Chor grêix kra kruôr ntơưv Sơn La paz muôx phênhv sâu siêz trâu pêx xênhv, tiv zix zos thâuv txos tsiêz, ho muôx chôngz nênhs zuôr đuô. Ntâu shông tror lok no, grêix nhux tưv, grêix buô kra kruôr tưz zos yênhx ntâu chuôz zis nhoz Sơn La li hâux lưv uô. Chor grêix kruô nhoz Sơn La ziv hnuz ziv tâu ntâu qơư pâuz txos thiêz nhiêv zuôr, khov co paz muôx nzir phênhv sâu siêz trâu pêx xênhv Sơn La. Sâuv thax tsav tỉnh Sơn La muôx yênhx puô qơư uô grêix kruôr, yênhx shông paz muôx phênhv sâu txix 200-300 cxênhz đêiv trâu iz chuôz zis. Chor grêix kruôr Sơn La tâu sơưr đơưk nhiêv zos tiv taz por tâu ngaz tuk, huv vêv xênhz. Hâur jiês tsiêz shông 2017, gri chor grêi kruôr ntơưv Sơn La tsik txơưr txar ntâu…kror uô muôx gri muôs truôx zos paz chiê hâux lưv uô grêix kruôr nhoz Sơn La tâu sơưr đơưk nhiêv, njênhs njôngr thiêz muôx qơư muôs truôx sâuv ciêz đrôngs./.

(KT-Lik Thox cxêik nhênhv)

Tsêr kho moz nhiệt đới T.Ư nhiv kruôr lênhk kho moz trâu iz lênhx nênhs moz nhoz tỉnh Lai Châu trâus moz ơưk buô tiv nox nyar chiêx bluô. Trơưk li lênhx nênhs moz no chuôz zis, uô ntêx ntơư, lênhx nênhs moz heik no tưz zuôr iz tuk buô lok tuô nox. Thiêz nưk cux zos lênhx buôk ti tuô tsênhr, uô nyar chiêx zâuv 20 lênhx nênhs đros nox uô cê. Đhâu thâuv nox tas 5 hnuz tov kaz, lênhx nênhs co iz chêr uô cuz uô no, gênhs, muôx yưv têx luz poz hlưr đêx, kơưx lox jux juk ntơưv têx tơưr grêix. Đhâu thâuv tâu chox muk chơưv kho trâu ntơưv tsêr kho moz tỉnh, lơưr tsêr kho moz tưz xa tuôx chơưv kho trâu tsêr kho moz T.Ư. Bác sĩ Nguyễn Trung Cấp, Khoa chơưv kho moz zênhx max, tsêr kho moz Nhiệt đới t.Ư heik pâuz, niêx shông thâuv txos six hơưv  tsiêz zos muôx lok six ntâu lênhx trâus moz li lênhx nênhs heik sâuv, hâur ntơư phênhv ntâu zos cik txos nox têx nyar chiêx lok sik cxaz chuôz tuô tsênhr buô. Viv li, tsôngv box tsi tâu tuô tsênhr, nox têx grêix buô moz, tuôs thiêz têx zav nox li: grêix kâuz, nyar chiêx….. txơưv tiêk têx buô ntơư tsi muôx moz lok cux muôx têx cik tâu têx moz li heiik sâuv./.

(KT-Riê Lâux cxeik, nhênhv)

Hmo thiêz têik cik sơưr nzor hnuz 8/1, qiv hơưv no txiêk phiv liv txos Lào Cai, hmo ntux jêx tưv grêk kik. Thauv 7 six sơưr nzor hnuz 8/1, qơư njuôk qiv hơưv Sa Pa njuôk tâu jêx tưv grêik kik muôx 7,9 tưv. Ntơưv qơư du liv cáp treo Fansipan txix siêz 2.900 yiv tror sâur jêx tưv kik đuô 0 tưv. Ntơưv no, hmo ntux thiêz sơưr nzor ntux no njiv, tsuôk thâuv yar ntux tuôx siêz mak thiêx tsik yuô no. No zos jiês tiv oz ntux no njiv phiv liv txos thax tsav Fansipan hâur chêix ntux no shông no./.

(KT-Lik Thox cxêik nhênhv)

UBND tỉnh tsưr ziv cxiv uô tsêr cơưv tâu jông trơưk têz qơưs tsưr ziv tso tơưv ntu 2016-2020, uô ndar txos shông 2025 tưz muôx 60% ntâu tsêr cơưv cxênhx nhuôs zâu, phưv thôngz cxuô cấp uô tâu trơưk tsưr ziv tso tơưv. Ntu 2021-2025, 65% ntâu tsêr cơưv cxênhx nhuôs zâu thiêz phưv thôngz cxuô cấp uô tâu luôs hâux lưv no. Têx tsêr cơưv cxiv uô tâu jông trơưk têz qơưs tsưr ziv tror tuôr truôx thiêz sir jos uô cov tâu jông, tsar ndê ntâu đuô têx tsêr cơưv cxênhx nhuôs zâu thiêz cxênhx iz. Luôs hâux lưv tso tơưv hâur tsưr ziv uô no zos cxiv tsa cxix luôs tsêr cơưv cxênhx nhuôs zâu, cxênhx iz, cxênhx 2, cxênhx 3 thiêz tsêr cơưv phưv thôngz ntâu cấp cơưv uô tâu jông têx hâux lưv zok muôz hâur ntu 2016-2020 thiêz ndar txos shông 2025./.

(KT-Riê Lâux cxeik, nhênhv)

Ciês txix thâuv sơưr nzor hnuz 7/1, 500 ntâu lênhx hluôk nênhs tuôx txix chor tsêr cơưv Cao đẳng, Công an tỉnh, Đoanx khối doanh nghiệp thiêz Thành đoàn Yên Bái muôx njêx muôs ntơưv tsêr cơưv Cao đẳng sư phạm Yên Bái, bax trâu hnuz hội tso nyar. Ban tsưr tsix tưz tok jênhv muôx 100 taz viv nyar, 400 tâu lênhx hluôk nênhs tsênhv yuôr cux tưz uô tiêr ntơưr đăngk cir, bax chiê tso nyar thâuv tưs cux tâu…ntơưv ntênhk, hlôngr njêx muôs lênhx tov tỉnh thiêz ban chos kror tso nyar siêz jông, zơưv Dương Văn Tiến, phưv chủ tịch UBND tỉnh Yên Bái, uô tsâus Ban biên tập pov chir Tiền Phong li têx paz, sik côngv đros uô, hênhr kruôk chor hluôk nênhs, shux xênhz tưz cxaz chuôz trâu tsaz yênhx no./.

(TTT-Lik Thox cxêik nhênhv)