, nhênhv)

Tin 4: Chor shông đhâu, tsaz yênhx chox hax huv Việt Nam lok trâu tox siêz, thax tsav nhoz đêz tưz paz trâ pêx xênhv tâu zôngv têx hax huv hâur têx qơư taz por tsơưr lươngv, huv đros zoz qơưx sir zôngv. No cux zos huôx tôngv tsênhv tsênhz uô lơưr cxiv vênhv tôngv “Nênhs Việt Nam tsov cưv sir zôngv hax huv Việt Nam”. Shông 2016, tsênhv qơư paz thơưz Thương mại tỉnh Điện Biên tưz tsưr tsix 4 jiês ciêz muôs hax huv Việt Nam ntơưv têx qơư tox siêz, nhoz đêz huyện Điện Biên Đông, Mường Nhé, Nậm Pồ thiêz Tuần Giáo, đros muôx 103 qơư muôs huv, thiêz txix 11-13 doanh nghiệp cxaz chuôz iz jiês muôs. Hax huv chor doanh muôs ntơưv têx ciêz puôr lênhx zos hax huv uô hâur têz qơưk, taz por tsơưr lươngv, gri huv đros…/.

(KT-Lik Thox cxêik nhênhv)

Tin 5: Txix zar hnuz kêix hnuz xiêz 1/01 tror zar sâuv, Lào Cai muôx ntux lok nas trâu cxiê qơư. Jiês ntux nas no tưz paz lok six jông trâu têx kôngz lôngk hloz huôv tâuk tsênhv thâuv tsêz chos tâu ntêr tsi muôx ntux nas paz. Muôx nas lok cux uô trâu cxiê qơư nông ntâu, uô txo grêk tsơưs têx txuz zôngx ziv tơưs cuz thiêz hluôr tơưk txeik cuz jôngr. Njuôk xav jiês ntux nas no ntơưv Lào Cai muôx têx lok txos tas hnuz xiêz 6/1 thiêx zuôr tu./.

(TTT-Riê Lâux cxeik, nhênhv)