Tar su hnuz xiêz 4/5, ntơưv tsêr tok kruô tuôx nhoz, so mul lok Tiến Thu, Tiểu khu 5, thị trấn Yên Châu, tỉnh Sơn La, Phongx phax tar zax zênhz Bôv đôiv pênhz phax Sơn La đros Zênhx pênhz phax Chiềng Tương Bôv đôiv pênhz phax Sơn La thiêz Công an huyện Yên Châu tưz ruôr por tsês tâu txuz plâuz 190L. Lênhx nênhs trâul ntêk tâu zos Mùa Thị Giống, xênhz shông 1986, nhoz ntơưv jok Bó Mon, xã Tú Nang, huyện Yên Châu, tỉnh Sơn La nhiês thâux gra zax zênhz chox muk muôs tsi trơưk chei. Têx chuôz zênhx sâu tâu zos 2 poz zênhz đơuz, 5 cxênhz ntâu njiêr yuôx shơư zênhz đros trâu iz cxiê chuôz zênhx txơưr đuô cik txos.

Nhiv no bôv đôiv pênhz phax Sơn La qir qênhz yuôx thiêz choz lênhx nênhs heik sâuv đros têx chuôz zênhx sâu tâu ntơư trâu Cơ quan muôx vax huôv xưv bluô, tik cêr cxâuv trơưk chei têz qơưk./. 

(Tuyết Lan-Chia dịch đọc)

8/ Têik cik 4/5, sâuv txos cêr 37, thax tsav jok Nước Mát, xã Âu Lâu, thành phố Yên Bái tưz muôx yưv iz txuz txiêz nanv zoz thôngz uô iz lênhx nênhs tuôs.

Lơưr pêx xênhv njiêz pov, thâuv 7 six sơưr nzor, luz yêz tải muôx biển số 21C-3554 zos tix lâus Nguyễn Phương Nam, nhoz ntơưv jok 3, xã Minh Tiến, huyện Trấn Yên tsar muk txix Yên Bái-Văn Chấn tưz sik yiêr đros luz yêz mêir muôx biển số 21T6-4187 zos niêv tix Hoàng Thị Miên, zus shông 1978, nhoz ntơưv jok Đức Quân, xã Minh Quân, huyện Trấn Yên tsar đros muk iz saz. Uô trâu luz yêz mêir puôk tas zar kaz yêz, niêv tix Miên trâus saz hnhar, đhâu co tâu pêx xênhv chox muk chơưv paz, taz sik tưz trâus tuôs thâuv tsênhv thâux muk tsêr kho moz. Qir tiv txuz txiêz nanv tsênhv tâu cơ quan txơưx jênhv qênhz yuôx uô tsênhz mênhx./.

(Thừa Xuân-Lik Thox cxêik nhênhv)

Tas cik hnuz xiêz 4/5, txeik tâu tsôngv box sơưr đơưk mông, ntơưv thax tsav cêik cêr 9, txox cêr lox số 70 nhoz xã Bản Phiệt, huyện Bảo Thắng, tỉnh Lào Cai muôx lênhx nênhs thâux gra têx xiv huv tsi trơưk chei, Đội qênhz yuôx Hải quan, Cục Hải quan Lào Cai đros Cục qênhz yuôx phax tir thêir têx nênhs nhiês zuôr muôs, thâux gra xiv huv tsi trơưk chei-Tổng Cục Hải quan thiêz Phongx PC 46, công an tỉnh Lào Cai tưz muk txos trâu thax tsav qơư heik sâuv trơưk li tsôngv box tso mông. Thâuv muk txos qơư, qênhz pov Phạm Văn Định, xênhz shông 1987, nhoz ntơưv xã Xuân Quang, huyện Bảo Thắng, tỉnh Lào Cai tsênhv fax thâux 5 cxênhz ntâu luz kê keiz.

Đhâu thâuv qênhz yuôx shuôs thiêz xav jênhv,  Phạm Văn Định krêz lênhk tiêk, chor kê keiz no fax thâux tsi trơưk chei txix Trung Quốc lok hâur Việt Nam đhâu thax tsav ndêx cxok kuôk cêv đriv têz số 108 hâur jok Na Lốc, xã Bản Lầu, huyện Mường Khương lok muôs hâur thax tsav.

Tổ côngz xưv tưz qir uô ntơưr xưv bluô Phạm Văn Định, tso tơưv quyết tinhv ntêk thiêz gra tas nro têx xiv huv heik sâuv lok trâu ntơưv Đội qênhz yuôx Hải quan qơư uô hâux lưv chiê xưv bluô thiêz tik cêr cxâuv trơưk đreiv li chei têz qơưk./.

(Thanh Thủy-Riê Lâux cxeik, nhênhv)

10/ Điện Biên zos iz hâur chor tiv phaz muôx siz zuôr nzor thiêz zuôr cxênhx jê siêz tiv zix hâur thax tsav Tây Bắc. Lơưr Ban mênhx cxưx tỉnh Điện Biên li thôngz sâu, 5 shông tror lok no, tas nro tỉnh muôx 1.500 ntâu gơưv niêv txir siz zuôr nzor thiêz zuôr cxênhz jê.

Phênhv ntâu chor gơưv niêv txir siz zuôr nzor thiêz cxênhz jê co zos tsôngv box mênhx cxưx tsơưs nênhs uô nênhx nhoz chor huyện tox siêz li: Điện Biên Đông, Mường Nhé, Nậm Pồ…sik zuôr nzor, siz zuôr nhoz chor nênhs zos nuk muôs, nênhx tsa tưz uô phiv liv txos đas jos thiêz muôx yưv ntâu phiv liv, tiv zix zos chor pox niêv. Nhuôs zâu tâu xênhz zus zuôr muôx moz trâus sêv khiz luz chêr, tsik muôx jos, iz cxiê lênhx nhiv no cux tsênhv uô nênhx nhoz khov trâu têz qơưk têx tsênhv chêi paz.

Chiê txo grêk qênhx shênhx no, tỉnh Điện Biên sir jos txos shông 2020 zuôr tir thêir thiêz txo grêk qênhx shênhx siz zuôr nzor thiêz zuôr cxênhz jê hâur tsôngv box mênhx cxưx tsơưs nênhs; txos shông 2025 tsik yuôr siz zuôr nzor thiêz txo grêk tsơưs ntâu siz zuôr cxênhz jê./.

(Vũ Lợi-Lik Thox cxêik nhênhv)