Chor hnuz no tuôx trâu tox siêz faz Bắc Sơn La, têx pax txir khơưz tơưs đơưz vos cxuô jêx jok, tox trôngz uô trâu tsik tsơưs tsôngv kruô nhiêv thiêz sêiz shuôk.

        Đhâu tsiêz zos txos chêix pax txir khơưz nhoz Sơn La tơưs. Sâuv têx ntar trông, tsôngv box Hmôngz, Thái li têx tsêr plox pliês hâur têx têz pax txir khơưz uô trâu Tây Bắc hax zav jông gâux đuô. Pax txir khơưz nhoz Sơn La tsuôk tơưs hâur iz ciêz txos 10 hnuz mak pax đuô thiêz hlôngr trâu ntu txi txir. Viv li, lok six chôngz tsôngv kruô hâur thiêz đrâuv tỉnh Sơn La tưz khov six hơư no chiê tuôx ndis shuôk, sêiz chor pax txir khơưz tơưs, cxêik đuôz tsês tâu sêi lok têx pax jông gâux co ntơưv Sơn La./.

(Thủy Ly-Lik Thox cxêik nhênhv)

        Shông tưs cux li, txos thâuv hâur chêix ntux yiêz, Hội sik tưr chêix fuôx ho tâu tsưr tsix sâuv pak đêx Thác Bà-iz hâur pêz luz pak đêx lox tiv zix Việt Nam nhoz tỉnh Yên Bái. Hội sik tưr nhoz hâur chor huôx tôngv ndis shuôk chêix ntux yiêz lok tsêr mnov Mẫu Thác Bà, nhoz thị trấn Thác Bà, huyện Yên Bình.

        Hội sik tưr chêix fuôx shông no muôx 120 lênhx nênhs tuôx txix 21 xã sâuv thax tsav pak đêx Thác Bà cxaz chuôz, sik tưr chêix fuôx sâuv pak đêx ntơưv njưs thêir tsêr mêir đêx tênhv Thác Bà. Chor fuôx sik tưr tsuv zos fuôx xuôk shôngz uô lok sik xi măng uô, yênhx hnuz pêx xênhv cux sir zôngv chiê nriêr nox, muk lok, ntâuk muôz njêl. Jiês sik tưr paz muôx cêr lov jêv, shir phaz trâu pox nhuôs thâuv hâur shông yiêz. Shông no jiês thik tưz zaz zâuv xar muôx 3.000 lênhx kruô thiêz pox nhuôs sơưr đơưk tuôx sêiz shuôk./.

(Tuấn Xuân-Lik Thox cxêik nhênhv)