Cxôngx iz ciêz no, pox nhuôs xã Bản Lầu, huyện Mường Khương, tỉnh Lào Cai tưz qir sâuv txir pur lux. Xã Bản Lầu nhiv no muôx 550 hecta txir pur lux txos six hơưv sâu, yar lengx njuôs xav 12.500 tênhr. Ntâu ziv chuôz zis muôx phênhv sâu cxôngx 100 txos 200 tsov đeiv iz shôngk. Txir pur lux tâu tsôngv box chos chêx chôngk nhoz têx jos: Đồi Gianh, Pạc Bo, Na Lốc, Cốc Phương....Nhiv no, công ty zav nox thiêz muôs tơưv Đồng Giao, tỉnh Ninh Bình tưz heik cán bộ tuôx njiz tsưr vax txir pur lux, jênhv sâu tas nro têx xiv huv; iz hnuz sâu 20 txos 25 tênhr txir pur lux./.

( TTT- Txâur Vax cxeik nhênhv)

          Hnuz xiêz 9/2, yênhx châuv cxênhz lênhx kruô ndis shuôs têz qơưk uô si tưz đros dưv ntênhs hội tsêr mnov Đông Cuông shông 2017 ntơưv huyện Văn Yên, tỉnh Yên Bái.

Ntênhs hội tsêr mnov Đông Cuông shông 2017 tâu tsưr tsix hâur cấp huyện, muôx 2 grê. Tiv iz tâu tsưr tsix ntơưv tsêr mnov lox trơưk gâuk li têx chei đrav ntêx zos tok lênhx txir nênhz lok trâu ntơưv tsêr mnov, tuô tưv đơưz chiê txi, tuôr têk đhâu đêx, hlơưr shaz ntơưr. Tiv 2 tsưr tsix uô tsôngv box cxuô heir nênhs huyện Văn Yên li têx txux chi vênhx huôv jông; sik tưr ntâuk poz, sik lâuz pak,, sik truz hluô, lêiv poz, ntâuk tux luz, gruôv gox…. Zơưv Lê Minh Đức, Phưv Chủ tịch UBND huyện Văn Yên, Tsar ban tsưr tsix ntênhs hội no heik pâuz:

Băng: “Ntênhs hội tưz muôx yênhx puô shông lok no, reik đros trâu iz cxiê cêr chei đaz kruôs đrav ntêx tsi pôngz plox. Chiê hlôngr yiêz têx chei no tsuv muôx six hơưv yax mông, fuô kriê txos trâu tsôngv box sđ pâuz to tâuz. Phênhv ntâu shông no, tsôngv box sơưr đơưk jông siêz, thôngx ziv đros têx tsưr ziv uô no chiê   uô tâu iz ntênhs hội yiêz taz sik cux tuôr tâu chiê têx cêr nênhx vênhx huôv jông thâuv nzor./.

(Tuấn Xuân-Riê lâux cxeik, nhênhv)

          Ntơưv jos Pát, xã Chiềng Ban, huyện Mai Sơn, tỉnh Sơn La nhiv kruôr muôx txuz trâus tsơưr tưx zav nox uô zuôr xar 50 lênhx nênhs tsuv mul chơưv kho ntơưv tsêr kho moz. Hâux lưv no muôx yưv ntơưv tix lâuk Lào Văn Cương chuôz zis, thâuv chuôz zis zâuv cưr tix nênhx tsa hâur jos tuôx nox pluôs mor hâur shôngk shông yiêz. Ciês đhâu pluôs nox, ntâu lênhx nênhs pov đhiês tâuz hâu, moz plaz, ntuôr, têx lênhx nênhs no tưz tâu ciêr chênhr chox mul qơư  ytế seiz njuôs. Têx lênhx nênhs trâus hnhar đuô mak chox mul tsêr kho moz đa khoa huyện Mai Sơn, 7 lênhx trâus hnhar tiv zix tâu xa trâu tsêr kho moz tỉnh. Viv tâu chơưv kho sei viv li tsi muôx lênhx nênhs tưs tuôs. Tix lâuk Hoàng Văn Biên, tsar jos Pát puz pâuz:

“ Viv njiz jiês xuz thơưx viv li tsi pâuz uô li chas, lok six cxơưx. Hnuz đhâu têx lênhx nênhs tâu xa trâu tsêr kho moz tỉnh, tsêr kho moz 6 tưz tâu tror lol tsêr lơưv”./.

( TTT- Txâur Vax cxeik nhênhv)