Hmo xiêz 6/5, ntơưv Quảng trường 7/5 TP Điện Biên Phủ, tỉnh Điện Biên tưz tsưr tsix tsaz yênhx nthuôr uô cêr lov jêv hơưv tok 63 shông hnuz ntâuk zênhx trok châuz Điện Biên Phủ (7/5/1954-7/5/2017) đros njiêz luk "Chi cax iz siv suôv qơư Điện Biên".

Tsaz yênhx tsưr tsix uô hâur iz six hơưv ntâu "Chi cax thiêz cêr chiê siêz"; " Têx côngz đas jos uô tâu jông hâur tir ntâuk trok châuz muôx nhoz đreiv hâur tsôngv box sơưr đơưk đruôz siêz"; "Việt Nam cêr chi cax trâu luz nênhx tov kaz"". Jiês tsưr tsix nthuôr uô têx cêr lov heik sâuv tưz tror cxiv uô đuô chor lâuk đrav ntêx têx txux chi, tsưr ziv tir ntâuk zênhx trok châuz. Têx jax cưr cxiêx, suôz gâux sênhr heik lok têx cêr tir ntâuk zênhx trok châuz đrav ntêx, heik lok luz nênhx hâur ntu ntơư....

No zos tsaz yênhx chiê kruôs txos têx tuz lênhv lâuk đrav ntêx tưz sir tas ntâu đas jos, trox nyar tir ntâuk trok châuz viv têz qơưk, viv tsôngv pêx xênhv luz nênhx; iz chas ntơư cux hêik kriê trâu chor tuz nhuôs cxênhx nhiv no pâuz txos têx cêr nhiêv têz nhiêv qơư, sir jos cơưv shâuv, uô trơưk têx lâuk đrav ntêx cêr uô nênhx jông./.

(Vũ Lợi-Riê Lâux cxeik, nhênhv)

Nhiv kruôr đhâu, ntơưv xã Phiêng Khoài, huyện Yên Châu, tỉnh Sơn La muôx coz nas đros lơưs truz ntêr ntơưv ntâu jêx jok, uô hiêv ntâu txos xênhz yar kôngz nuv.

Lơưr chôngz pêx xênhv nhoz no puz pâuz: Coz nas lok oz jiês, jiês tov kaz mak truz ntêr thiêz lok đros lơưs, muôx têx luz lơưs lox luôx kê kêiz uô trâu ntâu thax tsav txir khơưz tưz zuôr jông sâu đê trâus pôngz txir tas. Đhâu muôx ntux lok lơưs, chính quyền tiv phaz thiêz pox nhuôs tưz thôngz sâu têx trâus hiêv thiêz khưx phưx. Zơưv Hà Như Huệ, chủ tịch UBND huyện Yên Châu, tỉnh Sơn La hêik:

“Thâuv co mak xar muôx 4 six zuôr tsâuk ntux, uô phiv liv txos tsoz chos, jâuz tâuv, txir khơưz nhoz Phiêng Khoài. Nhiv no mak khưx phưx têx trâus hiêv trâu pox nhuôs thiêz txir khơưz mak pox nhuôs sâu chiê lav muôs, kror tưs muôs tsik tâu mak cux muôz sâu tsês chiê pox nhuôs sir zôngv, khưx phưx ntơưv qơư”./.

(Hoàng Long-Lik Thox cxêik nhênhv)

Trơưk li Sở vênhx huôv, Thể thao thiêz ju lix tỉnh Lào Cai thôngz sâu, chor kruô tuôx ndis shuôs têz qơưk uô si txos Lào Cai hâur shông 2016 xar muôx 3 tsov lênhx kruô, tsar ndê xar muôx 33% pir li shông 2015.

Nhiv no, Lào Cai tsênhv sir jos cov yênhx iz hâur têx qơư jông hâur thax tsav Tây Bắc chiê trâu tsôngv kruô sơưr đơưk tuôx ndis shuôs uô si, zos Việt Nam iz hâur têx qơư ju lix jông thiêz zos iz tsênhv qơư ju lix lox hâur Việt Nam thiêz Đông Nam Á; sir jos txos shông 2020, ju lix Lào Cai tsênhv tsênhv yênhx ngênhx kinh tế zov chênhr (tsav 50%), muôx ntâu côngz trênhx, qơư jông, xiv huv tsơưr lươngv siêz, muôx suôz bê to, tuôr truôx thiêz sir jos uô cov tâu têx txux chi vênhx huôv jông tsi chiê pôngz plox; tuôr tâu truôx chiê têx li heik ntơư  đros chiv xênhz đrox tsuôs jông zos tsuv muôx têx tsưr ziv uô thiêz cxuô cấp, cxuô ngênhx li cêr moz siêz txos, cux li tsôngv box sơưr đơưk cêr thôngx siêz sik côngv tês thiêx uô tâu./.

(KT-Riê Lâux cxeik, nhênhv)